San Mateo 5:16 - Triqui de San Juan Copala

¹⁶ Ne̱ veé da̱nj vaa gue̱e̱ soj, ne̱ ase vaa agaꞌ yaꞌan roꞌ, vaa soj rihaan chumii̱ nihánj ado̱nj. Ne̱ sese sa̱ꞌ quiꞌya̱j soj queneꞌe̱n nij yuvii̱, ne̱ veꞌé uxrá caꞌmi̱i̱ nij yuvii̱ cheꞌé Rej níꞌ Yaꞌanj si̱j nicu̱nꞌ xta̱ꞌ, quiꞌya̱j soj na̱nj ado̱nj.

San Mateo 5:16 ပူးပေါင်းရင်းမြစ်များ

San Mateo 23:5

Nu̱ꞌ suun sa̱ꞌ ꞌyaj nij soꞌ roꞌ, ma̱an cheꞌé rej queneꞌe̱n yuvii̱ ꞌyaj nij soꞌ da̱nj na̱nj ado̱nj. ꞌO̱ se caxra̱ꞌ ndoꞌo vaa nij chrúún leꞌe̱j nu̱u̱ snana̱ Yaꞌanj no̱ rihaan nij soꞌ, ꞌyaj nij soꞌ, ne̱ xca̱a̱n ndoꞌo vaa yiquitzij noco̱ꞌ tuꞌva saga̱nꞌ nij soꞌ, ꞌyaj uún nij soꞌ a.

San Mateo 23:9

Ne̱ se̱ guun cata̱j soj Ata̱j Chij rihaan yuvii̱ ma̱n rihaan chumii̱ nihánj a̱ maꞌ. ꞌO̱ se vaa o̱rúnꞌ Rej soj síí nicu̱nꞌ xta̱ꞌ á.

San Mateo 5:45

Ga̱a ne̱ quiꞌya̱j soj ase ꞌyaj Rej soj Yaꞌanj si̱j nicu̱nꞌ xta̱ꞌ ado̱nj. ꞌO̱ se Yaꞌanj ꞌyaj síj güii, ne̱ oꞌ naán rihaan toꞌóó nij síí chiꞌi̱i̱ do̱ꞌ, rihaan toꞌóó nij síí sa̱ꞌ do̱ꞌ, ꞌyaj Yaꞌanj, ne̱ amanꞌ rihaan toꞌóó nij síí ꞌyaj sa̱ꞌ do̱ꞌ, rihaan toꞌóó nij síí ꞌyaj chiꞌi̱i̱ do̱ꞌ, ꞌyaj uún Yaꞌanj ado̱nj.

San Mateo 6:16

’Ne̱ ga̱a tocoꞌ soj xꞌnaa man soj cheꞌé se aráj gue̱e̱ soj rihaan Yaꞌanj, ne̱ se̱ quiꞌyaj soj nda̱a vaa ꞌyaj nij síí nucuiꞌ rá maꞌ. Dan me se ga̱a tocoꞌ nij soꞌ xꞌnaa man maꞌa̱n nij soꞌ, ne̱ ase vaa rihaan síí nanó ndoꞌo rá roꞌ, vaa rihaan nij soꞌ, ꞌyaj nij soꞌ, ne̱ me ina̱nj rá nij soꞌ queneꞌe̱n yuvii̱ man nij soꞌ da̱j ꞌyaj nij soꞌ ga̱a ne̱ xca̱j nij yuvii̱ cuentá se vaa aráj gue̱e̱ nij soꞌ rihaan Yaꞌanj, rá nij soꞌ na̱nj ado̱nj. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa a̱j quiriꞌ nij soꞌ tuꞌvee nij soꞌ vaa, ese a̱j veꞌé caꞌmii yuvii̱ cheꞌé nij soꞌ na̱nj ado̱nj.

San Mateo 6:9

Cheꞌé dan asa̱ꞌ achíín niꞌya̱j soj, ne̱ nihánj cata̱j soj á: Ata̱j Chij, síí nicu̱nꞌ xta̱ꞌ, me rá nimán núj cara̱a̱ cochro̱j yuvii̱ mán so̱ꞌ ado̱nj.

San Mateo 9:8

Ne̱ queneꞌen nij yuvii̱ se vaa nahuun sa̱ꞌ soꞌ, quiꞌyaj Jesús, ne̱ cheꞌé dan caráyaꞌa̱nj nij soꞌ, niꞌya̱j nij soꞌ man Jesús, ne̱ veꞌé uxrá caꞌmii nij soꞌ cheꞌé Yaꞌanj, se vaa guun nucua̱j Jesús racuíj ndoꞌo Jesús da̱nj man yuvii̱, quiꞌyaj Yaꞌanj ado̱nj.

