San Mateo 6:16 - Triqui de San Juan Copala

¹⁶ ’Ne̱ ga̱a tocoꞌ soj xꞌnaa man soj cheꞌé se aráj gue̱e̱ soj rihaan Yaꞌanj, ne̱ se̱ quiꞌyaj soj nda̱a vaa ꞌyaj nij síí nucuiꞌ rá maꞌ. Dan me se ga̱a tocoꞌ nij soꞌ xꞌnaa man maꞌa̱n nij soꞌ, ne̱ ase vaa rihaan síí nanó ndoꞌo rá roꞌ, vaa rihaan nij soꞌ, ꞌyaj nij soꞌ, ne̱ me ina̱nj rá nij soꞌ queneꞌe̱n yuvii̱ man nij soꞌ da̱j ꞌyaj nij soꞌ ga̱a ne̱ xca̱j nij yuvii̱ cuentá se vaa aráj gue̱e̱ nij soꞌ rihaan Yaꞌanj, rá nij soꞌ na̱nj ado̱nj. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa a̱j quiriꞌ nij soꞌ tuꞌvee nij soꞌ vaa, ese a̱j veꞌé caꞌmii yuvii̱ cheꞌé nij soꞌ na̱nj ado̱nj.

San Mateo 6:16 ပူးပေါင်းရင်းမြစ်များ

San Mateo 6:1

’Ne̱ tu̱mé soj man soj ga̱a ꞌyaj soj se sa̱ꞌ do̱ꞌ, se lu̱j do̱ꞌ á. Se̱ guun rá soj queneꞌe̱n yuvii̱ man soj ne̱ cata̱j nij yuvii̱ cheꞌé soj se vaa síí sa̱ꞌ uxrá me soj maꞌ. Sese da̱nj quiꞌya̱j soj, ne̱ daj chiha̱a̱ míj se̱ quiꞌyaj Rej soj síí nicu̱nꞌ xta̱ꞌ a̱ doj se lu̱j ga̱ soj a̱ maan ado̱nj.

San Mateo 6:2

Cheꞌé dan sese me rá so̱ꞌ rque̱ so̱ꞌ saꞌanj man nij síí nique̱, ne̱ se̱ guun rá so̱ꞌ caꞌya̱nj nii chruun aꞌyánj qui̱ꞌyáá so̱ꞌ, ne̱ ni̱ꞌyaj yuvii̱ caxri̱i̱ so̱ꞌ saꞌanj ston síí nique̱, ne̱ cata̱j nij yuvii̱ se vaa veꞌé quiꞌyáá so̱ꞌ maꞌ. ꞌO̱ se ina̱nj da̱nj ꞌyaj nij síí nucuiꞌ rá ga̱a va̱j nij soꞌ rá veꞌ tucuꞌyón níꞌ stucua̱nj Moisés do̱ꞌ, rihaan nij callé do̱ꞌ, ne̱ uno cunuda̱nj yuvii̱, ꞌyaj nij soꞌ ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa a̱j veꞌé caꞌmii yuvii̱ cheꞌé nij soꞌ, tza̱j ne̱ a̱ ꞌó rasu̱u̱n se̱ quiriꞌ uún nij soꞌ a̱ maꞌ.

San Mateo 6:5

’Ne̱ ga̱a achíín niꞌya̱j soj rihaan Yaꞌanj, ne̱ se̱ quiꞌyaj soj se vaa ꞌyaj nij síí nucuiꞌ rá maꞌ. ꞌO̱ se niha̱ꞌ rá nij soꞌ canicu̱nꞌ nij soꞌ rá veꞌ tucuꞌyón yuvii̱ israelitá stucua̱nj Moisés do̱ꞌ, rej nuná tuviꞌ chrej caꞌa̱a̱n noco̱o do̱ꞌ, ne̱ achíín niꞌya̱j nij soꞌ rihaan Yaꞌanj, cheꞌé se ina̱nj me rá nij soꞌ queneꞌe̱n yuvii̱ man nij soꞌ, ne̱ veꞌé caꞌmi̱i̱ yuvii̱ cheꞌé nij soꞌ, rá nij soꞌ ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa a̱j veꞌé caꞌmii yuvii̱ cheꞌé nij soꞌ, ne̱ a̱j navij quiriꞌ nij soꞌ tuꞌvee nij soꞌ vaa ga̱a na̱nj ado̱nj.

San Marcos 2:18

Dan me se nij síí tucuꞌyón snana̱ Juan Síí Utaꞌ Ne man yuvii̱ ga̱ nij síí fariseo roꞌ, cuꞌyón nij soꞌ tocoꞌ nij soꞌ xꞌnaa man maꞌa̱n nij soꞌ, cara̱a̱ gue̱e̱ nij soꞌ rihaan Yaꞌanj a. Ne̱ ꞌo̱ güii me se caꞌnaꞌ nij soꞌ rihaan Jesús, ne̱ xnáꞌanj nij soꞌ man Jesús a: ―Me cheꞌé, ne̱ tocoꞌ núj si̱j tucuꞌyón snana̱ Juan do̱ꞌ, si̱j tucuꞌyón snana̱ nij síí fariseo do̱ꞌ, xꞌnaa man maꞌa̱n núj cheꞌé yan cara̱a̱ gue̱e̱ núj rihaan Yaꞌanj, tza̱j ne̱ nij síí tucuꞌyón snana̱ so̱ꞌ me se ne tocoꞌ nij soꞌ xꞌnaa man maꞌa̱n nij soꞌ ga̱ ―taj nij soꞌ a.

