San Mateo 28:3 - Triqui de San Juan Copala

³ Da̱j se uun rá ro̱j noꞌ neꞌen ro̱j noꞌ ga̱a raa̱n roꞌ, da̱nj guun rá ro̱j noꞌ ga̱a curuviꞌ soꞌ a. Ne̱ da̱j se uun rá ro̱j noꞌ neꞌen ro̱j noꞌ yuꞌveꞌ catzi̱i̱ ndoꞌo roꞌ, da̱nj guun rá ro̱j noꞌ neꞌen ro̱j noꞌ saga̱nꞌ soꞌ a.

San Mateo 28:3 ပူးပေါင်းရင်းမြစ်များ

San Mateo 17:2

Ga̱a ne̱ ꞌo̱ cunuu ino̱ cunuda̱nj man Jesús niꞌya̱j nij síí tucuꞌyón snana̱ soꞌ, ne̱ dan me se chuguu̱n ndoꞌo rihaan soꞌ ase vaa chuguu̱n güii na̱nj á. Ne̱ nuu catzi̱i̱ ndoꞌo saga̱nꞌ soꞌ, ne̱ ase vaa yaꞌan chuguu̱n vaa saga̱nꞌ soꞌ a.

San Mateo 28:4

Ga̱a ne̱ cuchuꞌviꞌ ndoꞌo nij tanuu ma̱n tumé tuꞌva yuꞌuj yoꞌ, ne̱ quiriꞌíj ndoꞌo man nij soꞌ a. Dan me se ase vaa mán síí caviꞌ vaa mán nij soꞌ rihaan yoꞌóó a.

San Marcos 16:5

Ga̱a ne̱ catúj nij noꞌ rque yuꞌuj, ga̱a ne̱ queneꞌen nij noꞌ se vaa ya̱nj ꞌo̱ síí ya̱a̱n rej nuva̱ꞌ nij noꞌ, ne̱ nuû soꞌ yatzíj xca̱a̱n catzi̱i̱, ne̱ cuchuꞌviꞌ ndoꞌo nij noꞌ a.

San Marcos 9:3

Ne̱ cunuu catzi̱i̱ ndoꞌo saga̱nꞌ soꞌ, ne̱ nda̱a raa̱n la maꞌa̱n saga̱nꞌ soꞌ niꞌya̱j nij soꞌ a. Ne̱ taj va̱j a̱ ꞌó síí ma̱n rihaan chumii̱ nihánj caꞌve̱e quiꞌya̱j catzi̱i̱ yatzíj nda̱a rá se vaa saga̱nꞌ Jesús a̱ maꞌ.

San Juan 20:12

Ne̱ queneꞌen noꞌ vi̱j se‑mo̱zó Yaꞌanj nu̱u̱ yatzíj catzi̱i̱, ne̱ ya̱nj ro̱j soꞌ rej cachinꞌ nii man Jesús a. ꞌO̱ soꞌ yáán rej ra̱a̱ Jesús, ne̱ ꞌó soꞌ yáán rej taco̱j Jesús a.

Hechos 1:10

Dan me se niꞌya̱j uxrá nij síí cuneꞌ Jesús rej xta̱ꞌ rej va̱j Jesús, ne̱ curuviꞌ vi̱j síí nu̱u̱ yatzíj catzi̱i̱ xꞌnúú nij soꞌ na̱nj ado̱nj.

Apocalipsis 10:1

Ga̱a ne̱ queneꞌén ꞌu̱nj ꞌó se‑mo̱zó Yaꞌanj síí nucua̱j ndoꞌo nanij rej xta̱ꞌ, ne̱ nu̱ꞌ anica̱j man soꞌ nique̱e̱ soꞌ ngaa, ne̱ táá xcuáá cuꞌlúú raa̱ soꞌ, ne̱ chuguu̱n rihaan soꞌ nda̱a vaa chuguu̱n güii a. Ne̱ ase vaa chraan acaa vaa tacóó soꞌ a.

Apocalipsis 18:1

Veé dan, ga̱a ne̱ queneꞌén ꞌu̱nj ꞌó se‑mo̱zó Yaꞌanj cavii rej xta̱ꞌ nanij rihaan yoꞌóó, ne̱ síí nica̱j ndoꞌo se nucua̱j me soꞌ a. Niꞌndaj ya̱ veꞌé curuviꞌ soꞌ, ne̱ chuguu̱n rihaan yoꞌóó, quiꞌyaj soꞌ a.