San Mateo 23:18 - Triqui de San Juan Copala

¹⁸ Ne̱ taj uún soj se vaa sese utaꞌ ꞌo̱ soꞌ raa̱ chraan altar acaa xcuu rqué yuvii̱ rihaan Yaꞌanj se vaa ya̱ vaa nana̱ aꞌmii soꞌ, ne̱ taj se ꞌyaj sese aꞌmii ne̱ soꞌ maꞌ, taj uún soj a. Tza̱j ne̱ sese utaꞌ soꞌ raa̱ xcuu ta̱j rihaan chraan altar yoꞌ, ne̱ no̱ xcúún soꞌ quiꞌya̱j soꞌ nu̱ꞌ nda̱a vaa taj soꞌ, taj uún soj a.

San Mateo 23:18 ပူးပေါင်းရင်းမြစ်များ

San Mateo 23:16

’Nique̱ soj cheꞌé sayuun quira̱nꞌ soj na̱nj á. Ase vaa síí tuchri̱i vaa soj, tza̱j ne̱ me rá soj ti̱haa̱n soj rihaan yuvii̱ da̱j ga̱a̱ quiꞌya̱j yuvii̱ a. Caꞌve̱e se utaꞌ ꞌo̱ soꞌ raa̱ nuvií noco̱o se vaa ya̱ vaa nana̱ aꞌmii soꞌ, tza̱j ne̱ taj se ꞌyaj sese aꞌmii ne̱ soꞌ maꞌ, taj soj a. Tza̱j ne̱ sese utaꞌ ꞌo̱ soꞌ raa̱ agaꞌ oró míí nu̱u̱ rá nuvií noco̱o, ga̱a ne̱ cheꞌé dan ya̱ vaa nana̱ aꞌmii soꞌ, ne̱ no̱ xcúún soꞌ quiꞌya̱j soꞌ nu̱ꞌ nda̱a vaa cataj soꞌ, taj soj a.

San Mateo 23:17

Ase vaa síí niꞌyo̱n do̱ꞌ, ase vaa síí tuchri̱i do̱ꞌ, vaa soj ado̱nj. Me cheꞌé ne neꞌen soj se vaa nuvií noco̱o me se sa̱ꞌ doj vaa yoꞌ rihaan agaꞌ oró míí nu̱u̱ rque nuvií yoꞌ ga̱. ꞌO̱ se neꞌen soj se vaa cheꞌé maꞌa̱n nuvií noco̱o yoꞌ roꞌ, nuu gue̱e̱ agaꞌ oró míí yoꞌ rihaan Yaꞌanj ado̱nj.

San Mateo 23:19

Dan me se ase vaa síí tuchri̱i vaa soj ado̱nj. Me cheꞌé ne neꞌen soj se vaa sa̱ꞌ doj vaa chraan altar yoꞌ rihaan xcuu ta̱j rihaan yoꞌ ga̱. ꞌO̱ se cheꞌé maꞌa̱n chraan altar roꞌ, cheꞌé dan nuu gue̱e̱ xcuu yoꞌ rihaan Yaꞌanj na̱nj á.

San Marcos 7:11

Tza̱j ne̱ taj soj se vaa sese cata̱j ꞌo̱ soꞌ rihaan rej soꞌ do̱ꞌ, rihaan nii soꞌ do̱ꞌ, se vaa a̱j rqué soꞌ nu̱ꞌ siꞌyaj soꞌ rihaan Yaꞌanj ne̱ cheꞌé dan se̱ caꞌvee ra̱cuíj soꞌ man rej soꞌ do̱ꞌ, man nii soꞌ do̱ꞌ, taj soj a.

Gálatas 5:3

Nihánj me cata̱j xnaꞌanj uún ꞌu̱nj rihaan soj se vaa ta̱ranꞌ nij snóꞌo aꞌvej rá cuta̱ꞌ nii taꞌngaꞌ man roꞌ, no̱ xcúún nij soꞌ canoco̱ꞌ nij soꞌ nu̱ꞌ stucua̱nj Moisés ado̱nj.