San Mateo 6:9 - Triqui de San Juan Copala

⁹ Cheꞌé dan asa̱ꞌ achíín niꞌya̱j soj, ne̱ nihánj cata̱j soj á: Ata̱j Chij, síí nicu̱nꞌ xta̱ꞌ, me rá nimán núj cara̱a̱ cochro̱j yuvii̱ mán so̱ꞌ ado̱nj.

San Mateo 6:9 ပူးပေါင်းရင်းမြစ်များ

San Mateo 10:29

’Neꞌen soj da̱j vaa nij xtâj chri̱nꞌ se vaa vi̱j u̱nꞌ yoꞌ nó ꞌo̱ saꞌanj aga̱ꞌ no̱ do̱j tzínꞌ a. Tza̱j ne̱ se̱ guun cavi̱ꞌ ꞌo̱ xoꞌ quini̱j xoꞌ rihaan yoꞌóó, sese naꞌvej Rej soj síí nicu̱nꞌ xta̱ꞌ cavi̱ꞌ ꞌo̱ xoꞌ maꞌ.

San Mateo 23:9

Ne̱ se̱ guun cata̱j soj Ata̱j Chij rihaan yuvii̱ ma̱n rihaan chumii̱ nihánj a̱ maꞌ. ꞌO̱ se vaa o̱rúnꞌ Rej soj síí nicu̱nꞌ xta̱ꞌ á.

San Mateo 26:29

Cata̱j xnaꞌanj ꞌu̱nj rihaan soj se vaa se̱ coꞌo uún ꞌu̱nj na vinó nihánj nda̱a quisi̱j güii coꞌo̱ naca̱ ꞌu̱nj ga̱ soj rej uun chij Réé ꞌu̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 26:42

Ga̱a ne̱ caꞌanj uún soꞌ, ne̱ cachíín niꞌya̱j uún soꞌ rihaan Yaꞌanj, cataj soꞌ a: ―Sese se̱ caꞌvee nani̱i̱ ꞌu̱nj rihaan sayuun ase vaa, ne̱ qui̱ꞌyáá so̱ꞌ nda̱a vaa me rá so̱ꞌ, Ata̱j ―taj Jesús, cachíín niꞌya̱j soꞌ a.

San Mateo 5:16

Ne̱ veé da̱nj vaa gue̱e̱ soj, ne̱ ase vaa agaꞌ yaꞌan roꞌ, vaa soj rihaan chumii̱ nihánj ado̱nj. Ne̱ sese sa̱ꞌ quiꞌya̱j soj queneꞌe̱n nij yuvii̱, ne̱ veꞌé uxrá caꞌmi̱i̱ nij yuvii̱ cheꞌé Rej níꞌ Yaꞌanj si̱j nicu̱nꞌ xta̱ꞌ, quiꞌya̱j soj na̱nj ado̱nj.

San Mateo 5:48

Cheꞌé dan sese né si̱j tihaꞌ yuꞌunj do̱ꞌ, si̱j yaníj do̱ꞌ, me soj, ne̱ no̱ xcúún soj gu̱un soj síí vaa sa̱ꞌ ina̱nj nimán ado̱nj. Ne̱ ase vaa síí sa̱ꞌ ina̱nj me Yaꞌanj roꞌ, da̱nj ga̱a̱ maꞌa̱n soj, síí sa̱ꞌ ina̱nj gu̱un soj ado̱nj.

San Mateo 6:14

’ꞌO̱ se sese cara̱a̱ xꞌnaa soj cheꞌé cacunꞌ quiꞌyaj tuviꞌ soj rihaan soj, ne̱ da̱nj quiꞌya̱j Rej soj síí nicu̱nꞌ xta̱ꞌ uún, ne̱ tinavi̱j soꞌ cacunꞌ tumé soj ado̱nj.

San Mateo 6:6

Tza̱j ne̱ so̱ꞌ roꞌ, ga̱a me rá so̱ꞌ cachi̱nj ni̱ꞌyáá so̱ꞌ rihaan Yaꞌanj, ne̱ asino catu̱u̱ so̱ꞌ rá veꞌ, ga̱a ne̱ ca̱ráán so̱ꞌ taꞌyaa, ga̱a ne̱ cachi̱nj niꞌya̱j yuve̱ so̱ꞌ rihaan Rej níꞌ Yaꞌanj á. Ne̱ Rej níꞌ Yaꞌanj me síí neꞌen se vaa achíín niꞌya̱j yuve̱ so̱ꞌ rihaan soꞌ, ga̱a ne̱ quiꞌya̱j soꞌ se lu̱j ga̱ so̱ꞌ ado̱nj.

