San Mateo 22:18 - Triqui de San Juan Copala

¹⁸ Tza̱j ne̱ queneꞌen Jesús se vaa me rá nij soꞌ quiꞌya̱j chiꞌi̱i̱ nij soꞌ man soꞌ a. Cheꞌé dan cataj soꞌ a: ―Me cheꞌé me rá soj tiha̱ꞌ yuꞌunj soj manj ne̱ cuta̱ꞌ soj cacunꞌ xráj ga̱. ꞌO̱ se síí tihaꞌ yuꞌunj man yuvii̱ me soj, ne̱ qui̱j vaa nimán soj ado̱nj.

San Mateo 22:18 ပူးပေါင်းရင်းမြစ်များ

San Mateo 12:15

Tza̱j ne̱ queneꞌen Jesús da̱j me rá nij síí fariseo quiꞌya̱j nij soꞌ man Jesús a. Cheꞌé dan cavii soꞌ rej yoꞌ, ne̱ caꞌanj ndoꞌo yuvii̱ ga̱ soꞌ, ne̱ nahuun cunuda̱nj nij síí ranꞌ va̱j ga̱ nij yuvii̱, quiꞌyaj Jesús a.

San Mateo 19:3

Ga̱a ne̱ cuchiꞌ do̱j síí fariseo rihaan Jesús, ne̱ me rá nij soꞌ cuta̱ꞌ nij soꞌ cacunꞌ xráá Jesús cheꞌé nana̱ caꞌmi̱i̱ Jesús a. Cheꞌé dan xnáꞌanj nij soꞌ man Jesús, cataj nij soꞌ a: ―Sese ne cuna̱j ꞌyaj chana̱ nica̱ ꞌo̱ snóꞌo, rá snóꞌo yoꞌ, ne̱ caꞌve̱e quiriꞌi̱j soꞌ man noꞌ taj stucua̱nj Moisés naꞌ ―taj nij soꞌ a.

San Mateo 22:17

Cheꞌé dan cata̱j xnaꞌanj so̱ꞌ rihaan núj da̱j quiꞌya̱j yuvii̱, rá so̱ꞌ á: No̱ xcúún yuvii̱ go̱ꞌ yuvii̱ impuestó rihaan síí nica̱j suun emperador cuꞌna̱j César naꞌ. Ase se̱ goꞌ yuvii̱ xa̱ꞌ ―taj nij soꞌ, xnáꞌanj nij soꞌ man Jesús a.

San Mateo 22:19

Ti̱haa̱n soj rihanj da̱j vaa saꞌanj oꞌ nii cheꞌé impuestó á ―taj Jesús rihaan nij síí me rá tiha̱ꞌ yuꞌunj yoꞌ a. Ga̱a ne̱ nanoꞌ nij soꞌ saꞌanj aga̱ꞌ oꞌ yuvii̱ cheꞌé impuestó, ne̱ tihaa̱n nij soꞌ saꞌanj aga̱ꞌ yoꞌ rihaan Jesús a.

San Marcos 12:5

’Ga̱a ne̱ caꞌnéé síí xna̱a̱ ꞌó mozó uún, ne̱ ticaviꞌ nij síí nu̱u̱ tumé naa̱ man soꞌ, ne̱ queꞌe̱e̱ doj mozó caꞌnéé uún síí xna̱a̱, ne̱ taꞌa̱j nij soꞌ goꞌ nij síí nu̱u̱ tumé naa̱, ne̱ ꞌó taꞌa̱j nij soꞌ ticaviꞌ nij síí nu̱u̱ tumé naa̱ a.

San Marcos 2:8

Dan me se queneꞌen nimán maꞌa̱n Jesús se vaa guun nimán nij soꞌ da̱nj, ne̱ cheꞌé dan cataj soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Lucas 10:25

Dan me se canicunꞌ caya̱ ꞌo̱ síí naquiꞌyaj cu̱u stucua̱nj Moisés, ne̱ guun rá soꞌ quiri̱ꞌ soꞌ rej cara̱a soꞌ cacunꞌ xráá Jesús a. Cheꞌé dan xnáꞌanj soꞌ ꞌo̱ nana̱ man Jesús a: ―Da̱j qui̱ꞌyáj, ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj, ga̱a maestro̱ꞌ ―taj soꞌ rihaan Jesús a.

San Lucas 20:23

Tza̱j ne̱ xcaj Jesús cuentá se vaa me rá nij soꞌ tiha̱ꞌ yuꞌunj nij soꞌ man soꞌ a. Cheꞌé dan cataj Jesús nana̱ nihánj rihaan nij soꞌ a:

San Lucas 5:22

Queneꞌen Jesús da̱j nuchruj ra̱a̱ nij soꞌ, ne̱ cheꞌé dan cataj soꞌ rihaan nij soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Lucas 9:47

Tza̱j ne̱ xcaj Jesús cuentá da̱j vaa nimán nij soꞌ, ne̱ cheꞌé dan taꞌaa soꞌ raꞌa ꞌo̱ xnii leꞌe̱j, ne̱ nica̱j soꞌ cachrón soꞌ xꞌnúú soꞌ,

San Juan 2:25

ne̱ ne cachi̱in ꞌo̱ síí cata̱j xnaꞌanj rihaan Jesús da̱j vaa nimán yuvii̱ maꞌ. ꞌO̱ se maꞌa̱n soꞌ me síí neꞌen da̱j vaa nimán nu̱ꞌ nij yuvii̱ ado̱nj.

San Juan 8:6

ꞌO̱ se guun rá nij soꞌ caꞌmi̱i̱ Jesús ꞌo̱ nana̱ vaa nij cheꞌé stucua̱nj Moisés, ga̱a ne̱ caꞌve̱e cuta̱ꞌ nij soꞌ cacunꞌ xráá Jesús cheꞌé nana̱ caꞌmi̱i̱ soꞌ a. Dan me se caꞌanj canicu̱nꞌ ru̱j Jesús, ne̱ cachrón raꞌa soꞌ letrá rihaan yoꞌóó a.

Hechos 5:9

Ga̱a ne̱ cataj Pedró rihaan noꞌ a: ―Me cheꞌé cuya̱a̱n guun rá ro̱j so̱j tiha̱ꞌ yuꞌunj ro̱j so̱j man Nimán Síí ꞌNi̱j Raꞌa man níꞌ ga̱. Ni̱ꞌyaj so̱ꞌ á. Nij síí cachinꞌ man nica̱ so̱ꞌ roꞌ, nicunꞌ taꞌyaa, ne̱ nihánj me se ca̱ta̱ nij soꞌ mán so̱ꞌ, caꞌa̱nj ni̱caj nij soꞌ mán so̱ꞌ xeꞌ cuano̱ na̱nj ado̱nj ―taj Pedró rihaan noꞌ a.

Apocalipsis 2:23

Ne̱ ꞌo̱ cavi̱ꞌ nij síí noco̱ꞌ snana̱ chana̱ yoꞌ, qui̱ꞌyáj, ga̱a ne̱ queneꞌe̱n nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ se vaa ꞌu̱nj me síí acaj ndoꞌo cuentá da̱j vaa raa̱ yuvii̱ do̱ꞌ, da̱j vaa nimán yuvii̱ do̱ꞌ, ne̱ na̱ruꞌvee ꞌu̱nj rihaan ꞌo̱ ꞌo̱ nij soj cheꞌé se vaa ꞌyaj ꞌo̱ ꞌo̱ nij soj chugua̱nj.