San Lucas 18:12

Ne̱ vi̱j ya̱ tocóꞌ ꞌu̱nj xꞌnaa man ma̱ꞌán ꞌu̱nj cheꞌé rej cara̱a̱ gue̱e̱ ꞌu̱nj rihaan so̱ꞌ rque da̱j a̱ tu̱nj güii, ne̱ rqué ꞌu̱nj ꞌo̱ pesó rihaan da̱j a̱ chi̱ꞌ pesó ꞌyaj canaán ꞌu̱nj rihaan so̱ꞌ ado̱nj”, taj síí fariseo yoꞌ rihaan Yaꞌanj a.

San Lucas 2:37

ne̱ quináj noꞌ ne maꞌa̱n noꞌ, ne̱ quisíj noꞌ nda̱a caꞌa̱nj chiha̱a̱ caꞌa̱nj (84) yoꞌ ga̱a caꞌngaa neꞌej cuꞌna̱j Jesús a. ꞌO̱ cayáán noꞌ rej ya̱nj nuvií noco̱o, ne̱ nuvi̱i niga̱nꞌ caráj gue̱e̱ noꞌ rihaan Yaꞌanj, tocoꞌ noꞌ xꞌnaa man maꞌa̱n noꞌ ne̱ cachíín niꞌya̱j noꞌ a.

Hechos 10:30

Ga̱a ne̱ cataj Cornelió rihaan soꞌ a: ―Cachén caꞌa̱nj güii ne̱ ma̱an orá nihánj me ta̱ꞌ asuun, ne̱ agaꞌ vaꞌnu̱j me yoꞌ, ne̱ cachíín ni̱ꞌyáá ꞌu̱nj rihaan Yaꞌanj rá veꞌ tucuaj a. Ne̱ ta̱j niꞌyo̱n curiha̱nj ꞌo̱ snóꞌo nicu̱nꞌ rihanj, ne̱ yatzéj catzi̱i̱ chuguu̱n maꞌa̱n nuû soꞌ,

Hechos 14:23

Ne̱ cuneꞌ ro̱j soꞌ man síí tu̱mé sa̱ꞌ rihaan Yaꞌanj man xꞌneꞌ nij síí noco̱ꞌ man Cristó ꞌo̱ ꞌo̱ nij chumanꞌ a. Ga̱a ne̱ tocoꞌ ro̱j soꞌ xꞌnaa man maꞌa̱n ro̱j soꞌ, ne̱ cachíín niꞌya̱j ro̱j soꞌ rihaan Jesucristó Si̱j ꞌNi̱j Raꞌa man níꞌ cheꞌé nij síí cuchumán rá niꞌya̱j man soꞌ se vaa ra̱cuíj soꞌ man nij soꞌ a.

1 Corintios 7:5

Se̱ guun cata̱j ꞌo̱ soꞌ se vaa naꞌvej rá soꞌ coto̱j soꞌ ga̱ nica̱ soꞌ maꞌ. Tza̱j ne̱ sese ꞌo̱ cuya̱a̱n gu̱un rá ro̱j ni̱ca̱ ro̱j soꞌ se vaa me rá ro̱j soꞌ gu̱un yaníj ro̱j soꞌ rihaan tuviꞌ ro̱j soꞌ cheꞌé yan ꞌo̱ cachi̱nj niꞌya̱j ro̱j soꞌ rihaan Yaꞌanj do̱j güii, ne̱ caꞌve̱e quiꞌya̱j ro̱j soꞌ da̱nj ado̱nj. Dan me se nda̱a quisíj cachíín niꞌya̱j ro̱j soꞌ rihaan Yaꞌanj, ga̱a ne̱ cunu̱u rcuaꞌa̱a̱n uún ro̱j ni̱ca̱ ro̱j soꞌ, coto̱j rcuaꞌa̱a̱n uún ro̱j soꞌ na̱nj ado̱nj. Sese se̱ cuno soj nana̱ nihánj, ne̱ caxri̱i̱ Síí Chre̱e chrej chiꞌi̱i̱ rque soj, cheꞌé se se̱ guun nucua̱j soj gu̱un yaníj soj rihaan nica̱ soj queꞌe̱e̱ güii maꞌ.

2 Corintios 11:27

Dan me se a̱j su̱u̱n ndoꞌo quiránꞌ ꞌu̱nj rihaan nij sayuun, ne̱ queꞌe̱e̱ yanꞌ ne caꞌve̱e coto̱j, ne̱ taꞌa̱j güii me se quinaꞌaan ndoꞌo rquej, ne̱ ꞌó taꞌa̱j güii canacoo̱ ndoꞌoj na, ne̱ quisíj queꞌe̱e̱ ndoꞌo ne quiri̱j se chá cha̱j, ne̱ taꞌa̱j güii me se goꞌ ndoꞌo ya̱ nuvij xráj, ne̱ ꞌó taꞌa̱j güii me se ne quiri̱ꞌ yá ꞌu̱nj yatzíj ca̱ráán xráá ꞌu̱nj uún, ne̱ dan me se vaa ca̱nj yá ꞌu̱nj ta̱ꞌ asuun na̱nj á.