San Mateo 7:11

Dan me se nda̱ꞌ se síí chiꞌi̱i̱ nimán me soj, tza̱j ne̱ neꞌen soj rque̱ soj se sa̱ꞌ cha̱ taꞌníí soj ado̱nj. Cheꞌé dan táá a̱ Rej soj síí nicu̱nꞌ xta̱ꞌ, ne̱ si̱j sa̱ꞌ ina̱nj me soꞌ, ne̱ rque̱ ya̱ soꞌ rasu̱u̱n sa̱ꞌ man nij síí achíín rasu̱u̱n man soꞌ na̱nj ado̱nj.

San Lucas 15:18

Na̱xuma̱a̱n ꞌu̱nj, ne̱ nánꞌ ꞌu̱nj rej ya̱nj réj, cata̱j ꞌu̱nj rihaan réj a: Tumej cacunꞌ rihaan Yaꞌanj, ne̱ tumej cacunꞌ rihaan so̱ꞌ, ata̱j.

San Lucas 15:21

Ga̱a ne̱ cataj síí cuni̱j yoꞌ rihaan rej soꞌ a: “Tumej cacunꞌ rihaan Yaꞌanj, ne̱ tumej cacunꞌ rihaan so̱ꞌ, ata̱j. Taj cheꞌé cata̱j so̱ꞌ se vaa taꞌníí so̱ꞌ mej cuano̱ a̱ maꞌ. Ma̱an se qui̱ꞌyáá so̱ꞌ se ndoꞌo, ne̱ guún ꞌu̱nj mozó rihaan so̱ꞌ, qui̱ꞌyáá so̱ꞌ, rugua̱nj”, taj soꞌ rihaan rej soꞌ a.

San Lucas 2:14

Niꞌndaj ya̱ sa̱ꞌ veꞌé vaa Yaꞌanj, cata̱j nij síí ma̱n xta̱ꞌ, ne̱ ga̱a̱ xe̱j nimán nij yuvii̱ si̱j sa̱ꞌ nimán ma̱n rihaan chumii̱ a, taj nij se‑mo̱zó Yaꞌanj rihaan nij síí tumé matzinj a.

San Juan 20:17

Ga̱a ne̱ cataj Jesús rihaan noꞌ a: ―Caꞌne̱ꞌ rá so̱ꞌ, se̱ canó so̱ꞌ doj manj maꞌ. ꞌO̱ se ataa cavi̱i̱ uún ꞌu̱nj quina̱nꞌ ꞌu̱nj rihaan Réj Yaꞌanj, ne̱ me rá ꞌu̱nj caꞌa̱nj so̱ꞌ rihaan nij tinúú ꞌu̱nj a. Cata̱j xnaꞌanj so̱ꞌ rihaan nij soꞌ se vaa cavi̱i̱ ꞌu̱nj quina̱nꞌ ꞌu̱nj rihaan Réj, ne̱ soꞌ me Rej soj uún, ne̱ Yaꞌanj si̱j noco̱ꞌ ꞌu̱nj me soꞌ, ne̱ Yaꞌanj síí noco̱ꞌ soj me uún soꞌ ado̱nj ―taj Jesús rihaan Mariá a.

Romanos 1:7

Dan me se ꞌyáá ꞌu̱nj yanj nihánj caꞌne̱j ꞌu̱nj rihaan nij soj xꞌneꞌ yuvii̱ ya̱nj chumanꞌ Romá si̱j ꞌe̱e̱ ndoꞌo rá Yaꞌanj man, ne̱ dan me se canacúún Yaꞌanj man soj gu̱un soj síí nuu sa̱ꞌ nimán, ne̱ me raj quiꞌya̱j Rej níꞌ Yaꞌanj quiꞌya̱j Jesucristó Si̱j ꞌNi̱j Raꞌa man níꞌ quiꞌya̱j se lu̱j cheꞌé soj, ne̱ ga̱a̱ xe̱j nimán soj, quiꞌya̱j uún ro̱j soꞌ ado̱nj.

Romanos 8:15

Neꞌen soj se vaa chuꞌviꞌ mozó niꞌya̱j soꞌ se‑ruꞌve̱e̱ soꞌ, tza̱j ne̱ naꞌvej rá Yaꞌanj quiꞌya̱j soj da̱nj rihaan Yaꞌanj maꞌ. Se̱ cuchuꞌviꞌ nimán soj ni̱ꞌyaj soj Yaꞌanj maꞌ. ꞌO̱ se nica̱j yuꞌunj Yaꞌanj man soj, ne̱ guun taꞌni̱j Yaꞌanj man soj, ne̱ cheꞌé dan me ga̱a̱ niha̱ꞌ rá soj cata̱j soj “Ata̱j” rihaan Yaꞌanj á.

