San Mateo 20:8 - Triqui de San Juan Copala

⁸ ’Veé dan, ga̱a ne̱ nichrunꞌ cata̱ꞌ güii tuꞌva quij, ga̱a ne̱ caꞌneꞌ síí toꞌo̱j yoꞌ suun rihaan se‑mo̱zó soꞌ síí tumé saꞌanj se vaa na̱ruꞌvee soꞌ saꞌanj rihaan nij síí quiꞌyaj suun rihaan toꞌóó soꞌ yoꞌ a: “Canacu̱nj so̱ꞌ caꞌna̱ꞌ nij síí quiꞌyaj suun yoꞌ, ne̱ na̱ruꞌvee so̱ꞌ rihaan nij soꞌ á. Asino ya̱a̱n na̱ruꞌvee so̱ꞌ rihaan nij síí catúj suun agaꞌ ꞌu̱nꞌ, ga̱a ne̱ na̱ruꞌvee so̱ꞌ rihaan nij síí catúj suun rej naꞌya̱a̱n á”, taj soꞌ rihaan síí tumé saꞌanj yoꞌ a.

San Mateo 20:8 ပူးပေါင်းရင်းမြစ်များ

San Mateo 20:7

Ga̱a ne̱ cataj nij soꞌ a: “Ma̱an se taj síí rqué suun man núj quiꞌya̱j suun núj maꞌ”, taj nij soꞌ a. Ga̱a ne̱ cataj síí toꞌo̱j yoꞌ a: “Caꞌa̱nj soj quiꞌya̱j suun soj rihaan toꞌój á”, taj soꞌ rihaan nij soꞌ a.

San Mateo 20:9

’Dan me se asino ya̱a̱n caꞌnaꞌ nij síí catúj agaꞌ ꞌu̱nꞌ rihaan síí tumé saꞌanj, ne̱ ꞌo̱ saꞌanj denario quiriꞌ ꞌo̱ ꞌo̱ nij soꞌ a.

San Mateo 25:19

’Veé dan, ne̱ guun ra̱a̱n uxrá, ne̱ namán se‑ruꞌve̱e̱ vaꞌnu̱j nij mozó, ne̱ xnáꞌanj ruꞌvee man ꞌo̱ ꞌo̱ nij soꞌ da̱j quiꞌyaj nij soꞌ ga̱ saꞌanj caxríj ruꞌvee ston nij soꞌ a.

San Mateo 25:31

’Asa̱ꞌ caꞌnaꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj, ne̱ niꞌndaj ya̱ sa̱ꞌ veꞌé ga̱a̱ caꞌna̱ꞌ ꞌu̱nj, ne̱ caꞌna̱ꞌ cunuda̱nj nij se‑mo̱zó ꞌu̱nj nij síí gue̱e̱ a. Ne̱ asa̱ꞌ caꞌnáꞌ ꞌu̱nj, ne̱ quita̱j ꞌu̱nj rihaan xrúún ꞌu̱nj chruun xlá niꞌndaj ya̱ veꞌé vaa, ne̱ caꞌne̱ꞌ ꞌu̱nj cacunꞌ cheꞌé yuvii̱ ado̱nj.

San Lucas 10:7

Cara̱nꞌ soj veꞌ ya̱nj síí niꞌya̱nj nimán yoꞌ, ne̱ me maꞌa̱n se rque̱ síí ya̱nj yoꞌ, ne̱ cha̱ soj do̱ꞌ, coꞌo̱ soj do̱ꞌ a. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj a. Se̱ caꞌanj soj cara̱nꞌ soj ꞌó ꞌó veꞌ maꞌ.

