San Mateo 7:15 - Triqui de San Juan Copala

¹⁵ ’Vaa yuvii̱ taj se vaa me nij soꞌ síí nataꞌ snana̱ Yaꞌanj, tza̱j ne̱ ne ya̱ aꞌmii nij soꞌ maꞌ. Tu̱mé soj man soj, se̱ gaa na̱nj quiꞌya̱j nij soꞌ sayuun man soj á. Dan me se vaa güii cuchi̱ꞌ nij soꞌ rihaan soj, ne̱ ase vaa matzinj roꞌ, da̱nj ga̱a̱ nij soꞌ cuchi̱ꞌ nij soꞌ rihaan soj, ne̱ niꞌya̱nj ndoꞌo caꞌmi̱i̱ nij soꞌ rihaan soj, tza̱j ne̱ nimán nij soꞌ roꞌ, ase vaa nimán xcaꞌyanj caꞌnu̱ꞌ roꞌ, ga̱a̱ nimán nij soꞌ, gu̱un rá nij soꞌ quiꞌya̱j nij soꞌ sayuun man soj na̱nj ado̱nj.

San Mateo 7:15 ပူးပေါင်းရင်းမြစ်များ

San Mateo 10:17

Tu̱mé ndoꞌo soj man soj se̱ quiꞌyaj yuvii̱ sayuun man soj maꞌ. Dan me se caꞌa̱nj ni̱caj nij yuvii̱ man soj rihaan nij xꞌneꞌ nij síí ata̱ suun, ne̱ go̱ꞌ ndoꞌo nij soꞌ vará xráá soj rá veꞌ tucuꞌyón nij soꞌ stucua̱nj Moisés a.

San Mateo 16:11

Da̱j me cheꞌé ne̱ ne cuno̱ soj ga̱. Né cheꞌe̱ na̱nj rachrúún caꞌmij rihaan soj maꞌ. Ma̱an se tu̱mé soj man soj se̱ gaa na̱nj quira̱nꞌ soj sayuun quiꞌya̱j se‑le̱vadura nij síí fariseo do̱ꞌ, nij síí saduceo do̱ꞌ ado̱nj ―taj Jesús rihaan nij soꞌ a.

San Mateo 16:6

Ga̱a ne̱ cataj Jesús rihaan nij soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j se‑le̱vadura nij síí fariseo do̱ꞌ, nij síí saduceo do̱ꞌ á ―taj Jesús rihaan nij soꞌ a.

San Mateo 24:11

Ga̱a ne̱ caꞌna̱ꞌ uxrá síí nata̱ꞌ rihaan yuvii̱ se vaa si̱j nataꞌ snana̱ Yaꞌanj me nij soꞌ, cata̱j nij soꞌ, tza̱j ne̱ caꞌmi̱i̱ ne̱ u̱u̱n nij soꞌ, ne̱ tiha̱ꞌ yuꞌunj uxrá nij soꞌ man yuvii̱ ado̱nj.

San Mateo 7:14

Tana̱nj chru̱j vaa taꞌyaa ne̱ catu̱u̱n vaa chrej ꞌanj rej ga̱a̱ iꞌna̱ꞌ yuvii̱ rihaan Yaꞌanj, ne̱ na̱nj do̱j yuvii̱ nariꞌ chrej sa̱ꞌ yoꞌ ado̱nj.

San Lucas 12:15

Ga̱a ne̱ cataj Jesús rihaan nij yuvii̱ a: ―Tu̱mé uxrá soj man soj rihaan nij rasu̱u̱n xco̱j ruva̱a̱ rá a. Né ra̱su̱u̱n ma̱n rihaan níꞌ quiꞌya̱j cavi̱i̱ sa̱ꞌ nimán níꞌ maꞌ ―taj Jesús rihaan nij yuvii̱ a.