Gálatas 1:1

Síí cuꞌna̱j Pabló mej, ne̱ dan me se ga̱a caviꞌ Jesucristó, ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ Jesucristó do̱ꞌ, Rej níꞌ Yaꞌanj do̱ꞌ, me ro̱j síí cuneꞌ mán ꞌu̱nj guún ꞌu̱nj ꞌo̱ síí caꞌa̱nj nata̱ꞌ snana̱ Jesucristó a. Né ina̱nj yuvii̱ me síí cuneꞌ mán ꞌu̱nj maꞌ. Maꞌa̱n ya̱ Yaꞌanj cuneꞌ mán ꞌu̱nj ado̱nj.

Gálatas 4:6

Cuano̱ nihánj me se taꞌníí ya̱ Yaꞌanj me nij soj ado̱nj. Cheꞌé dan caꞌnéé Yaꞌanj man Nimán Taꞌníí soꞌ nimán níꞌ, ne̱ cheꞌé dan me taj níꞌ a: “Ata̱j Chij, Rej núj mé so̱ꞌ á”, taj níꞌ, aguáj níꞌ, ꞌyaj Nimán Taꞌníí soꞌ a.

1 Timoteo 6:16

O̱rúnꞌ soꞌ me síí vaa iꞌna̱ꞌ nu̱ꞌ cavii nu̱ꞌ caꞌanj, ne̱ ya̱nj soꞌ rej acoꞌ yaꞌan chuguu̱n rej naꞌvee nichru̱nꞌ yuvii̱ á. A̱ ꞌó yuvii̱ ne queneꞌe̱n man soꞌ, ne̱ daj chiha̱a̱ míj se̱ caꞌvee queneꞌe̱n yuvii̱ man soꞌ maꞌ. Cheꞌé dan cara̱a̱ cochro̱j níꞌ rihaan soꞌ, ne̱ ga̱a̱ nucua̱j ndoꞌo soꞌ nu̱ꞌ cavii nu̱ꞌ caꞌanj rugua̱nj. Veé da̱nj ga̱a̱ ya̱ ado̱nj.

1 Pedro 1:17

Yaꞌanj roꞌ, me síí nica̱ ina̱nj aꞌneꞌ cacunꞌ cheꞌé ꞌo̱ ꞌo̱ níꞌ nda̱a vaa ꞌyaj ꞌo̱ ꞌo̱ níꞌ, ne̱ cheꞌé se “Ata̱j Chij” taj soj rihaan Yaꞌanj ga̱a achíín niꞌya̱j soj rihaan soꞌ roꞌ, cheꞌé dan ꞌo̱ cara̱a̱ cochro̱j soj rihaan soꞌ do̱j nij güii ca̱yáán soj rihaan yoꞌóó nihánj á.

Apocalipsis 4:11

No̱ xcúún ndoꞌo so̱ꞌ Yaꞌa̱nj Si̱j ꞌNi̱j Raꞌa man núj cata̱j núj se vaa niꞌndaj ya̱ sa̱ꞌ veꞌé vaa so̱ꞌ do̱ꞌ, cara̱a̱ cochro̱j núj mán so̱ꞌ do̱ꞌ, gu̱un chij ndoꞌo so̱ꞌ do̱ꞌ á. ꞌO̱ se so̱ꞌ me síí quiꞌyaj cunuda̱nj rasu̱u̱n, ne̱ ma̱an cheꞌé se guun rá so̱ꞌ cuma̱n nij rasu̱u̱n yoꞌ roꞌ, cheꞌé dan guun cunuda̱nj nij rasu̱u̱n, quiꞌyáá so̱ꞌ ado̱nj taj ico̱ caꞌa̱nj nij síí uun chij yoꞌ rihaan Yaꞌanj a.

Apocalipsis 5:12

Ne̱ nucua̱j ndoꞌo caꞌmii nij se‑mo̱zó Yaꞌanj yoꞌ, cataj nij soꞌ a: No̱ xcúún ndoꞌo Matzinj Leꞌe̱j ticaviꞌ nii man gu̱un nucua̱j ndoꞌo soꞌ do̱ꞌ, ni̱caj soꞌ nu̱ꞌ rasu̱u̱n sa̱ꞌ do̱ꞌ, ni̱caj ndoꞌo soꞌ cuentá do̱ꞌ, gu̱un chij ndoꞌo soꞌ do̱ꞌ, caꞌmi̱i̱ cochro̱j ta̱ranꞌ níꞌ cheꞌé soꞌ do̱ꞌ, cata̱j níꞌ se vaa niꞌndaj ya̱ sa̱ꞌ vaa soꞌ do̱ꞌ, veꞌé uxrá caꞌmi̱i̱ níꞌ cheꞌé soꞌ do̱ꞌ ado̱nj taj nij se‑mo̱zó Yaꞌanj niꞌya̱j nij soꞌ Matzinj Leꞌe̱j yoꞌ a.