San Mateo 26:52 - Triqui de San Juan Copala

⁵² Ga̱a ne̱ cataj Jesús rihaan síí nica̱j neê espadá yoꞌ a: ―Naꞌne̱j sa̱ꞌ so̱ꞌ taneê so̱ꞌ á. ꞌO̱ se nu̱ꞌ yuvii̱ nica̱j neê espadá roꞌ, veé neê espadá quiꞌya̱j cavi̱ꞌ nij yuvii̱ na̱nj ado̱nj.

San Mateo 26:52 ပူးပေါင်းရင်းမြစ်များ

San Mateo 5:39

Tza̱j ne̱ cuano̱ nihánj roꞌ, cata̱j xnaꞌanj ꞌu̱nj rihaan soj se vaa se̱ quiꞌyaj soj sayuun man síí ꞌyaj sayuun man soj maꞌ. Tana̱nj sese vaa síí coxro ni̱chrej xruú so̱ꞌ, ne̱ ti̱cúnꞌ so̱ꞌ níchrej xruú so̱ꞌ coxro̱ soꞌ uún na̱nj á.

Romanos 12:19

Se̱ quiꞌyaj maꞌa̱n soj sayuun man yuvii̱ ꞌyaj sayuun man soj maꞌ. Ma̱an se caꞌne̱ꞌ rá soj, ne̱ Yaꞌanj me síí na̱ruꞌvee rihaan nij yuvii̱ quiꞌyaj sayuun, ne̱ vaa güii quiꞌya̱j Yaꞌanj sayuun man nij soꞌ a. Da̱nj me raj quiꞌya̱j nij soj, tinu̱j, nocoj. ꞌO̱ se Danj Yaꞌanj taj a: “Ma̱ꞌanj me síí no̱ xcúún na̱ruꞌvee sayuun rihaan yuvii̱, ne̱ ya̱ na̱ruꞌvee ꞌu̱nj rihaan yuvii̱”, taj Yaꞌanj a.

1 Tesalonicenses 5:15

Tu̱mé soj man soj se̱ guun quiꞌya̱j chiꞌi̱i̱ ꞌo̱ tuviꞌ soj man síí ꞌyaj chiꞌi̱i̱ man soꞌ maꞌ. Tana̱nj ina̱nj suun sa̱ꞌ quiꞌya̱j soj cheꞌé tuviꞌ soj do̱ꞌ, cheꞌé cunuda̱nj yuvii̱ do̱ꞌ á.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

Apocalipsis 13:10

Dan me se síí taꞌaa man ꞌó yuvii̱ gu̱un yuvii̱ mozó siꞌyaj soꞌ roꞌ, vaa güii ta̱ꞌaa nii man soꞌ gu̱un soꞌ mozó siꞌyaj ꞌó yuvii̱ uún na̱nj ado̱nj. Ne̱ síí oꞌ neê espadá man tuviꞌ me se cavi̱ꞌ ya̱ maꞌa̱n soꞌ, quiꞌya̱j neê espadá na̱nj ado̱nj. Nihánj me se xca̱j níꞌ cuentá cheꞌé nij síí noco̱ꞌ man Yaꞌanj, se vaa ꞌo̱ ga̱a̱ nucua̱j rá nij soꞌ niꞌya̱j nij soꞌ Yaꞌanj, ne̱ ꞌo̱ cuchuma̱n rá nij soꞌ ni̱ꞌyaj nij soꞌ Yaꞌanj, ne̱ ꞌo̱ ga̱a̱ nucua̱j nimán nij soꞌ rihaan sayuun ado̱nj.

Apocalipsis 16:6

ꞌO̱ se nij síí ma̱n rihaan chumii̱ roꞌ, tucuayuu nij soꞌ ton man nij síí noco̱ꞌ mán so̱ꞌ do̱ꞌ, man nij síí nataꞌ snana̱ so̱ꞌ do̱ꞌ, rihaan yoꞌóó, ne̱ nihánj me se rqué so̱ꞌ ton rihaan nij soꞌ coꞌo̱ maꞌa̱n nij soꞌ ya̱j ado̱nj. Dan me se ya̱j me nayo̱n ya̱ cuentá nda̱a vaa quiꞌyaj nij soꞌ ga̱a naá na̱nj á ―taj se‑mo̱zó Yaꞌanj síí tumé na a.