San Lucas 11:2

Ga̱a ne̱ caꞌmii Jesús nana̱ nihánj rihaan nij soꞌ a: ―Na̱nj cata̱j soj ga̱a cachi̱nj niꞌya̱j soj rihaan Yaꞌanj á: Ata̱j Chij, síí nicu̱nꞌ xta̱ꞌ, me rá nimán núj cara̱a̱ cochro̱j yuvii̱ mán so̱ꞌ ado̱nj. Ne̱ me rá nimán núj gu̱un chij so̱ꞌ a. Ne̱ me rá nimán núj quiꞌya̱j yuvii̱ nu̱ꞌ se vaa me rá so̱ꞌ a. Ase vaa ꞌyaj nij síí ma̱n rej xta̱ꞌ nu̱ꞌ se vaa me rá so̱ꞌ roꞌ, da̱nj ga̱a̱ quiꞌya̱j núj si̱j ma̱n rihaan chumii̱ nihánj uún á.

San Juan 15:8

Cheꞌé se uno soj rihanj, cheꞌé dan sa̱ꞌ uxrá aꞌmii yuvii̱ cheꞌé Réj Yaꞌanj a. Cheꞌé dan gu̱un nucua̱j soj quiꞌya̱j ndoꞌo soj suun sa̱ꞌ, ne̱ sese cuno̱ sa̱ꞌ soj rihanj, ne̱ ya̱ síí tucuꞌyón snana̱j me soj ado̱nj.

Hechos 9:36

Dan me se chumanꞌ Jope yáán ꞌo̱ chana̱ tucuꞌyón snana̱ Jesús, ne̱ Tabita cuꞌna̱j noꞌ xnaꞌánj hebreo, ne̱ Dorcas me se‑chuvi̱i noꞌ xnaꞌánj griego a. Ne̱ chana̱ quiꞌyaj ina̱nj se sa̱ꞌ me noꞌ, ne̱ rqué ndoꞌo noꞌ rasu̱u̱n man nij síí nique̱ a.

1 Corintios 14:25

Cuno̱ nij soꞌ nana̱ caꞌmi̱i̱ ta̱ranꞌ soj, ga̱a ne̱ xca̱j nij soꞌ cuentá cheꞌé nu̱ꞌ se chiꞌi̱i̱ ma̱n nimán nij soꞌ, ne̱ caꞌa̱nj ca̱yáán ru̱j nij soꞌ, ga̱a ne̱ cara̱a̱ gue̱e̱ nij soꞌ rihaan Yaꞌanj, ne̱ cata̱j ya̱ nij soꞌ se vaa ya̱ Yaꞌanj nicunꞌ scaꞌnúj soj ado̱nj.

2 Corintios 9:13

Ne̱ queneꞌe̱n nij yuvii̱ se vaa ya̱ uno soj nana̱ sa̱ꞌ cheꞌé Cristó nana̱ sa̱ꞌ noco̱ꞌ níꞌ, ne̱ queneꞌe̱n nij yuvii̱ se vaa niha̱ꞌ rá soj rque̱ soj siꞌyaj soj man nij síí noco̱ꞌ man Cristó ya̱nj chumanꞌ Jerusalén do̱ꞌ, man ta̱ranꞌ nij tinúú níꞌ do̱ꞌ, ne̱ cheꞌé dan gu̱un ya̱ rá nij soꞌ se vaa ya̱ ya̱ si̱j noco̱ꞌ man Yaꞌanj me soj, ne̱ veꞌé uxrá caꞌmi̱i̱ nij soꞌ cheꞌé Yaꞌanj a.

Gálatas 1:24

Dan me se caráyaꞌa̱nj ndoꞌo nij soꞌ, ne̱ cataj nij soꞌ se vaa sa̱ꞌ uxrá quiꞌyaj Yaꞌanj ga̱ ꞌu̱nj ado̱nj.

Efesios 2:10

ꞌO̱ se Yaꞌanj me síí quiꞌyaj man níꞌ, ne̱ quiꞌyaj Yaꞌanj man níꞌ cheꞌé rej canoco̱ꞌ níꞌ man Cristó Jesús ne̱ veꞌé quiꞌya̱j níꞌ suun sa̱ꞌ, rá Yaꞌanj, ne̱ cheꞌé maꞌa̱n Yaꞌanj me caꞌve̱e quiꞌya̱j níꞌ suun sa̱ꞌ yoꞌ na̱nj ado̱nj.

