San Mateo 6:21 - Triqui de San Juan Copala

²¹ Rej nu̱u̱ chre̱ꞌ siꞌyaj soj roꞌ, veé rej yoꞌ vaj nimán soj na̱nj ado̱nj.

San Mateo 6:21 ပူးပေါင်းရင်းမြစ်များ

San Mateo 12:34

ꞌO̱ se ase vaa xcuáá yuva̱a̱ vaa soj na̱nj á. Chiꞌi̱i̱ vaa nimán soj, ne̱ chiꞌi̱i̱ vaa nana̱ aꞌmii soj ado̱nj. ꞌO̱ se ase vaa se ma̱n nimán yuvii̱ roꞌ, da̱nj vaa nana̱ avii tuꞌva yuvii̱ ado̱nj.

San Mateo 6:22

’Rlij rihaan níꞌ me yaꞌan nica̱j yuꞌunj man níꞌ ado̱nj. Dan me se sese rlij rihaan níꞌ roꞌ, niꞌya̱j yoꞌ ne̱ uun sa̱ꞌ rá yoꞌ, ga̱a ne̱ nu̱ꞌ nee̱ man níꞌ roꞌ, sa̱ꞌ vaa, ne̱ adi̱ꞌ se chuguu̱n agaꞌ yaꞌan roꞌ, da̱nj chuguu̱n man níꞌ ga̱a sa̱ꞌ rihaan níꞌ ado̱nj.

San Lucas 12:34

Me rej maꞌa̱n araa sa̱ꞌ soj rasu̱u̱n siꞌyaj soj, ne̱ veé rej da̱nj vaj nimán soj na̱nj ado̱nj ―taj Jesús rihaan nij síí tucuꞌyón snana̱ soꞌ a.

Hechos 8:21

A̱ doj se̱ caꞌvee qui̱ꞌyáá so̱ꞌ da̱nj maꞌ. A̱ doj ne vaa nica̱ nimán so̱ꞌ rihaan Yaꞌanj a̱ maan ado̱nj.

2 Corintios 4:18

Cheꞌé dan ne nanó rá núj cheꞌé nij rasu̱u̱n ruviꞌ niꞌya̱j yuvii̱ maꞌ. ꞌO̱ se rasu̱u̱n ruviꞌ niꞌya̱j yuvii̱ roꞌ, vaa güii navi̱j nu̱ꞌ rasu̱u̱n yoꞌ, ne̱ cheꞌé dan ina̱nj cheꞌé nij rasu̱u̱n ne ruviꞌ niꞌya̱j yuvii̱ cuano̱ nanó rá núj, cheꞌé se rasu̱u̱n cuma̱n nu̱ꞌ cavii nu̱ꞌ caꞌanj me rasu̱u̱n yoꞌ ado̱nj.

Filemón 1:19

Ma̱ꞌanj raꞌaj si̱j cuꞌna̱j Pabló cachronj nana̱ nihánj se vaa na̱ruꞌvee ꞌu̱nj cunuda̱nj se vaa quiꞌyaj xcúún soꞌ rihaan so̱ꞌ ado̱nj. Veé da̱nj vaa xcúún rihaan soꞌ do̱ꞌ, tza̱j ne̱ taj cheꞌé cata̱j xnaꞌanj ꞌu̱nj rihaan so̱ꞌ se vaa vaa xcúún rihaan ma̱ꞌán so̱ꞌ se vaa nanii so̱ꞌ rihaan sayuun nu̱ꞌ cavii nu̱ꞌ caꞌanj, quiꞌyaj ma̱ꞌanj ga̱a natáꞌ ꞌu̱nj snana̱ Cristó rihaan so̱ꞌ maꞌ.

Filemón 1:3

Me rá ꞌu̱nj quiꞌya̱j Rej níꞌ Yaꞌanj quiꞌya̱j Jesucristó Si̱j ꞌNi̱j Raꞌa man níꞌ quiꞌya̱j ndoꞌo se lu̱j cheꞌé nij soj, ne̱ ga̱a̱ xe̱j nimán nij soj, quiꞌya̱j ro̱j soꞌ, raj ado̱nj.

Hebreos 3:12

Dan me se tu̱mé uxrá soj man soj se̱ gaa na̱nj ga̱a̱ qui̱j nimán ꞌo̱ tuviꞌ soj, ne̱ se̱ caꞌvej rá soꞌ cuchuma̱n rá soꞌ ni̱ꞌyaj soꞌ Yaꞌanj, maan tinu̱j, maan nocoj. Ta̱dó soj se̱ gaa na̱nj ta̱náj xco̱ ꞌo̱ tuviꞌ soj man Yaꞌanj si̱j vaa iꞌna̱ꞌ ya̱ maꞌ.