San Mateo 5:22 - Triqui de San Juan Copala22 Tza̱j ne̱ ꞌu̱nj nihánj me se cata̱j xnaꞌanj ꞌu̱nj, ne̱ a̱ me maꞌa̱n ꞌo̱ síí caꞌmaan rá niꞌya̱j man tinúú, ne̱ a̱j tumé soꞌ cacunꞌ cata̱j síí nica̱j suun, ne̱ quira̱nꞌ soꞌ sayuun ado̱nj. Ne̱ a̱ me maꞌa̱n síí cata̱j rihaan tuviꞌ: “Síí snúú rmaꞌa̱n mé so̱ꞌ ado̱nj”, ne̱ a̱j tumé ndoꞌo soꞌ cacunꞌ cata̱j Xꞌneꞌ Nij Síí Ata̱ Suun Noco̱o Doj ado̱nj. Ne̱ a̱ me maꞌa̱n síí cata̱j rihaan tuviꞌ: “Taj se gúnꞌ mán so̱ꞌ mei”, me se vaa cheꞌé caꞌa̱nj maꞌa̱n síí aꞌmii da̱nj rihaan yaꞌan caca̱a̱ soꞌ na̱nj ado̱nj. အခန်းကိုကြည့်ပါ။ |
San Mateo 5:22
93 ပူးပေါင်းရင်းမြစ်များ
’Ne̱ se̱ cuchuꞌviꞌ soj ni̱ꞌyaj soj nij síí gu̱un nucua̱j ticavi̱ꞌ man ina̱nj nee̱ man soj maꞌ. ꞌO̱ se se̱ guun nucua̱j nij soꞌ ticavi̱ꞌ nij soꞌ man nimán soj a̱ maꞌ. Tza̱j ne̱ vaa cheꞌé cuchuꞌvi̱ꞌ soj ni̱ꞌyaj soj Yaꞌanj na̱nj ado̱nj. ꞌO̱ se soꞌ me síí gu̱un nucua̱j quiꞌya̱j caca̱a̱ nimán soj caca̱a̱ nee̱ man soj caca̱a̱ rihaan yaꞌan ado̱nj.
Tza̱j ne̱ cuno nij síí fariseo da̱j caꞌmii nij yuvii̱ cheꞌé Jesús, ne̱ cataj nij soꞌ a: ―Né maꞌa̱n síí nihánj rii nana̱ chre̱e maꞌ. Ma̱an se aꞌmii soꞌ ga̱ nana̱ chre̱e uun chij doj, síí cuꞌna̱j Beelzebú, ne̱ cheꞌé dan rii soꞌ nij nana̱ chre̱e nimán yuvii̱ ado̱nj ―taj nij síí fariseo cheꞌé Jesús, caꞌmii ne̱ nij soꞌ a.
Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.
’Nique̱ soj si̱j naquiꞌyaj cu̱u stucua̱nj Moisés do̱ꞌ, si̱j fariseo do̱ꞌ na̱nj á. Quira̱nꞌ uxrá nij soj sayuun na̱nj ado̱nj. Síí nucuiꞌ rá me nij soj á. Dan me se chéé soj nda̱a rej xco̱ tuꞌva na yaꞌa̱nj do̱ꞌ, nda̱a rej xco̱ quij do̱ꞌ, nanoꞌ soj ꞌo̱ síí canoco̱ꞌ man soj, ga̱a ne̱ quisíj canocoꞌ ꞌo̱ soꞌ man soj ꞌyaj soj, ga̱a ne̱ nuu chiꞌi̱i̱ doj nimán soꞌ rihaan nimán soj, ꞌyaj soj, ne̱ quita̱j ya̱a̱n soꞌ rihaan soj caꞌa̱nj ta̱ranꞌ nij soj rihaan yaꞌan ado̱nj.
’Ga̱a ne̱ cata̱j ꞌu̱nj rihaan nij síí nicu̱nꞌ rej ni̱chruún ꞌu̱nj a: “Naxu̱u̱n soj man soj rihanj cuaj á. Ma̱an se cataj ya̱ Yaꞌanj se vaa ina̱nj sayuun quira̱nꞌ soj, caꞌa̱nj soj rihaan yaꞌan, caca̱a̱ soj nu̱ꞌ cavii nu̱ꞌ caꞌanj na̱nj á. Dan me se quiꞌyaj Yaꞌanj yaꞌan yoꞌ caca̱a̱ Síí Chre̱e caca̱a̱ nij nana̱ chre̱e caca̱a̱, ne̱ caca̱a̱ nij soj caca̱a̱ ga̱ soꞌ ado̱nj.
Tza̱j ne̱ cuano̱ nihánj me cata̱j xnaꞌanj ꞌu̱nj ꞌo̱ nana̱ rihaan soj á: No̱ xcúún soj cunu̱u ꞌe̱e̱ rá soj ni̱ꞌyaj soj man nij síí ta̱j riꞌyunj man soj, ne̱ caꞌmi̱i̱ soj nana̱ lu̱j cheꞌé nij síí aꞌmii nana̱ qui̱j cheꞌé soj, ne̱ quiꞌya̱j soꞌ se lu̱j rihaan nij síí nachriꞌ niꞌya̱j man soj, ne̱ cachi̱nj niꞌya̱j soj rihaan Yaꞌanj cheꞌé nij síí ꞌyaj sayuun man soj á.
