San Mateo 24:7 - Triqui de San Juan Copala

⁷ Dan me se cunu̱ꞌ uxrá ꞌo̱ chumanꞌ noco̱o ga̱ ꞌó chumanꞌ noco̱o, ne̱ cunu̱ꞌ ꞌo̱ gobiernó ga̱ ꞌó gobiernó a. Ne̱ cache̱n xꞌnaa cache̱n yuún noco̱o cache̱n queꞌe̱e̱ chumanꞌ a.

San Mateo 24:7 ပူးပေါင်းရင်းမြစ်များ

San Lucas 21:11

Ne̱ cache̱n ndoꞌo yuún noco̱o, ne̱ queꞌe̱e̱ chumanꞌ me se cache̱n ndoꞌo chiꞌii̱ cache̱n ndoꞌo xꞌnaa cache̱n ndoꞌo a. Ne̱ queneꞌe̱n ndoꞌo yuvii̱ rasu̱u̱n noco̱o nij ndoꞌo rej xta̱ꞌ, ne̱ cuchuꞌvi̱ꞌ nij yuvii̱, quiꞌya̱j rasu̱u̱n yoꞌ a.

Hechos 11:28

Ne̱ canicunꞌ ꞌo̱ nij síí nataꞌ snana̱ Yaꞌanj yoꞌ, ne̱ síí cuꞌna̱j Agabo me soꞌ a. Ne̱ nataꞌ soꞌ nana̱ rqué Nimán Yaꞌanj rihaan soꞌ se vaa vaa güii, ne̱ cache̱n xꞌnaa nu̱ꞌ chumanꞌ uun chij nij síí ma̱n Romá rihaan a. Ne̱ ga̱a cayáán síí cuꞌna̱j Claudio síí nica̱j suun emperador, ne̱ cachén ya̱ xꞌnaa nda̱a vaa cataj síí cuꞌna̱j Agabo a.

Hechos 2:19

Dan me se caꞌa̱nj ndoꞌo rá soj cheꞌé nij rasu̱u̱n noco̱o queneꞌe̱n soj rej xta̱ꞌ, qui̱ꞌyáj, ne̱ ga̱a̱ ndoꞌo rasu̱u̱n noco̱o queneꞌe̱n soj rihaan chumii̱, qui̱ꞌyáj, ne̱ queneꞌe̱n soj ton do̱ꞌ, yaꞌan do̱ꞌ, yachruu̱ do̱ꞌ a.

Hebreos 12:27

Ne̱ cheꞌé se “ꞌó yuún” quina̱a̱n yoꞌóó ga̱ xta̱ꞌ roꞌ, neꞌen níꞌ se vaa navi̱j rasu̱u̱n ruviꞌ, rasu̱u̱n quiꞌyaj Yaꞌanj, ne̱ quina̱j ina̱nj rasu̱u̱n ne ruviꞌ rasu̱u̱n xraan doj ado̱nj.

Apocalipsis 6:12

Ga̱a ne̱ queneꞌén ꞌu̱nj se vaa caꞌnéj Matzinj Leꞌe̱j selló vata̱nꞌ no̱ tuꞌva yanj yoꞌ, ne̱ dan me se nucua̱j ndoꞌo cachén yuún, ne̱ guun maruu̱ rihaan güii, ne̱ nda̱ꞌ rá se vaa maruu̱ yatzéj maruu̱ roꞌ, da̱nj vaa güii a. Ne̱ ase vaa ton roꞌ, da̱nj vaa rihaan yavii a.

Apocalipsis 6:5

Ga̱a ne̱ ga̱a caꞌnéj Matzinj Leꞌe̱j selló vaꞌnu̱j, ga̱a ne̱ cunoj caꞌmii xcuu vaꞌnu̱j a. Ne̱ cataj xoꞌ a: ―Caꞌna̱ꞌ so̱ꞌ ni̱ꞌyaj so̱ꞌ á ―taj xoꞌ a. Ga̱a ne̱ niꞌya̱j ꞌu̱nj, ne̱ dan me se cavii cuayó maruu̱, ne̱ síí ta̱j xráá cuayó roꞌ, ꞌni̱j raꞌa soꞌ agaꞌ romaná agaꞌ aꞌnéé taꞌngaꞌ nij rasu̱u̱n a.

Apocalipsis 6:6

Ga̱a ne̱ cunó ꞌu̱nj nana̱ cavii rej tanu̱u̱ caꞌa̱nj nij xcuu, ne̱ nana̱ yoꞌ cataj a: ―Saꞌanj ꞌyaj canaán yuvii̱ ꞌo̱ güii roꞌ, caꞌve̱e quira̱a̱n soꞌ ꞌo̱ kiló ꞌnúú trigó do̱ꞌ, ase vaꞌnu̱j kiló ꞌnúú cebada do̱ꞌ a. Tza̱j ne̱ se̱ tiríꞌ so̱ꞌ casté chá do̱ꞌ, na vinó do̱ꞌ maꞌ ―taj nana̱ yoꞌ a.

Apocalipsis 6:8

Ga̱a ne̱ niꞌya̱j ꞌu̱nj, ne̱ dan me se cavii cuayó da̱j, ne̱ síí ta̱j xráá cuayó da̱j roꞌ, Se ꞌYaj Aviꞌ Yuvii̱ cuꞌna̱j soꞌ, ne̱ rej xco̱ soꞌ roꞌ, noco̱ꞌ Rej Ma̱n Nimán Nij Síí Caviꞌ a. Ga̱a ne̱ caꞌneꞌ nii suun rihaan ro̱j soꞌ se vaa gu̱un chij ro̱j soꞌ rihaan ꞌo̱ taꞌa̱j yane̱j nij yuvii̱ ma̱n rihaan chumii̱, ne̱ ni̱caj ro̱j soꞌ neê espadá ni̱caj ro̱j soꞌ xꞌnaa naꞌaan rque ni̱caj ro̱j soꞌ chiꞌii̱ yuva̱a̱ ni̱caj ro̱j soꞌ xcuu yuva̱a̱ qui̱j ni̱caj ro̱j soꞌ, ticavi̱ꞌ ro̱j soꞌ man nij yuvii̱ yoꞌ a.