San Mateo 27:17 - Triqui de San Juan Copala

¹⁷ Dan me se nuu chre̱ꞌ nij yuvii̱ rihaan síí nica̱j suun gobernador cuꞌna̱j Pilató, ne̱ xnáꞌanj soꞌ man nij yuvii̱, cataj soꞌ a: ―Me síí quiri̱i̱ ꞌu̱nj, rá soj ga̱. Síí cuꞌna̱j Barrabás naꞌ. Ase síí cuꞌna̱j Jesús si̱j tucuꞌnáj nii Síí Caꞌnéé Yaꞌanj Ti̱nanii man Yuvii̱ rihaan Sayuun xa̱ꞌ ―taj soꞌ, xnáꞌanj soꞌ man nij yuvii̱ a.

San Mateo 27:17 ပူးပေါင်းရင်းမြစ်များ

San Mateo 1:16

Ne̱ Jacob me rej síí cuꞌna̱j José, ne̱ José me síí xcaj man chana̱ cuꞌna̱j Mariá, ne̱ noꞌ me nii Jesús, síí cuꞌna̱j Síí Caꞌnéé Yaꞌanj Ti̱nanii man Yuvii̱ rihaan Sayuun ado̱nj.

San Mateo 27:16

Ne̱ veé yoꞌ yoꞌ roꞌ, ꞌni̱j ꞌo̱ síí cuꞌna̱j Barrabás tagaꞌ, ne̱ queneꞌen cunuda̱nj nij yuvii̱ se vaa tumé ndoꞌo soꞌ cacunꞌ a.

San Mateo 27:18

Da̱nj caꞌmii soꞌ, cheꞌé se neꞌen soꞌ se vaa ma̱an cheꞌé se guun xco̱j ruva̱a̱ rá nij xrej ata̱ suun noco̱o me tacuachén nij xrej man Jesús rihaan maꞌa̱n soꞌ a.

San Juan 19:15

Ga̱a ne̱ caguáj nij yuvii̱, cataj nij soꞌ a: ―Ni̱caj tanuu man soꞌ, ne̱ caꞌa̱nj cachro̱n tanuu man soꞌ rihaan rcutze̱ cuaj qui̱ꞌyáá so̱ꞌ á ―taj nij soꞌ rihaan Pilató a. Ne̱ xnáꞌanj Pilató man nij soꞌ, cataj soꞌ a: ―Maꞌa̱n síí nica̱j suun rey uun chij rihaan soj cachro̱nj rihaan rcutze̱, rá soj a̱ naꞌ ―taj soꞌ, xnáꞌanj soꞌ man nij soꞌ a. ―Taj va̱j ꞌó rey maꞌ. O̱rúnꞌ síí cuꞌna̱j César me rey uun chij rihaan núj ado̱nj ―taj nij xrej ata̱ suun noco̱o a.

San Juan 4:25

Ga̱a ne̱ cataj chana̱ rihaan Jesús a: ―Neꞌén ꞌu̱nj se vaa vaa güii, ne̱ caꞌna̱ꞌ Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ asa̱ꞌ caꞌnaꞌ soꞌ, ne̱ cata̱j xnaꞌanj maꞌa̱n soꞌ cheꞌé cunuda̱nj rasu̱u̱n rihaan níꞌ na̱nj á ―taj chana̱ rihaan Jesús a.