Dan me se nanoꞌ nij xrej ata̱ suun noco̱o do̱ꞌ, nu̱ꞌ Xꞌneꞌ Nij Síí Ata̱ Suun Noco̱o Doj rihaan nij yuvii̱ israelitá do̱ꞌ, man yuvii̱ cata̱j xnaꞌanj cheꞌé cacunꞌ tumé Jesús a. Me rá nij soꞌ nari̱ꞌ nij soꞌ cacunꞌ cuta̱ꞌ nij soꞌ xráá Jesús, ne̱ cavi̱ꞌ Jesús, rá nij soꞌ a. Tza̱j ne̱ nuviꞌ cacunꞌ tumé Jesús nariꞌ nij soꞌ maꞌ.
Ga̱a ne̱ rej ranga̱ꞌ cunuu chre̱ꞌ nij xrej ata̱ suun noco̱o do̱ꞌ, nij síí uun chij do̱ꞌ, nij síí naquiꞌyaj cu̱u stucua̱nj Moisés do̱ꞌ, nu̱ꞌ Xꞌneꞌ Nij Síí Ata̱ Suun Noco̱o Doj do̱ꞌ, quiꞌyaj nij soꞌ juntá, ga̱a ne̱ numíj nij soꞌ man Jesús, ne̱ nica̱j nij soꞌ man Jesús caꞌanj nij soꞌ rihaan Pilató, ne̱ tacuachén nij soꞌ man Jesús rihaan soꞌ a.
Tza̱j ne̱ nihánj me se ti̱haán ꞌu̱nj rihaan soj me síí cuchuꞌvi̱ꞌ soj ni̱ꞌyaj soj man a. ꞌO̱ se vaa cheꞌé cuchuꞌvi̱ꞌ soj ni̱ꞌyaj soj Yaꞌanj ado̱nj. Asa̱ꞌ quisíj ticaviꞌ nii man soj, ga̱a ne̱ soꞌ me síí uun nucua̱j caꞌne̱j man soj rihaan yaꞌan caca̱a̱ soj ado̱nj. Cheꞌé dan taj ꞌu̱nj rihaan soj se vaa vaa cheꞌé cuchuꞌvi̱ꞌ soj ni̱ꞌyaj soj man soꞌ ado̱nj.
Ne̱ ga̱a ranga̱ꞌ me se cunuu chre̱ꞌ nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, ne̱ caꞌanj nica̱j nij soꞌ man Jesús rihaan Xꞌneꞌ Nij Síí Ata̱ Suun Noco̱o Doj rihaan nij yuvii̱ israelitá a. Ga̱a ne̱ xnáꞌanj nij soꞌ man Jesús, ne̱ cataj nij soꞌ a:
Dan me se ma̱n ndoꞌo síí chru̱u̱n yanj ne̱ chumanꞌ Atenas, ne̱ taꞌa̱j nij soꞌ me síí tucuꞌyón snana̱ síí cuꞌna̱j Epicuro, ne̱ ꞌó taꞌa̱j nij soꞌ cuꞌna̱j estoico a. Ne̱ do̱j tuviꞌ nij soꞌ aꞌmii anó tuviꞌ ga̱ Pabló a. Dan me se taꞌa̱j nij soꞌ cataj a: ―Me taj síí nihánj tuꞌva rmaꞌa̱n soꞌ da̱nj, rá soj ga̱ ―taj nij soꞌ, xnáꞌanj nij soꞌ man tuviꞌ nij soꞌ, niꞌya̱j nij soꞌ man Pabló a. Ne̱ ꞌó taꞌa̱j nij soꞌ cataj a: ―Síí aꞌmii natáj snana̱ yaꞌanj curuviꞌ naca̱ me soꞌ na̱nj á ―taj ꞌó taꞌa̱j nij yuvii̱, ese nataꞌ Pabló nana̱ sa̱ꞌ cheꞌé Jesús rihaan nij soꞌ, ne̱ nataꞌ Pabló se vaa caꞌve̱e cunu̱u iꞌna̱ꞌ uún nij síí caviꞌ a.
Ne̱ rangaꞌ ꞌó güii me se tanuu romanó uun chij doj roꞌ, guun ya̱ rá soꞌ xca̱j soꞌ cuentá me cheꞌé guun rá nij síí israelitá cuta̱ꞌ nij soꞌ cacunꞌ xráá Pabló a. Cheꞌé dan caꞌneꞌ soꞌ suun se vaa nache̱ nij tanuu man Pabló, ne̱ caꞌneꞌ soꞌ suun se vaa cunu̱u chre̱ꞌ nij xrej ata̱ suun noco̱o do̱ꞌ, nu̱ꞌ Xꞌneꞌ Nij Síí Ata̱ Suun Noco̱o Doj rihaan nij yuvii̱ israelitá do̱ꞌ, ne̱ quiꞌya̱j nij soꞌ juntá a. Ga̱a ne̱ catúj Pabló rej ma̱n nij soꞌ, quiꞌyaj soꞌ, ne̱ canicunꞌ Pabló tanu̱u̱ rihaan nij soꞌ a.
