San Mateo 7:19 - Triqui de San Juan Copala

¹⁹ Ne̱ sese nuviꞌ chruj sa̱ꞌ raa̱ ꞌo̱ chruun, ne̱ aꞌneꞌ nii man chruun yoꞌ, ne̱ axríj yaꞌan nii man chruun yoꞌ na̱nj ado̱nj.

San Mateo 7:19 ပူးပေါင်းရင်းမြစ်များ

San Mateo 3:10

’ꞌO̱ se nichrunꞌ quiꞌya̱j Yaꞌanj sayuun man nij síí naꞌvej rá cuno̱ rihaan soꞌ na̱nj ado̱nj. Ase vaa síí oro̱ꞌ agaꞌ aꞌneꞌ chruun caꞌne̱ꞌ soꞌ chruun roꞌ, da̱nj vaa Yaꞌanj cuano̱ ado̱nj. Cheꞌé dan ase vaa ꞌyaj nii man chruun roꞌ, taꞌngaꞌ da̱nj quiꞌya̱j Yaꞌanj man nij síí ne uno rihaan soꞌ a. Dan me se aꞌneꞌ nii chruun nuviꞌ chruj sa̱ꞌ raa̱, ne̱ araa nii man chruun yoꞌ rihaan yaꞌan a.

San Mateo 7:18

Chruun sa̱ꞌ roꞌ, se̱ guun cuma̱n chruj nij raa̱ maꞌ. Ne̱ chruun nij roꞌ, se̱ guun cuma̱n chruj sa̱ꞌ raa̱ maꞌ.

San Lucas 3:9

Da̱j se vaa ꞌyaj yuvii̱ nica̱j yuvii̱ agaꞌ ne̱ aꞌneꞌ yuvii̱ chruun nuviꞌ chruj sa̱ꞌ raꞌa ne̱ caca̱a̱ yoꞌ roꞌ, taꞌngaꞌ da̱nj quiꞌya̱j Yaꞌanj ado̱nj. Nichrunꞌ quiꞌya̱j soꞌ sayuun man nij yuvii̱ naꞌvej rá canoco̱ꞌ chrej sa̱ꞌ ado̱nj ―da̱nj cataj Juan rihaan nij yuvii̱ a.

Tito 3:14

Ne̱ me rá ꞌu̱nj nari̱ꞌ ꞌó nij tinúú níꞌ quiꞌya̱j ndoꞌo nij soꞌ suun sa̱ꞌ cheꞌé tuviꞌ nij soꞌ síí achiin ya̱ rasu̱u̱n man uún chugua̱nj. Sese da̱nj ꞌyaj nij soꞌ, ne̱ vaa se gúnꞌ man nij soꞌ chugua̱nj.

Hebreos 6:8

Tza̱j ne̱ sese quixra̱ꞌ uxrá coj tanj u̱u̱n do̱ꞌ, tanj yaꞌa̱a u̱u̱n do̱ꞌ, rihaan yoꞌóó yoꞌ, ne̱ quira̱nꞌ uxrá yoꞌóó yoꞌ sayuun, quiꞌya̱j Yaꞌanj, ne̱ caca̱a̱ nu̱ꞌ yoꞌóó yoꞌ, quiꞌya̱j Yaꞌanj na̱nj á.

Judas 1:12

Ga̱a nuu chre̱ꞌ soj chá soj, ne̱ ne chuꞌviꞌ nij síí narqué tucuáán ne̱ yoꞌ quiꞌya̱j nij soꞌ se nij, ne̱ cheꞌé dan ase vaa luj chiꞌi̱i̱ roꞌ, da̱nj vaa nij soꞌ rihaan soj ado̱nj. Síí taj yaꞌanj man maꞌa̱n me nij síí narqué tucuáán ne̱ yoꞌ, ne̱ ne racuíj nij soꞌ man tuviꞌ nij soꞌ maꞌ. Ase vaa ngaa no̱ rmaꞌa̱n xta̱ꞌ ne̱ ne amanꞌ ꞌyaj roꞌ, vaa nij soꞌ, ne̱ va̱j nij soꞌ rej rque̱ do̱ꞌ, rej xra̱j do̱ꞌ, ꞌyaj nana̱ ado̱nj. Ne̱ ase vaa chruun taj va̱j chruj cavii raa̱ ga̱a síj tiempó cavi̱i̱ chruj raa̱ roꞌ, vaa nij soꞌ, ne̱ chruun naco̱o̱ me nij soꞌ, ne̱ chruun quiriháj nii quiriꞌíj nii rihaan yoꞌóó me uún nij soꞌ ado̱nj.