Efesios 5:8

Asi̱j rque̱ roꞌ, ase vaa nij síí chéé rej rmi̱ꞌ roꞌ, da̱nj vaa maꞌa̱n soj, ne̱ nuviꞌ cuentá nica̱j soj maꞌ. Tza̱j ne̱ ya̱j roꞌ, canocoꞌ soj man Síí ꞌNi̱j Raꞌa man níꞌ, ne̱ cheꞌé dan ase vaa síí chéé rej ranga̱ꞌ roꞌ, da̱nj vaa soj, nica̱j ndoꞌo soj cuentá, ne̱ cheꞌé dan veꞌé quiꞌya̱j soj ga̱a chéé soj rihaan chumii̱ nihánj na̱nj á.

1 Tesalonicenses 2:12

se vaa quiꞌya̱j soj se vaa no̱ xcúún soj quiꞌya̱j soj cheꞌé se narii Yaꞌanj man soj ca̱yáán soj ga̱ Yaꞌanj güii niꞌndaj ya̱ veꞌé gu̱un chij Yaꞌanj a.

1 Timoteo 2:10

Tana̱nj quiꞌya̱j noꞌ suun sa̱ꞌ ra̱cuíj noꞌ man yuvii̱, ne̱ ase vaa yatzíj veꞌé vaa roꞌ, da̱nj ga̱a̱ suun sa̱ꞌ yoꞌ a. Da̱nj quiꞌya̱j chana̱, ne̱ queneꞌe̱n yuvii̱ se vaa ya̱ vaa nana̱ aꞌmii noꞌ se vaa níí noco̱ꞌ man Yaꞌanj me noꞌ ado̱nj.

1 Timoteo 5:10

Ne̱ queneꞌe̱n cunuda̱nj nii man nij noꞌ se vaa veꞌé ꞌyaj nij noꞌ suun sa̱ꞌ cheꞌé tuviꞌ nij noꞌ do̱ꞌ, se vaa veꞌé tucuachij nij noꞌ taꞌníí nij noꞌ do̱ꞌ, se vaa rqué nij noꞌ se chá chá yuvii̱ aranꞌ tucuá nij noꞌ do̱ꞌ, se vaa naꞌnuꞌ nij noꞌ tacóó nij síí noco̱ꞌ man Cristó do̱ꞌ, se vaa racuíj nij noꞌ man nij síí quiranꞌ sayuun do̱ꞌ, ne̱ nij noꞌ me caꞌve̱e cachro̱n so̱ꞌ se‑chuvi̱i rihaan yanj no̱ se‑chuvi̱i nij chana̱ caviꞌ nica̱ a.

1 Timoteo 5:25

Veé da̱nj vaa uún nij suun sa̱ꞌ ꞌyaj ꞌó taꞌa̱j nij yuvii̱, ne̱ canó yuvii̱ niꞌya̱j man nij suun sa̱ꞌ ado̱nj. Tza̱j ne̱ sese vaa suun sa̱ꞌ ne ruviꞌ do̱ꞌ, ne acaj yuvii̱ cuentá do̱ꞌ, ne̱ taj se ꞌyaj maꞌ. Ma̱an se vaa güii, ne̱ xca̱j cunuda̱nj yuvii̱ cuentá se vaa sa̱ꞌ quiꞌyaj nij soꞌ ado̱nj.

1 Timoteo 6:18

Ma̱an se cata̱j xnaꞌanj so̱ꞌ rihaan nij síí ruꞌvee se vaa quiꞌya̱j nij soꞌ suun sa̱ꞌ, cheꞌé rej gu̱un ruꞌvee nij soꞌ rihaan Yaꞌanj, ne̱ veꞌé rque̱ nij soꞌ rasu̱u̱n achiin man tinúú nij soꞌ síí nique̱ á.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

Tito 2:7

Ne̱ ma̱ꞌán so̱ꞌ roꞌ, veꞌé qui̱ꞌyáá so̱ꞌ nu̱ꞌ suun sa̱ꞌ, ne̱ queneꞌe̱n nij tinúú níꞌ da̱j ꞌyáá so̱ꞌ, ga̱a ne̱ cuya̱a̱n quiꞌya̱j nij soꞌ ga̱ so̱ꞌ á. Ina̱nj tucuáán ya̱ tu̱cuꞌyón so̱ꞌ á. Ne̱ guún so̱ꞌ ꞌo̱ síí niꞌya̱nj aꞌmii a.

