San Mateo 26:72 - Triqui de San Juan Copala

⁷² Ga̱a ne̱ nucua̱j ndoꞌo caꞌmii uún Pedró, cataj soꞌ a: ―Taj maꞌ. A̱ doj ne neꞌenj man snóꞌo yoꞌ maꞌ. Caꞌve̱e quiꞌya̱j Yaꞌanj sayuun mán ꞌu̱nj sese aꞌmii ne̱ ꞌu̱nj á ―taj Pedró yoꞌ a.

San Mateo 26:72 ပူးပေါင်းရင်းမြစ်များ

San Mateo 26:71

Ga̱a ne̱ curiha̱nj Pedró, ne̱ canicunꞌ soꞌ rej atúj yuvii̱ chingá a. Ga̱a ne̱ queneꞌen ꞌó mozó cha̱na̱ man soꞌ, ne̱ caꞌmii noꞌ rihaan nij yuvii̱ nicu̱nꞌ rihaan veꞌ ga̱ Pedró, cataj noꞌ a: ―Síí nihánj cachéé ga̱ Jesús síí cavii chumanꞌ Nazaret asânj ―taj chana̱ yoꞌ a.

San Mateo 26:73

Ne̱ corá nii cuchiꞌ nij síí nicu̱nꞌ nichru̱nꞌ rihaan Pedró, ne̱ cataj nij soꞌ a: ―Ya̱ ya̱ ꞌo̱ síí cachéé ga̱ Jesús mé so̱ꞌ ado̱nj. ꞌO̱ se ase vaa aꞌmii nij síí cachéé ga̱ Jesús roꞌ, vaa aꞌmii so̱ꞌ chugua̱nj ―taj nij soꞌ rihaan Pedró a.

San Mateo 26:74

Ga̱a ne̱ guun cheꞌe̱ Pedró nucua̱j doj caꞌmii Pedró, cataj Pedró se vaa caꞌve̱e quiꞌya̱j Yaꞌanj sayuun man soꞌ sese né na̱na̱ ya̱ me nana̱ aꞌmii soꞌ, ne̱ cataj soꞌ a: ―Ne neꞌenj man snóꞌo yoꞌ maꞌ ―taj uún Pedró a. Ga̱a ne̱ nu̱ꞌ caguáj taꞌloo a.

San Lucas 22:34

Tza̱j ne̱ cataj Jesús rihaan Pedró a: ―Nihánj me cata̱j ꞌu̱nj rihaan so̱ꞌ da̱j qui̱ꞌyáá so̱ꞌ, Pedro. Neꞌén ꞌu̱nj se vaa asa̱ꞌ ataa cagua̱j taꞌloo nii̱ corá, ne̱ vaꞌnu̱j cata̱j so̱ꞌ se vaa ne neꞌén so̱ꞌ manj maꞌ ―taj Jesús rihaan Pedró a.