San Mateo 26:25 - Triqui de San Juan Copala25 Ne̱ síí cuꞌna̱j Judas síí me rá ta̱cuachén man Jesús rihaan nij síí ta̱j riꞌyunj man Jesús me se xnáꞌanj soꞌ man Jesús, cataj soꞌ a: ―Maestro, ꞌu̱nj me síí quiꞌya̱j da̱nj naꞌ ―taj maꞌa̱n soꞌ, xnáꞌanj maꞌa̱n soꞌ man Jesús uún a. ―Ya̱ uxrá cataj so̱ꞌ á. Veé so̱ꞌ quiꞌya̱j da̱nj ado̱nj ―taj Jesús rihaan soꞌ a. အခန်းကိုကြည့်ပါ။ |
Ga̱a ne̱ cataj Jesús rihaan soꞌ a: ―Ya̱ vaa nana̱ caꞌmii ma̱ꞌán so̱ꞌ ado̱nj. Ne̱ vaj a̱ doj cata̱j xnaꞌanj ꞌu̱nj rihaan so̱ꞌ se vaa nda̱a ya̱j queneꞌe̱n soj manj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ queneꞌe̱n soj se vaa quita̱j ꞌu̱nj rej nuva̱ꞌ Yaꞌanj ne̱ ni̱caj ꞌu̱nj se‑nucua̱j soꞌ gu̱un chij ꞌu̱nj ado̱nj. Ne̱ queneꞌe̱n uún soj se vaa caꞌna̱ꞌ uún ꞌu̱nj rihaan chumii̱ nihánj, ne̱ quita̱j ꞌu̱nj xráá ngaa xta̱ꞌ caꞌna̱j ado̱nj ―taj Jesús rihaan xrej ata̱ suun noco̱o doj yoꞌ a.
Dan me se canicunꞌ Jesús rihaan síí nica̱j suun gobernador cuꞌna̱j Pilató, ne̱ xnáꞌanj Pilató man Jesús, cataj soꞌ a: ―So̱ꞌ me síí nica̱j suun rey uun chij rihaan nij yuvii̱ israelitá naꞌ ―taj soꞌ, xnáꞌanj soꞌ man Jesús a. ―Veé ya̱ nda̱a vaa cataj so̱ꞌ roꞌ, veé da̱nj vaa na̱nj á ―taj Jesús rihaan soꞌ a.
Ga̱a ne̱ xnáꞌanj Pilató man soꞌ, cataj soꞌ a: ―Cheꞌé dan síí nica̱j suun rey mé so̱ꞌ naꞌ. Ya̱ naꞌ ―taj Pilató, xnáꞌanj soꞌ man Jesús a. Ga̱a ne̱ cataj Jesús rihaan soꞌ a: ―Ya̱ uxrá vaa nana̱ caꞌmii ma̱ꞌán so̱ꞌ se vaa si̱j nica̱j suun rey mej á. Ne̱ nihánj me cata̱j xnaꞌanj ꞌu̱nj rihaan so̱ꞌ me cheꞌé caꞌngaa ꞌu̱nj ne̱ me cheꞌé caꞌnáꞌ ꞌu̱nj rihaan chumii̱ nihánj ado̱nj. Dan me se caꞌnáꞌ ꞌu̱nj cata̱j xnaꞌanj ꞌu̱nj nana̱ ya̱ rihaan yuvii̱ a. Ne̱ cunuda̱nj nij síí uno nana̱ ya̱ roꞌ, uno nana̱ aꞌmij ado̱nj ―taj Jesús rihaan Pilató a.