San Mateo 26:15 - Triqui de San Juan Copala

¹⁵ Dan me se cataj soꞌ rihaan nij xrej a: ―A̱ me se rque̱ soj manj, ne̱ ra̱cuíj ꞌu̱nj man soj ta̱cuachén ꞌu̱nj man Jesús rihaan soj ga̱ ―taj soꞌ, xnáꞌanj soꞌ man nij xrej a. Ne̱ rqué nij soꞌ ico̱ chi̱ꞌ (30) saꞌanj platá catzi̱i̱ man Judas yoꞌ a.

San Mateo 26:15 ပူးပေါင်းရင်းမြစ်များ

San Mateo 10:4

Ne̱ ꞌó soꞌ me síí cuꞌna̱j Simón uún, ne̱ soꞌ me tuviꞌ nij síí me rá nani̱i̱ raꞌa gobiernó ma̱n Romá a. Ne̱ ꞌó soꞌ me síí cuꞌna̱j Judas Iscariote, ne̱ soꞌ me síí tacuachén man Jesús rihaan nij síí ta̱j riꞌyunj man Jesús a.

San Mateo 26:16

Ga̱a ne̱ guun cheꞌe̱ Judas nuchruj ra̱a̱ soꞌ aman gu̱un nucua̱j soꞌ ra̱cuíj soꞌ man nij xrej ata̱ suun noco̱o, ta̱cuachén soꞌ man Jesús rihaan nij soꞌ a.

Hechos 1:18

’Dan me se nica̱j soꞌ saꞌanj cacu̱nꞌ quiꞌyaj canaán maꞌa̱n soꞌ, ne̱ quiriꞌ soꞌ ꞌo̱ yoꞌóó, quiꞌyaj yoꞌ a. Ne̱ quinij nitu̱u̱ soꞌ rihaan yoꞌóó, ne̱ canuu̱ rque soꞌ, ne̱ cavii xriꞌ soꞌ cayuu yoꞌ a.

1 Timoteo 3:3

Se̱ guun soꞌ síí niha̱ꞌ rá coꞌo̱ na vinó do̱ꞌ, síí yuva̱a̱ do̱ꞌ maꞌ. Tana̱nj gu̱un soꞌ síí laru̱u rá do̱ꞌ, síí ne niha̱ꞌ rá cano̱ tuviꞌ ga̱ ꞌó yuvii̱ do̱ꞌ, síí ne niha̱ꞌ rá quiri̱ꞌ ndoꞌo saꞌanj do̱ꞌ á.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.