Síj cuno nij soꞌ nana̱ vaa da̱nj, ga̱a ne̱ rej síj güii catúj nij soꞌ rej ya̱nj nuvií noco̱o, ne̱ tucuꞌyón nij soꞌ snana̱ Jesús rihaan nij yuvii̱ a. Ma̱an orá dan naquiꞌyaj chre̱ꞌ nij tuvi̱ꞌ xrej ata̱ suun noco̱o doj man Xꞌneꞌ Nij Síí Ata̱ Suun Noco̱o Doj do̱ꞌ, cunuda̱nj nij síí uun chij rihaan nij yuvii̱ israelitá do̱ꞌ, ne̱ quiꞌya̱j nij soꞌ juntá a. Ga̱a ne̱ caꞌnéé nij soꞌ tanuu caꞌa̱nj tagaꞌ, ne̱ caꞌna̱ꞌ ni̱caj nij soꞌ man nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij soꞌ, rá nij soꞌ a.
Ga̱a ne̱ caꞌmaan rá nij yuvii̱ do̱ꞌ, nij síí uun chij rihaan nij yuvii̱ israelitá do̱ꞌ, nij síí naquiꞌyaj cu̱u stucua̱nj Moisés do̱ꞌ, ga̱a cuno nij soꞌ snana̱ nij síí ne̱ yoꞌ a. Ga̱a ne̱ cavii nij soꞌ, taꞌaa cunuda̱nj nij soꞌ man Esteban, ne̱ caꞌanj nica̱j nij soꞌ man soꞌ rá veꞌ nuu chre̱ꞌ Xꞌneꞌ Nij Síí Ata̱ Suun Noco̱o Doj rihaan nij yuvii̱ israelitá a.
Ta̱dó uxrá soj se̱ nachriꞌ soj ni̱ꞌyaj soj man Yaꞌanj si̱j narqué chrej sa̱ꞌ man soj maꞌ. ꞌO̱ se nij síí ne caꞌve̱j rá cuno̱ rihaan síí cataj xnaꞌanj snana̱ Yaꞌanj rihaan nij soꞌ rihaan chumii̱ nihánj ga̱a naá me se ne nani̱i̱ nij soꞌ maꞌ. Táá a̱ níꞌ si̱j ma̱n cuano̱, ne̱ aꞌmii síí nicu̱nꞌ rej xta̱ꞌ rihaan níꞌ, ne̱ sese nachri̱ꞌ níꞌ ni̱ꞌyaj níꞌ síí narqué chrej man níꞌ, ne̱ daj chiha̱a̱ míj se̱ nanii níꞌ a̱ maꞌ.
Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.
Dan me se sese neꞌen níꞌ man tinúú níꞌ ꞌyaj soꞌ me maꞌa̱n cacunꞌ, ne̱ cachi̱nj niꞌya̱j níꞌ cheꞌé soꞌ rihaan Yaꞌanj, ne̱ Yaꞌanj me síí cara̱a̱ xꞌnaa cheꞌé cacunꞌ quiꞌyaj soꞌ ado̱nj. Tza̱j ne̱ sese neꞌen níꞌ man tinúú níꞌ ꞌyaj soꞌ cacunꞌ noco̱o ndoꞌo cacunꞌ quiꞌya̱j cavi̱ꞌ nu̱ꞌ soꞌ rihaan Yaꞌanj, ne̱ taj cheꞌé cachi̱nj niꞌya̱j níꞌ rihaan Yaꞌanj cheꞌé soꞌ a̱ maꞌ. Dan me se vaa cacunꞌ u̱u̱n, ne̱ vaa cacunꞌ noco̱o ndoꞌo quiꞌya̱j cavi̱ꞌ nu̱ꞌ níꞌ rihaan Yaꞌanj ado̱nj. Cheꞌé cacunꞌ noco̱o yoꞌ me se se̱ cachíín niꞌya̱j soj maꞌ.
Tza̱j ne̱ nda̱a síí cuꞌna̱j Migueé síí ꞌni̱j raꞌa man nu̱ꞌ nij se‑mo̱zó Yaꞌanj roꞌ, ga̱a naá ga̱a caviꞌ Moisés ne̱ canó tuviꞌ Migueé ga̱ Síí Chre̱e cheꞌé cúú man Moisés, ne̱ ne quisi̱j rá Migueé caꞌmi̱i̱ soꞌ nana̱ nij rihaan Síí Chre̱e maꞌ. Ma̱an se cataj Migueé rihaan Síí Chre̱e a: “Yaꞌanj Si̱j ꞌNi̱j Raꞌa man níꞌ me síí caxri̱i̱ yuva̱a̱ mán so̱ꞌ ado̱nj”, cataj Migueé a.
ကြော်ငြာတွေ