San Mateo 5:35 - Triqui de San Juan Copala

³⁵ Ne̱ raa̱ chumii̱ se̱ cutaꞌ soj maꞌ. ꞌO̱ se chumii̱ nihánj me rej ta̱j tacóó Yaꞌanj na̱nj ado̱nj. Ne̱ raa̱ chumanꞌ Jerusalén se̱ cutaꞌ soj maꞌ. Ese chumanꞌ yoꞌ yáán maꞌa̱n Yaꞌanj si̱j nica̱j yuꞌunj man níꞌ na̱nj ado̱nj.

San Mateo 5:35 ပူးပေါင်းရင်းမြစ်များ

San Mateo 5:36

Ne̱ raa̱ maꞌa̱n soj se̱ cutaꞌ soj maꞌ. ꞌO̱ se se̱ guun nucua̱j soj naquiꞌya̱j catzi̱i̱ soj ꞌo̱ yuvé raa̱ soj, ne̱ se̱ guun nucua̱j soj naquiꞌya̱j maruu̱ soj ꞌo̱ yuvé raa̱ soj maꞌ.

Hechos 7:49

Rej xta̱ꞌ roꞌ, me chruun xlá sa̱ꞌ táá ꞌu̱nj, ne̱ chumii̱ roꞌ, me rej ta̱j tacój ado̱nj. Cheꞌé dan taj cheꞌé cune̱ꞌ nij soj veꞌ ca̱yáán ꞌu̱nj maꞌ, taj Síí ꞌNi̱j Raꞌa man níꞌ a. Ne̱ taj uún soꞌ a: Taj rej quiꞌya̱j soj nara̱a̱n rá ꞌu̱nj maꞌ.

Apocalipsis 21:10

Ga̱a ne̱ dan me se caꞌanj nica̱j soꞌ manj raa̱ quij xi̱j xca̱a̱n, quiꞌyaj Nimán Yaꞌanj, ga̱a ne̱ tihaa̱n soꞌ chumanꞌ gue̱e̱ noco̱o cuꞌna̱j Jerusalén rihanj, ne̱ cavii chumanꞌ yoꞌ rej xta̱ꞌ rej ya̱nj Yaꞌanj, ne̱ nanij yoꞌ rihaan yoꞌóó a.

Apocalipsis 21:2

ꞌO̱ se ꞌu̱nj si̱j cuꞌna̱j Juan me queneꞌen se vaa cavii chumanꞌ gue̱e̱ chumanꞌ Jerusalén naca̱ rej xta̱ꞌ rej ya̱nj Yaꞌanj, ne̱ nanij yoꞌ, ne̱ ase vaa uun ráꞌ niꞌya̱ꞌ chana̱ naraꞌa̱a roꞌ, da̱nj guun raj niꞌya̱j ꞌu̱nj man chumanꞌ yoꞌ a.