San Mateo 21:11 - Triqui de San Juan Copala

¹¹ ―Síí nihánj me Jesús síí cavii chumanꞌ Nazaret chumanꞌ na̱j estadó Galilea, ne̱ síí nataꞌ snana̱ Yaꞌanj me soꞌ ado̱nj ―taj nij yuvii̱ catúj chumanꞌ Jerusalén, niꞌya̱j nij soꞌ man Jesús a.

San Mateo 21:11 ပူးပေါင်းရင်းမြစ်များ

San Mateo 2:23

ne̱ cuchiꞌ soꞌ chumanꞌ Nazaret, ne̱ cayáán soꞌ chumanꞌ yoꞌ a. Veé dan quisíj ya̱ nu̱ꞌ nana̱ cataj nij síí nataꞌ snana̱ Yaꞌanj ga̱a naá a: “Síí cavii Nazaret me Síí Caꞌne̱j Yaꞌanj ado̱nj”, taj nij soꞌ a.

San Mateo 21:10

Dan me se catúj Jesús chumanꞌ Jerusalén, ne̱ caráyaꞌa̱nj ta̱ranꞌ nij yuvii̱ ma̱n chumanꞌ yoꞌ, ne̱ cataj nij soꞌ a: ―Me síí atúj chumanꞌ ga̱ ―taj nij síí ma̱n chumanꞌ Jerusalén, xnáꞌanj nij soꞌ man nij yuvii̱ atúj chumanꞌ Jerusalén a.

San Mateo 21:26

Tza̱j ne̱ sese cata̱j níꞌ se vaa né si̱j caꞌneꞌ Yaꞌanj suun rihaan me Juan, ne̱ caꞌma̱an rá nij yuvii̱, ne̱ quira̱nꞌ níꞌ sayuun, quiꞌya̱j nij yuvii̱ na̱nj á. ꞌO̱ se nij yuvii̱ me se síí caꞌnéé Yaꞌanj nata̱ꞌ snana̱ Yaꞌanj me Juan, rá cunuda̱nj nij yuvii̱ na̱nj ado̱nj ―taj nij soꞌ rihaan tuviꞌ nij soꞌ a.

San Mateo 21:46

Ga̱a ne̱ nanoꞌ nij soꞌ da̱j ga̱a̱ ta̱ꞌaa nij soꞌ man Jesús, tza̱j ne̱ cuchuꞌviꞌ nij soꞌ niꞌya̱j nij soꞌ man nij yuvii̱ a. ꞌO̱ se síí nataꞌ snana̱ Yaꞌanj me Jesús, rá nij yuvii̱ a.

San Marcos 6:15

Ne̱ ꞌó taꞌa̱j nij yuvii̱ me se cataj se vaa síí cuꞌna̱j Elías síí nataꞌ snana̱ Yaꞌanj ga̱a naá me Jesús, ne̱ ꞌó taꞌa̱j nij yuvii̱ uún cataj se vaa ase vaa ꞌó nij síí nataꞌ snana̱ Yaꞌanj ga̱a naá me Jesús a.

San Lucas 13:33

Tza̱j ne̱ vaa cheꞌé va̱j ꞌu̱nj chrej cuanꞌ ne̱ aꞌyuj ne̱ yataj a. ꞌO̱ se taj cheꞌé cavi̱ꞌ ꞌo̱ síí nataꞌ snana̱ Yaꞌanj rej yaníj ꞌó chumanꞌ maꞌ. ꞌO̱ se veé chumanꞌ Jerusalén cavi̱ꞌ soꞌ ga̱a ne̱ caꞌve̱e ado̱nj ―taj Jesús rihaan nij síí fariseo yoꞌ a.

San Lucas 24:19

Ga̱a ne̱ cataj Jesús a: ―Da̱j guun chumanꞌ Jerusalén ga̱ ―taj Jesús, xnáꞌanj soꞌ man ro̱j soꞌ a. Ga̱a ne̱ cataj ro̱j soꞌ rihaan Jesús a: ―Nu̱ꞌ se vaa quiranꞌ Jesús síí cavii chumanꞌ Nazaret a. Ne̱ soꞌ me síí guun síí nataꞌ snana̱ Yaꞌanj rihaan nij yuvii̱ a. Ne̱ síí uun nucua̱j ndoꞌo quiꞌyaj suun sa̱ꞌ noco̱o me soꞌ, ne̱ síí cavii ndoꞌo nana̱ sa̱ꞌ tuꞌva cheꞌé Yaꞌanj me soꞌ rihaan cunuda̱nj nij yuvii̱ a.

