San Mateo 26:14 - Triqui de San Juan Copala

¹⁴ Ga̱a ne̱ cavii síí cuꞌna̱j Judas Iscariote, caꞌanj soꞌ rihaan nij xrej ata̱ suun noco̱o a. Dan me se ꞌo̱ chuvi̱j nij síí tucuꞌyón snana̱ Jesús me Judas yoꞌ a.

San Mateo 26:14 ပူးပေါင်းရင်းမြစ်များ

San Mateo 10:4

Ne̱ ꞌó soꞌ me síí cuꞌna̱j Simón uún, ne̱ soꞌ me tuviꞌ nij síí me rá nani̱i̱ raꞌa gobiernó ma̱n Romá a. Ne̱ ꞌó soꞌ me síí cuꞌna̱j Judas Iscariote, ne̱ soꞌ me síí tacuachén man Jesús rihaan nij síí ta̱j riꞌyunj man Jesús a.

San Mateo 26:25

Ne̱ síí cuꞌna̱j Judas síí me rá ta̱cuachén man Jesús rihaan nij síí ta̱j riꞌyunj man Jesús me se xnáꞌanj soꞌ man Jesús, cataj soꞌ a: ―Maestro, ꞌu̱nj me síí quiꞌya̱j da̱nj naꞌ ―taj maꞌa̱n soꞌ, xnáꞌanj maꞌa̱n soꞌ man Jesús uún a. ―Ya̱ uxrá cataj so̱ꞌ á. Veé so̱ꞌ quiꞌya̱j da̱nj ado̱nj ―taj Jesús rihaan soꞌ a.

San Mateo 26:47

Dan me se nicu̱nꞌ Jesús caꞌmii soꞌ, ne̱ nu̱ꞌ caꞌnaꞌ síí cuꞌna̱j Judas ꞌo̱ chuvi̱j nij síí tucuꞌyón snana̱ Jesús, ne̱ caꞌnaꞌ uxrá yuvii̱ ga̱ soꞌ, ne̱ nica̱j nij yuvii̱ neê espadá do̱ꞌ, chruun do̱ꞌ a. Dan me se yuvii̱ caꞌnéé nij xrej ata̱ suun noco̱o do̱ꞌ, nij síí uun chij rihaan nij yuvii̱ israelitá do̱ꞌ, me nij soꞌ a.

San Mateo 27:3

Dan me se síí cuꞌna̱j Judas me síí tacuachén man Jesús rihaan nij síí ta̱j riꞌyunj man Jesús ga̱a asino ya̱a̱n, ne̱ xcaj soꞌ cuentá se vaa ya̱ ya̱ ticavi̱ꞌ nii man Jesús ne̱ maꞌa̱n soꞌ me síí tumé cacunꞌ se vaa cavi̱ꞌ Jesús a. Cheꞌé dan canica̱j nimán soꞌ, ne̱ me rá soꞌ narque̱ uún soꞌ ico̱ chi̱ꞌ (30) saꞌanj platá catzi̱i̱ yoꞌ rihaan nij xrej ata̱ suun noco̱o do̱ꞌ, rihaan nij síí uun chij do̱ꞌ a. Dan me se cuchiꞌ soꞌ rihaan nij soꞌ,

San Juan 12:4

Dan me se ya̱nj síí cuꞌna̱j Judas Iscariote, ne̱ ꞌo̱ síí tucuꞌyón snana̱ Jesús me soꞌ, ne̱ síí ta̱cuachén man Jesús rihaan nij síí ta̱j riꞌyunj man Jesús me soꞌ a. Dan me se cataj soꞌ a:

San Juan 13:2

Dan me se quisíj orá chá xtiꞌno̱ nij soꞌ, ne̱ a̱j guun rá síí cuꞌna̱j Judas Iscariote taꞌníí Simón ta̱cuachén soꞌ man Jesús rihaan nij síí ta̱j riꞌyunj man Jesús, quiꞌyaj Síí Chre̱e a.

San Juan 13:26

Ga̱a ne̱ cataj Jesús a: ―Ti̱guíj ꞌu̱nj do̱j rachrúún candó nu̱u̱ rque coꞌoo, ne̱ rque̱j man síí quiꞌya̱j da̱nj manj a ―taj Jesús a. Ga̱a ne̱ tiguíj Jesús ꞌo̱ xcoꞌ rachrúún rque candó nu̱u̱ rque coꞌoo, ne̱ rqué soꞌ man síí cuꞌna̱j Judas Iscariote taꞌníí síí cuꞌna̱j Simón a.

San Juan 13:30

Dan me se nica̱j Judas rachrúún yoꞌ, ne̱ nu̱ꞌ taꞌaa soꞌ nu̱ꞌ curiha̱nj soꞌ xeꞌ a. Ne̱ rej nii̱ me yoꞌ a.

San Juan 18:2

Ne̱ síí cuꞌna̱j Judas síí ta̱cuachén man Jesús rihaan nij síí ta̱j riꞌyunj man Jesús me se a̱j neꞌen soꞌ rej yoꞌ a. ꞌO̱ se a̱j guun queꞌe̱e̱ ndoꞌo cunuu chre̱ꞌ Jesús rej yoꞌ ga̱ nij síí tucuꞌyón snana̱ soꞌ a.

Hechos 1:16

―Vaa cheꞌé quisi̱j ya̱ nu̱ꞌ nana̱ no̱ rihaan Danj Yaꞌanj nana̱ rqué Nimán Yaꞌanj caꞌmii rey cuꞌna̱j David nana̱ aꞌmii cheꞌé síí cuꞌna̱j Judas, ne̱ ya̱ da̱nj guun, tinu̱j, nocoj. Ne̱ dan me se ya̱ ya̱ guun soꞌ síí racuíj man nij síí ta̱ꞌaa man Jesús se vaa caꞌvee nariꞌ nij soꞌ man Jesús, quiꞌyaj Judas a.

Hechos 1:18

’Dan me se nica̱j soꞌ saꞌanj cacu̱nꞌ quiꞌyaj canaán maꞌa̱n soꞌ, ne̱ quiriꞌ soꞌ ꞌo̱ yoꞌóó, quiꞌyaj yoꞌ a. Ne̱ quinij nitu̱u̱ soꞌ rihaan yoꞌóó, ne̱ canuu̱ rque soꞌ, ne̱ cavii xriꞌ soꞌ cayuu yoꞌ a.