San Mateo 26:70 - Triqui de San Juan Copala

⁷⁰ ―Taj maꞌ. Ne neꞌén ꞌu̱nj me taj so̱ꞌ maꞌ ―taj Pedró cuno ta̱ranꞌ nij yuvii̱ cayáán ga̱ soꞌ a.

San Mateo 26:70 ပူးပေါင်းရင်းမြစ်များ

San Mateo 26:51

Ne̱ ꞌo̱ síí nicu̱nꞌ ga̱ Jesús me se quirii soꞌ taneê soꞌ neê espadá, ne̱ goꞌ soꞌ neê espadá yoꞌ raa̱ ꞌo̱ se‑mo̱zó xrej ata̱ suun noco̱o doj, ne̱ veé dan güéj nu̱ꞌ xréé mozó yoꞌ, quiꞌyaj soꞌ a.

San Mateo 26:56

Tza̱j ne̱ nihánj me se qui̱ránꞌ ꞌu̱nj nu̱ꞌ se vaa taj nana̱ cachrón nij síí nataꞌ snana̱ Yaꞌanj ga̱a naá rihaan yanj a ―taj Jesús a. Ga̱a ne̱ tanáj cunuda̱nj nij síí tucuꞌyón snana̱ Jesús man soꞌ, ne̱ cunánj nij soꞌ, caꞌanj nij soꞌ a.

San Mateo 26:58

Ne̱ ga̱nꞌ ga̱nꞌ canocoꞌ síí cuꞌna̱j Pedró xcó Jesús, ne̱ cuchiꞌ soꞌ rihaan chingá rej ya̱nj Caifás yoꞌ, ne̱ catúj soꞌ rá chingá ne̱ caꞌanj ca̱yáán soꞌ ga̱ nij se‑mo̱zó xrej ma̱n rá chingá, queneꞌe̱n soꞌ da̱j quira̱nꞌ Jesús a.

San Mateo 26:69

Veé dan, ne̱ ya̱nj Jesús ga̱ ꞌó nij soꞌ rá veꞌ, ne̱ ya̱nj síí cuꞌna̱j Pedró xeꞌ rá chingá a. Ne̱ cuchiꞌ ꞌo̱ mozó cha̱na̱ rihaan soꞌ, ne̱ cataj noꞌ a: ―So̱ꞌ me ꞌo̱ síí cachéé ga̱ Jesús síí cavii estadó Galilea ado̱nj ―taj mozó cha̱na̱ yoꞌ rihaan Pedró a.

San Mateo 26:71

Ga̱a ne̱ curiha̱nj Pedró, ne̱ canicunꞌ soꞌ rej atúj yuvii̱ chingá a. Ga̱a ne̱ queneꞌen ꞌó mozó cha̱na̱ man soꞌ, ne̱ caꞌmii noꞌ rihaan nij yuvii̱ nicu̱nꞌ rihaan veꞌ ga̱ Pedró, cataj noꞌ a: ―Síí nihánj cachéé ga̱ Jesús síí cavii chumanꞌ Nazaret asânj ―taj chana̱ yoꞌ a.

San Lucas 22:57

Ga̱a ne̱ cataj Pedró rihaan chana̱ yoꞌ a: ―Ne neꞌén ꞌu̱nj man soꞌ, maan nocoj ―taj soꞌ a.

Romanos 11:20

Tza̱j ne̱ ma̱an cheꞌé se né si̱j amán rá niꞌya̱j Yaꞌanj me taꞌa̱j nij yuvii̱ israelitá yoꞌ me quiriꞌíj yaníj Yaꞌanj man nij soꞌ, ne̱ ma̱an cheꞌé se amán rá soj niꞌya̱j soj Yaꞌanj me nicunꞌ soj rihaan Yaꞌanj cuano̱ chugua̱nj. Tza̱j ne̱ se̱ guun cata̱j soj se vaa vaa se uun ndoꞌo soj maꞌ. Tana̱nj cuchuꞌvi̱ꞌ nimán soj á.

1 Corintios 10:12

Sese sa̱ꞌ uxrá nocoꞌ ꞌo̱ soꞌ man Cristó rá soꞌ, ne̱ tu̱mé uxrá soꞌ man soꞌ se̱ gaa na̱nj caꞌa̱nj yaníj soꞌ ne̱ quiri̱ꞌ soꞌ a.

Apocalipsis 21:8

Tza̱j ne̱ xa̱ꞌ nij síí cunánj rihaan sayuun do̱ꞌ, nij síí ne nocoꞌ xraan manj do̱ꞌ, nij síí ꞌyaj se chiꞌi̱i̱ do̱ꞌ, nij síí ticaviꞌ tuviꞌ do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ꞌyaj chre̱e do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, ta̱ranꞌ nij síí ne̱ do̱ꞌ, me se vaa laguaná caca̱a̱ nij soꞌ rihaan yaꞌan, ne̱ laguaná acaa ndoꞌo yoꞌóó azufré me yoꞌ ado̱nj. Yoꞌ me rej cavi̱ꞌ uún nij soꞌ nu̱ꞌ cavii nu̱ꞌ caꞌanj na̱nj chugua̱nj ―taj síí ta̱j rihaan chruun xlá sa̱ꞌ yoꞌ a.