San Lucas 6:26

’Ne̱ nique̱ soj si̱j veꞌé ina̱nj aꞌmii cunuda̱nj yuvii̱ cheꞌé na̱nj á. ꞌO̱ se ase vaa veꞌé ina̱nj aꞌmii nij yuvii̱ cheꞌé soj roꞌ, taꞌngaꞌ da̱nj caꞌmii xi̱i nij yuvii̱ cheꞌé nij síí tihaꞌ yuꞌunj se vaa si̱j nataꞌ snana̱ Yaꞌanj me nij soꞌ ga̱a naá a ―taj Jesús rihaan cunuda̱nj nij síí tucuꞌyón snana̱ soꞌ a.

San Juan 10:12

Xa̱ꞌ mozó, tza̱j ne̱ né si̱j da̱a̱n matzinj tumé sa̱ꞌ matzinj me soꞌ maꞌ. Si̱j ꞌyaj canaán saꞌanj u̱u̱n me soꞌ, ne̱ cheꞌé dan sese neꞌen soꞌ xcuu xcaꞌyanj caꞌnu̱ꞌ, ne̱ chuꞌviꞌ soꞌ, ne̱ tanáj soꞌ matzinj yoꞌ, ne̱ unánj soꞌ a. Ga̱a ne̱ tanáj maꞌa̱n soꞌ man nij matzinj, ga̱a ne̱ ta̱ꞌaa xcaꞌyanj yoꞌ man nij matzinj, ne̱ ti̱chaꞌnuu̱ xcaꞌyanj yoꞌ man nij xoꞌ na̱nj ado̱nj.

Hechos 13:40

Cheꞌé dan ta̱dó nij soj se̱ quiranꞌ soj nda̱a vaa taj snana̱ Yaꞌanj nana̱ no̱ rihaan danj nij síí nataꞌ snana̱ Yaꞌanj nana̱ nihánj á:

Hechos 13:6

Dan me se yoꞌóó ta̱j rihaan na yaꞌa̱nj me estadó Chipre yoꞌ, ne̱ vaꞌnu̱j nij soꞌ chéé nu̱ꞌ yoꞌóó yoꞌ nda̱a se cuchiꞌ nij soꞌ chumanꞌ Pafos a. Ne̱ chumanꞌ Pafos nariꞌ nij soꞌ man ꞌo̱ síí chru̱u̱n síí tuꞌva rmaꞌa̱n se vaa si̱j nataꞌ snana̱ Yaꞌanj me soꞌ, ne̱ síí israelitá me soꞌ, ne̱ Barjesús cuꞌna̱j soꞌ a.

Gálatas 2:4

Tza̱j ne̱ do̱j nij síí tihaꞌ yuꞌunj taj se vaa tinúú níꞌ me nij soꞌ, tza̱j ne̱ taj maꞌ. Dan me se catúj yuve̱ nij soꞌ rej nuu chre̱ꞌ núj cheꞌé rej xca̱j nij soꞌ cuentá da̱j ꞌyaj núj a. ꞌO̱ se vaa yaꞌnúj rihaan níꞌ canoco̱ꞌ níꞌ man Cristó Jesús, ne̱ taj cheꞌé canoco̱ꞌ níꞌ nu̱ꞌ stucua̱nj Moisés nda̱a vaa guun rá nij síí tihaꞌ yuꞌunj quiꞌya̱j níꞌ a̱ maꞌ.

Efesios 4:14

Tza̱j ne̱ cuano̱ roꞌ, ase vaa xnii vaa níꞌ, ne̱ vaa yuvii̱ tihaꞌ yuꞌunj ndoꞌo man níꞌ, ne̱ dan me se nuchruj ra̱a̱ ndoꞌo nij yuvii̱ da̱j quiꞌya̱j nij soꞌ, ne̱ tihaꞌ yuꞌunj nij soꞌ man níꞌ a. Ne̱ tucuꞌyón ndoꞌo nij síí tihaꞌ yuꞌunj nana̱ naca̱ man níꞌ, ne̱ amán rá níꞌ uno níꞌ náá guun nana̱ tihaꞌ yuꞌunj yoꞌ, ꞌyaj nij soꞌ a. Tza̱j ne̱ asa̱ꞌ quisíj cunuu chij rá níꞌ, ne̱ se̱ cuno níꞌ nana̱ tihaꞌ yuꞌunj yoꞌ a̱ maꞌ.