Tito 3:14

Ne̱ me rá ꞌu̱nj nari̱ꞌ ꞌó nij tinúú níꞌ quiꞌya̱j ndoꞌo nij soꞌ suun sa̱ꞌ cheꞌé tuviꞌ nij soꞌ síí achiin ya̱ rasu̱u̱n man uún chugua̱nj. Sese da̱nj ꞌyaj nij soꞌ, ne̱ vaa se gúnꞌ man nij soꞌ chugua̱nj.

Tito 3:4

Tza̱j ne̱ ga̱a xcaj níꞌ cuentá cheꞌé Yaꞌanj Si̱j Tinanii man níꞌ rihaan Sayuun, se vaa soꞌ me síí me rá ra̱cuíj man níꞌ, ga̱a ne̱ queneꞌen níꞌ se vaa cunuu ꞌe̱e̱ rá soꞌ man níꞌ a.

Hebreos 10:24

Ne̱ xca̱j níꞌ cuentá cheꞌé tinúú níꞌ da̱j quiꞌya̱j níꞌ ne̱ sa̱ꞌ doj cunu̱u ꞌe̱e̱ rá nij tinúú níꞌ man tuviꞌ soꞌ, ne̱ doj a̱ quiꞌya̱j nij tinúú níꞌ suun sa̱ꞌ cheꞌé Yaꞌanj ado̱nj.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 2:9

Xa̱ꞌ soj, tza̱j ne̱ si̱j narii Yaꞌanj me soj, ne̱ xrej uun chij ya̱ nu̱u̱ rihaan Yaꞌanj me soj, ne̱ xꞌneꞌ nij síí cunuu sa̱ꞌ nimán uun chij Yaꞌanj rihaan me soj ado̱nj. Cheꞌé se me rá Yaꞌanj nata̱ꞌ soj cheꞌé se sa̱ꞌ uxrá quiꞌyaj soꞌ roꞌ, cheꞌé dan narii soꞌ man soj ado̱nj. Dan me se si̱j noco̱ꞌ tucuáán rmi̱ꞌ me soj ga̱a naá, tza̱j ne̱ canacúún Yaꞌanj man soj xca̱j soj cuentá, ne̱ cuna̱j uxrá vaa stucua̱nj Yaꞌanj tucuáán noco̱ꞌ soj cuano̱ na̱nj á.

1 Pedro 3:1

Veé da̱nj vaa no̱ xcúún soj cha̱na̱ cuno̱ soj rihaan nica̱ soj á. Caꞌve̱e se naꞌvej rá nica̱ taꞌa̱j soj cuno̱ nij soꞌ snana̱ Yaꞌanj, tza̱j ne̱ se̱ cachiin caꞌmi̱i̱ soj cha̱na̱ cheꞌé snana̱ Yaꞌanj maꞌ. Tana̱nj cheꞌé se veꞌé ndoꞌo ꞌyaj soj rihaan nica̱ soj roꞌ, cheꞌé dan gu̱un rá nica̱ soj canoco̱ꞌ nij soꞌ man Yaꞌanj ga̱ soj chugua̱nj.

1 Pedro 3:16

A̱ ꞌó xcoꞌ se̱ quiꞌyaj soj cacunꞌ maꞌ. Dan ga̱a ne̱ gu̱un naꞌa̱j nij síí aꞌmii nana̱ qui̱j cheꞌé se sa̱ꞌ ꞌyaj soj si̱j noco̱ꞌ man Cristó, cheꞌé nana̱ tuꞌva rmaꞌa̱n nij soꞌ ado̱nj.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.

1 Pedro 4:14

Sese nachri̱ꞌ yuvii̱ ni̱ꞌyaj yuvii̱ man soj cheꞌé se si̱j noco̱ꞌ man Cristó me soj, ne̱ vaa cheꞌé gu̱un niha̱ꞌ rá soj ado̱nj. ꞌO̱ se ya̱nj Nimán Yaꞌanj ga̱ soj, ne̱ niꞌndaj ya̱ sa̱ꞌ vaa Nimán Yaꞌanj ado̱nj. Ya̱ aꞌmii qui̱j yuvii̱ cheꞌé Nimán Yaꞌanj, tza̱j ne̱ soj me se aꞌmii sa̱ꞌ ndoꞌo soj cheꞌé soꞌ a.