San Lucas 7:16

Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.

San Lucas 7:39

Dan me se ga̱a queneꞌen síí tucua̱ se vaa quiꞌyaj chana̱ man Jesús, ga̱a ne̱ guun rá soꞌ nana̱ nihánj niꞌya̱j soꞌ man Jesús a: “Sese ya̱ si̱j nataꞌ snana̱ Yaꞌanj me síí nihánj, ne̱ a̱j neꞌen soꞌ da̱j cha̱na̱ me chana̱ nihánj, se vaa chana̱ ata̱ cacunꞌ me noꞌ, ne̱ se̱ caꞌvej rá soꞌ quiꞌya̱j noꞌ da̱nj ga̱ soꞌ tza̱j maan ado̱nj”, guun rá síí tucua̱ yoꞌ a.

San Juan 1:21

Ga̱a ne̱ xnáꞌanj uún nij soꞌ man soꞌ, cataj nij soꞌ a: ―Se taj, ne̱ me síí mé so̱ꞌ ga̱. Síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ. Né soꞌ mé ꞌu̱nj maꞌ ―taj Juan a. ―Neꞌen núj se vaa vaa güii caꞌna̱ꞌ ꞌo̱ síí nata̱ꞌ snana̱ Yaꞌanj, ne̱ soꞌ mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ ―taj Juan a.

San Juan 1:25

ne̱ cataj nij soꞌ rihaan Juan a: ―Dan me se né Si̱j Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ maꞌ. Né si̱j cuꞌna̱j Elías mé so̱ꞌ maꞌ. Né si̱j nataꞌ snana̱ Yaꞌanj yoꞌ mé so̱ꞌ maꞌ. Cheꞌé dan ne nó xcúún so̱ꞌ cuta̱ꞌ ne so̱ꞌ man yuvii̱ maꞌ ―taj nij síí fariseo yoꞌ rihaan Juan a.

San Juan 4:19

Ne̱ cataj chana̱ rihaan soꞌ a: ―Cuano̱ nihánj xcaj ꞌu̱nj cuentá se vaa si̱j nataꞌ snana̱ Yaꞌanj mé so̱ꞌ, señor.

San Juan 6:14

Dan me se ga̱a queneꞌen nij snóꞌo suun sa̱ꞌ noco̱o quiꞌyaj Jesús, ne̱ cataj nij soꞌ a: ―Síí nihánj roꞌ, ya̱ uxrá síí nataꞌ snana̱ Yaꞌanj, síí naꞌvi̱j níꞌ caꞌna̱ꞌ ya̱ rihaan chumii̱ nihánj me soꞌ chugua̱nj ―taj nij snóꞌo yoꞌ a.

San Juan 7:40

Cheꞌé dan taꞌa̱j nij yuvii̱ cuno nana̱ nihánj cataj a: ―Ya̱ ya̱ si̱j nataꞌ snana̱ Yaꞌanj síí cataꞌ tuꞌva Yaꞌanj ga̱a naá se vaa caꞌna̱ꞌ rihaan chumii̱ me síí nihánj na̱nj á ―taj taꞌa̱j nij yuvii̱ a.

San Juan 9:17

Cheꞌé dan cataj uún nij soꞌ rihaan síí naxraꞌ rihaan yoꞌ a: ―Da̱j uun rá ma̱ꞌán so̱ꞌ cheꞌé síí quiꞌyaj naxraꞌ rihaan so̱ꞌ ga̱ ―taj nij síí fariseo, xnáꞌanj nij soꞌ man síí naxraꞌ rihaan yoꞌ a. Ne̱ cataj soꞌ a: ―Si̱j nataꞌ snana̱ Yaꞌanj me soꞌ, rá yá ꞌu̱nj ado̱nj ―taj síí naxraꞌ rihaan yoꞌ cheꞌé Jesús a.

Hechos 7:37

Ne̱ maꞌa̱n Moisés yoꞌ me síí cataj rihaan nij síí israelitá a: “Vaa güii, ne̱ ꞌo̱ tuviꞌ soj roꞌ, gu̱un síí nata̱ꞌ snana̱ Yaꞌanj, quiꞌya̱j Yaꞌanj, ne̱ ase vaa ꞌyáá ꞌu̱nj roꞌ, da̱nj quiꞌya̱j soꞌ uún a”, taj Moisés rihaan nij yuvii̱ israelitá a.