Efesios 5:6

Se̱ caꞌvej rá soj caꞌmi̱i̱ yuvii̱ nana̱ ne̱ rihaan soj ne̱ tiha̱ꞌ yuꞌunj nij yuvii̱ man soj maꞌ. Se̱ quiꞌyaj soj se chiꞌi̱i̱ me rá nij yuvii̱ quiꞌya̱j soj maꞌ. ꞌO̱ se yoꞌ me se ꞌyaj nij síí naꞌvej rá cuno̱ rihaan Yaꞌanj, ne̱ cheꞌé dan uyanj rá Yaꞌanj, ne̱ ꞌyaj Yaꞌanj sayuun man nij soꞌ ado̱nj.

Filipenses 3:2

Dan me se tu̱mé soj man soj sese cuchi̱ꞌ nij síí chiꞌi̱i̱, nij síí niha̱ꞌ rá caꞌne̱ꞌ nee̱ cuta̱ꞌ taꞌngaꞌ man yuvii̱ rej ma̱n soj á. ꞌO̱ se ase vaa chuvee qui̱j roꞌ, da̱nj vaa nij soꞌ ado̱nj.

Colosenses 2:8

Tu̱mé soj man soj se̱ gaa na̱nj tiha̱ꞌ yuꞌunj yuvii̱ man soj maꞌ. Me rá nij yuvii̱ canoco̱ꞌ soj stucua̱nj nij soꞌ, tza̱j ne̱ nuviꞌ yuꞌvee nó stucua̱nj nij soꞌ rihaan tucuáán sa̱ꞌ noco̱ꞌ níꞌ maꞌ. Ma̱an se tucuáán yoꞌ roꞌ, nana̱ tucuꞌyón na̱nj tuviꞌ nij yuvii̱ rihaan nij yuvii̱ me nana̱ yoꞌ, ne̱ snana̱ nij nana̱ chre̱e ma̱n rihaan chumii̱ nihánj me nana̱ yoꞌ, tza̱j ne̱ né sna̱na̱ Cristó me nana̱ yoꞌ maꞌ.

2 Timoteo 3:13

Tza̱j ne̱ xa̱ꞌ nij síí tihaꞌ yuꞌunj, tza̱j ne̱ tana̱nj a̱ doj a̱ doj a̱ caꞌa̱nj nij soꞌ tiha̱ꞌ yuꞌunj nij soꞌ man nij yuvii̱ do̱ꞌ, tiha̱ꞌ yuꞌunj nij yuvii̱ man maꞌa̱n nij soꞌ do̱ꞌ na̱nj á.

2 Timoteo 4:3

ꞌO̱ se vaa güii, ne̱ se̱ caꞌvej rá nij yuvii̱ cuno̱ nij yuvii̱ tucuáán ꞌyaj caꞌve̱e cunu̱u sa̱ꞌ nimán nij soꞌ maan chugua̱nj. Tana̱nj gu̱un rá nij soꞌ cuno̱ nij soꞌ ꞌó tucuáán naca̱, ne̱ cheꞌé dan nano̱ꞌ nij soꞌ queꞌe̱e̱ síí tu̱cuꞌyón ꞌó tucuáán me rá maꞌa̱n nij soꞌ cuno̱ nij soꞌ a.

2 Pedro 3:17

A̱j cataj xnaꞌanj ꞌu̱nj rihaan soj cheꞌé nij síí narqué tucuáán ne̱ caꞌna̱ꞌ rihaan soj vaa güii, tinu̱j, nocoj. Cheꞌé dan ta̱dó uxrá soj se̱ gaa na̱nj canoco̱ꞌ soj tucuáán ne̱ narque̱ nij síí naꞌvej rá cuno̱ rihaan Yaꞌanj yoꞌ á. Sese canoco̱ꞌ soj snana̱ nij soꞌ, ne̱ gu̱un vi̱j rá soj, quiꞌya̱j nij soꞌ ado̱nj.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

