San Mateo 6:27 - Triqui de San Juan Copala

²⁷ Ne̱ nda̱ꞌ se nanó ndoꞌo rá soj, tza̱j ne̱ se̱ caꞌvee nacuta̱ꞌ soj a̱ ꞌó güii ga̱a̱ iꞌna̱ꞌ soj rihaan chumii̱ nihánj maꞌ.

San Mateo 6:27 ပူးပေါင်းရင်းမြစ်များ

San Mateo 5:36

Ne̱ raa̱ maꞌa̱n soj se̱ cutaꞌ soj maꞌ. ꞌO̱ se se̱ guun nucua̱j soj naquiꞌya̱j catzi̱i̱ soj ꞌo̱ yuvé raa̱ soj, ne̱ se̱ guun nucua̱j soj naquiꞌya̱j maruu̱ soj ꞌo̱ yuvé raa̱ soj maꞌ.

San Mateo 6:25

’Cheꞌé dan cata̱j xnaꞌanj ꞌu̱nj ꞌo̱ nana̱ rihaan soj á: Taj cheꞌé nano̱ ndoꞌo rá soj cheꞌé soj maꞌ. Ne̱ cheꞌé dan se̱ nanó rá soj cheꞌé se cha̱ soj do̱ꞌ, cheꞌé yan quiri̱ꞌ soj se ca̱ráán xráá soj do̱ꞌ, se̱ nanó rá soj maꞌ. Vaa se uun doj se vaa iꞌna̱ꞌ níꞌ rihaan se cha̱ níꞌ, ne̱ vaa se uun doj nee̱ man níꞌ rihaan yatzéj ca̱ráán xráá níꞌ ado̱nj.

San Mateo 6:28

’Ne̱ me cheꞌé nanó rá soj cheꞌé yatzíj ca̱ráán xráá soj ga̱. ꞌO̱ se xca̱j soj cuentá ni̱ꞌyaj soj nij yâj ma̱n tacaan se vaa veꞌé ndoꞌo vaa nij yoꞌ ado̱nj. Ne ꞌyaj suun nij yâj, ne̱ ne rii nij yâj yuꞌvej maꞌ.

San Mateo 6:31

’Dan me se se̱ nanó ndoꞌo rá soj cata̱j soj a: “Me se cha̱ níꞌ ga̱. Me se coꞌo̱ níꞌ ga̱. Me se ca̱ráán xráá níꞌ ga̱.” Se̱ guun rá soj da̱nj maꞌ.

San Mateo 6:34

Cheꞌé dan se̱ nanó rá soj cheꞌé se vaa cachi̱in rihaan soj aꞌyuj maꞌ. ꞌO̱ se vaa sayuun ꞌnaꞌ da̱j a̱ ꞌo̱ ꞌo̱ güii ado̱nj. Cheꞌé dan xca̱j soj cuentá da̱j quiꞌya̱j soj güii cuanꞌ, ne̱ se̱ nanó rá soj cheꞌé se vaa quiꞌya̱j soj güii aꞌyuj maꞌ.

San Lucas 10:41

Tza̱j ne̱ cataj Jesús rihaan noꞌ a: ―Nanó ndoꞌo rá so̱ꞌ ne̱ aráya̱ꞌáán so̱ꞌ cheꞌé queꞌe̱e̱ suun, Marta.

San Lucas 12:11

’Dan me se asa̱ꞌ tucuatúj nii man soj rá veꞌ tucuꞌyón níꞌ si̱j israelitá stucua̱nj Moisés ne̱ canicu̱nꞌ soj rihaan nij cuese̱ do̱ꞌ, nij síí nica̱j suun do̱ꞌ, ne̱ se̱ nanó rá soj da̱j caꞌmi̱i̱ soj cheꞌé soj rihaan nij soꞌ maꞌ.

San Lucas 12:22

Ga̱a ne̱ cataj Jesús rihaan nij síí tucuꞌyón snana̱ soꞌ a: ―Cheꞌé dan cata̱j xnaꞌanj ꞌu̱nj ꞌo̱ nana̱ rihaan soj a: Taj cheꞌé nano̱ ndoꞌo rá soj cheꞌé soj maꞌ. Ne̱ cheꞌé se cha̱ soj do̱ꞌ, ne̱ cheꞌé yan quiri̱ꞌ soj se ca̱ráán xráá soj do̱ꞌ, se̱ nanó rá soj maꞌ.

1 Corintios 12:18

Yaꞌanj me síí quiꞌyaj nu̱ꞌ nee̱ man níꞌ, ne̱ Yaꞌanj roꞌ, me síí rqué suun rihaan ꞌo̱ ꞌo̱ nee̱ man níꞌ da̱j quiꞌya̱j nij yoꞌ a.

Filipenses 4:6

Se̱ nanó rá soj cheꞌé a̱ ꞌó rasu̱u̱n maꞌ. Tana̱nj cachi̱nj niꞌya̱j soj rihaan Yaꞌanj, ne̱ me maꞌa̱n rasu̱u̱n achiin man soj, ne̱ cachi̱nj soj rihaan Yaꞌanj, ne̱ cata̱j soj guun niꞌya̱j níꞌ rihaan Yaꞌanj á.

1 Pedro 5:7

A̱ ꞌó xcoꞌ se̱ nanó rá soj maꞌ. Yaꞌanj roꞌ, me síí nanó ndoꞌo rá da̱j ranꞌ soj, ne̱ cheꞌé dan me ꞌo̱ ga̱a̱ nucua̱j rá soj man soꞌ ado̱nj.