San Mateo 4:22 - Triqui de San Juan Copala

²² Veé dan, ne̱ nu̱ꞌ tanáj ro̱j soꞌ rihoo do̱ꞌ, rej ro̱j soꞌ do̱ꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.

San Mateo 4:22 ပူးပေါင်းရင်းမြစ်များ

San Mateo 10:37

’Sese ꞌe̱e̱ doj rá ꞌo̱ soꞌ niꞌya̱j soꞌ rej soꞌ do̱ꞌ, nii soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ. Ne̱ sese ꞌe̱e̱ doj rá ꞌo̱ soꞌ niꞌya̱j soꞌ taꞌnij sno̱ꞌo soꞌ do̱ꞌ, taꞌnij cha̱na̱ soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ.

San Mateo 4:21

Veé dan, ne̱ cachéé nij soꞌ doj, ne̱ queneꞌen Jesús man yavíj ro̱j tinu̱j ro̱j soꞌ a. ꞌO̱ soꞌ me síí cuꞌna̱j Jacobo, ne̱ tinúú soꞌ me síí cuꞌna̱j Juan, ne̱ taꞌníí síí cuꞌna̱j Zebedeo me ro̱j tinu̱j ro̱j soꞌ a. Dan me se nu̱u̱ ro̱j soꞌ rque rihoo chéé rihaan na ga̱ rej ro̱j soꞌ síí cuꞌna̱j Zebedeo, ne̱ naquiꞌyaj sa̱ꞌ nij soꞌ nanj rii xcuaj, ne̱ canacúún Jesús man ro̱j tinu̱j ro̱j soꞌ canoco̱ꞌ ro̱j soꞌ man Jesús a.

San Mateo 4:23

Veé dan, ne̱ cachéé Jesús nu̱ꞌ estadó Galilea, ne̱ tucuꞌyón soꞌ snana̱ Yaꞌanj man nij yuvii̱ nuu chre̱ꞌ rá veꞌ tucuꞌyón nij yuvii̱ israelitá stucua̱nj Moisés a. Ne̱ caꞌmii natáj soꞌ nana̱ sa̱ꞌ rihaan nij yuvii̱ cheꞌé da̱j vaa uun chij Yaꞌanj a. Ne̱ nahuun cunuda̱nj nij yuvii̱ ranꞌ do̱ꞌ, cunuda̱nj nij yuvii̱ ninaj do̱ꞌ, quiꞌyaj soꞌ a.

San Marcos 1:20

ne̱ canacúún Jesús man ro̱j tinu̱j ro̱j soꞌ canoco̱ꞌ ro̱j soꞌ man Jesús a. Veé dan, ne̱ tanáj ro̱j soꞌ man rej ro̱j soꞌ Zebedeo rá rihoo ga̱ nij se‑mo̱zó soꞌ, ga̱a ne̱ canocoꞌ ro̱j soꞌ man Jesús, caꞌanj ro̱j soꞌ na̱nj ado̱nj.

San Lucas 14:26

―Sese me rá ꞌo̱ soꞌ caꞌna̱ꞌ soꞌ rihanj, ne̱ sese gu̱un rá soꞌ se vaa vaa se uun doj rej soꞌ do̱ꞌ, nii soꞌ do̱ꞌ, nica̱ soꞌ do̱ꞌ, taꞌníí soꞌ do̱ꞌ, tinúú soꞌ do̱ꞌ, raꞌvij soꞌ do̱ꞌ, nda̱a nimán maꞌa̱n soꞌ do̱ꞌ, rihanj, ne̱ se̱ caꞌvee gu̱un soꞌ ꞌo̱ síí tucuꞌyón snana̱j a̱ maꞌ.

San Lucas 14:33

’Dan me se ase vaa xcaj síí cune̱ꞌ veꞌ do̱ꞌ, rey cunu̱ꞌ ga̱ tuviꞌ do̱ꞌ, cuentá sese gu̱un nucua̱j ro̱j soꞌ quiꞌya̱j ro̱j soꞌ da̱nj roꞌ, veé da̱nj quiꞌya̱j gue̱e̱ soj si̱j me rá canoco̱ꞌ manj á. Ne̱ sese se̱ guun rá soj ta̱náj xco̱ soj nu̱ꞌ siꞌyaj soj do̱ꞌ, nu̱ꞌ tuviꞌ soj do̱ꞌ, canoco̱ꞌ soj manj, ne̱ se̱ caꞌvee gu̱un soj síí tucuꞌyón snana̱j a̱ maꞌ.

San Lucas 5:11

Ga̱a ne̱ nica̱j nij soꞌ se‑riho̱o̱ nij soꞌ caꞌanj nij soꞌ nda̱a tuꞌva na a. Ga̱a ne̱ tanáj nij soꞌ cunuda̱nj nij rasu̱u̱n yoꞌ, ne̱ canocoꞌ nij soꞌ man Jesús, ne̱ caꞌanj nij soꞌ ga̱ soꞌ a.

2 Corintios 5:16

Cheꞌé dan me caꞌneꞌ rá núj ga̱ suun acaj cuentá nda̱a vaa ruviꞌ yuvii̱ niꞌya̱j tuviꞌ yuvii̱ a. Asi̱j rque̱ me se na̱nj yuvii̱ me Cristó rá núj, ne̱ ina̱nj xcaj núj cuentá nda̱a vaa ruviꞌ soꞌ, tza̱j ne̱ ya̱j me se ne ꞌyaj núj da̱nj a̱ maꞌ.