Judas 1:4

ꞌO̱ se a̱j catúj yuve̱ do̱j nij síí narqué tucuáán ne̱ scaꞌnúj soj, ne̱ asi̱j naá ndoꞌo nó nana̱ rihaan Danj Yaꞌanj cheꞌé nij soꞌ se vaa vaa güii quira̱nꞌ nij soꞌ sayuun, quiꞌya̱j Yaꞌanj ado̱nj. Si̱j naꞌvej rá cuno̱ rihaan Yaꞌanj me nij soꞌ, ne̱ a̱j nariꞌ nij soꞌ nana̱ se vaa me rá Yaꞌanj caꞌne̱e̱ Yaꞌanj cacunꞌ xráá nij soꞌ, ne̱ cheꞌé dan taj nij soꞌ se vaa caꞌve̱e quiꞌya̱j nij soꞌ me maꞌa̱n se nij a. Dan me se o̱rúnꞌ Yaꞌanj me síí uun chij rihaan níꞌ, tza̱j ne taj cheꞌé cuno̱ nij soꞌ rihaan soꞌ do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, rá nij soꞌ maꞌ.

Apocalipsis 16:13

Ga̱a ne̱ queneꞌén ꞌu̱nj se vaa curiha̱nj vaꞌnu̱j nana̱ chiꞌi̱i̱ tuꞌva xcuáá tuꞌvi̱i do̱ꞌ, tuꞌva xcuu yuva̱a̱ do̱ꞌ, tuꞌva síí nataꞌ nana̱ ne̱ do̱ꞌ, ne̱ ase vaa riqui̱j vaa vaꞌnu̱j nij nana̱ chiꞌi̱i̱ yoꞌ a.

Apocalipsis 17:6

Ga̱a ne̱ queneꞌén ꞌu̱nj se vaa xno̱ chana̱ yoꞌ, cheꞌé se a̱j coꞌo ndoꞌo noꞌ ton man nij síí noco̱ꞌ man Yaꞌanj do̱ꞌ, ton man nij síí caviꞌ cheꞌé se nataꞌ nij soꞌ cheꞌé Jesús do̱ꞌ a. Ne̱ caꞌanj ndoꞌo raj niꞌya̱j ꞌu̱nj man noꞌ a.

Apocalipsis 19:20

Tza̱j ne̱ taꞌaa nii man xcuu yuva̱a̱ yoꞌ do̱ꞌ, man síí nataꞌ nana̱ ne̱ síí quiꞌyaj suun noco̱o rihaan xcuu yuva̱a̱ do̱ꞌ a. Ne̱ suun noco̱o quiꞌyaj soꞌ me se veé da̱nj tihaꞌ yuꞌunj ndoꞌo soꞌ man nij síí caꞌneꞌ rá quino̱ se‑taꞌnga̱ꞌ xcuu yuva̱a̱ yoꞌ man do̱ꞌ, síí caráj gue̱e̱ man se tinanga̱ꞌ xcuu yuva̱a̱ cheꞌé suun noco̱o queneꞌen nij soꞌ do̱ꞌ a. Dan me se quiriꞌíj nii man ro̱j soꞌ rque laguaná rej acaa ndoꞌo yoꞌóó azufré, ne̱ veé da̱nj vaa iꞌna̱ꞌ ro̱j soꞌ a.

Apocalipsis 20:10

Ga̱a ne̱ Síí Chre̱e síí tihaꞌ yuꞌunj man nij soꞌ roꞌ, quiriꞌíj nii man soꞌ rque laguaná rej acaa ndoꞌo yoꞌóó azufré, ne̱ yoꞌ me rej nu̱u̱ xcuu yuva̱a̱ do̱ꞌ, síí nataꞌ nana̱ ne̱ do̱ꞌ a. Ga̱a ne̱ nuvi̱i niga̱nꞌ quira̱nꞌ ndoꞌo nij soꞌ sayuun nu̱ꞌ cavii nu̱ꞌ caꞌanj na̱nj ado̱nj.