San Mateo 22:12 - Triqui de San Juan Copala

¹² Ga̱a ne̱ cataj síí nica̱j suun rey rihaan soꞌ a: “Me cheꞌé catúj so̱ꞌ rá veꞌ nihánj veꞌ anuû chaꞌanj, ne̱ nuviꞌ yatzíj naraꞌa̱a nuû so̱ꞌ, ga̱ tinu̱ꞌ”, taj soꞌ a. Ne̱ guun naꞌa̱j soꞌ, ne̱ ne caꞌmi̱i̱ soꞌ maꞌ.

San Mateo 22:12 ပူးပေါင်းရင်းမြစ်များ

San Mateo 20:13

Ga̱a ne̱ síí toꞌo̱j yoꞌ cataj rihaan ꞌo̱ nij mozó a: “Ne ta̱ꞌyunj mán so̱ꞌ, maan tinu̱j. Ma̱an se a̱j caꞌmii níꞌ cheꞌé se vaa quiꞌya̱j suun so̱ꞌ cheꞌé ꞌo̱ saꞌanj denario cheꞌé ꞌo̱ güii a.

San Mateo 26:50

Ga̱a ne̱ xnáꞌanj Jesús man Judas, cataj soꞌ a: ―Me cheꞌé caꞌnáꞌ so̱ꞌ, ga̱ tinu̱ꞌ ―taj soꞌ rihaan Judas a. Ga̱a ne̱ cuchiꞌ nij yuvii̱ rihaan Jesús, ne̱ taꞌaa nij yuvii̱ man Jesús a.

San Mateo 5:20

’ꞌO̱ se cata̱j xnaꞌanj ꞌu̱nj rihaan soj se vaa sese nij síí naquiꞌyaj cu̱u stucua̱nj Moisés ga̱ nij síí fariseo me se ꞌyaj sa̱ꞌ nij soꞌ rihaan yuvii̱, rá nij soꞌ, tza̱j ne̱ sese se̱ quiꞌyaj sa̱ꞌ soj doj rihaan nij yuvii̱ nda̱a vaa ꞌyaj nij síí naquiꞌyaj cu̱u stucua̱nj Moisés ga̱ nij síí fariseo, ga̱a ne̱ daj chiha̱a̱ míj se̱ cayáán soj ga̱ Yaꞌanj asa̱ꞌ guun chij Yaꞌanj a̱ maan ado̱nj.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

1 Corintios 4:5

Cheꞌé dan se̱ guun naquiꞌya̱j cu̱u soj cheꞌé yuvii̱ maꞌ. Ma̱an se na̱ꞌvi̱j soj caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj na̱nj á. Cuano̱ nihánj me se ne neꞌen sa̱ꞌ níꞌ da̱j vaa ꞌyaj ꞌo̱ ꞌo̱ yuvii̱, tza̱j ne̱ asa̱ꞌ caꞌnaꞌ Síí ꞌNi̱j Raꞌa man níꞌ, ne̱ ti̱haa̱n soꞌ rihaan níꞌ da̱j vaa rá nimán ꞌo̱ ꞌo̱ yuvii̱ ma̱n rihaan chumii̱ nihánj, ne̱ sese sa̱ꞌ vaa rá nimán ꞌo̱ soꞌ, ne̱ maꞌa̱n Yaꞌanj cata̱j se vaa sa̱ꞌ quiꞌyaj soꞌ ado̱nj.

Tito 3:11

ꞌO̱ se xa̱ꞌ síí ꞌyaj xraꞌ taꞌa̱j yuvii̱, tza̱j ne̱ a̱j tanáj soꞌ tucuáán ya̱, ne̱ tumé soꞌ cacunꞌ ado̱nj. Ne̱ ma̱an cheꞌé cacunꞌ ata̱ soꞌ roꞌ, ꞌyaj yu̱u̱n cheꞌe̱ riꞌ soꞌ na̱nj ado̱nj.