San Lucas 12:42

Ga̱a ne̱ cataj Jesús Si̱j ꞌNi̱j Raꞌa man níꞌ a: ―Cheꞌé dan me sese cuneꞌ síí tucua̱ ꞌo̱ veꞌ man ꞌo̱ se‑mo̱zó soꞌ se vaa tu̱mé mozó yoꞌ man tuviꞌ mozó rque̱ soꞌ se chá rihaan nij soꞌ orá chá nij soꞌ, ne̱ da̱j quiꞌya̱j mozó yoꞌ, rá soj ga̱. Sese ya̱ ya̱ si̱j veꞌé ꞌyaj suun me soꞌ do̱ꞌ, sese ya̱ ya̱ si̱j avii raa̱ me soꞌ do̱ꞌ, ne̱ da̱j quiꞌya̱j soꞌ, rá soj ga̱.

San Lucas 8:3

Ne̱ ꞌó noꞌ roꞌ, me níí cuꞌna̱j Juaná, ne̱ nica̱ noꞌ roꞌ, me síí cuꞌna̱j Chuza síí nicu̱nꞌ rihaan síí nica̱j suun rey cuꞌna̱j Herodes a. Ne̱ ꞌó chana̱ caꞌanj ga̱ Jesús roꞌ, me níí cuꞌna̱j Susana a. Ne̱ vaa queꞌe̱e̱ doj nij chana̱ caꞌanj ga̱ nij soꞌ a. Nu̱ꞌ nij chana̱ nihánj roꞌ, me níí racuíj man nij tuvi̱ꞌ Jesús se vaa rqué nij noꞌ rasu̱u̱n siꞌyaj nij noꞌ se vaa cachiin man nij tuvi̱ꞌ Jesús a.

2 Corintios 5:10

Neꞌen núj se vaa vaa güii no̱ xcúún ta̱ranꞌ níꞌ canicu̱nꞌ ta̱ranꞌ níꞌ rihaan Cristó, ne̱ naquiꞌya̱j cu̱u soꞌ cheꞌé níꞌ a. Ga̱a ne̱ na̱ruꞌvee Cristó rihaan níꞌ cheꞌé se vaa quiꞌyaj níꞌ ga̱a vaa iꞌna̱ꞌ níꞌ rihaan chumii̱ nihánj, ne̱ sese sa̱ꞌ quiꞌyaj níꞌ, ne̱ se sa̱ꞌ na̱ruꞌvee Cristó rihaan níꞌ, ne̱ sese nij quiꞌyaj níꞌ, ne̱ se nij ni̱caj níꞌ na̱nj ado̱nj.

Tito 1:7

Cheꞌé se suun nica̱j síí tumé sa̱ꞌ man nij síí noco̱ꞌ man Cristó me se‑su̱u̱n Yaꞌanj roꞌ, vaa cheꞌé nari̱i̱ so̱ꞌ man síí nuviꞌ cacunꞌ tumé do̱ꞌ, síí ne xta̱ꞌ nimán do̱ꞌ, síí ne yaꞌa̱an rá do̱ꞌ, síí ne niha̱ꞌ rá coꞌo̱ na vinó do̱ꞌ, síí ne yuva̱a̱ do̱ꞌ, síí ne niha̱ꞌ rá tiha̱ꞌ tuviꞌ quiri̱ꞌ saꞌanj do̱ꞌ a.

Hebreos 9:28

Ne̱ dan me se cheꞌé se o̱rúnꞌ yu̱u̱n caviꞌ Cristó, ne̱ tinavij soꞌ cacunꞌ tumé queꞌe̱e̱ uxrá yuvii̱ roꞌ, vaa güii caꞌna̱ꞌ uún soꞌ rihaan chumii̱ nihánj ado̱nj. Tza̱j ne̱ né cheꞌe̱ rej cavi̱ꞌ uún soꞌ cheꞌé cacunꞌ tumé yuvii̱ me caꞌna̱ꞌ soꞌ maꞌ. ꞌO̱ se caꞌna̱ꞌ soꞌ, ne̱ níꞌ si̱j naꞌvi̱j ndoꞌo man soꞌ roꞌ, nani̱i̱ níꞌ ne̱ cavi̱i̱ sa̱ꞌ níꞌ rihaan Yaꞌanj, quiꞌya̱j soꞌ ado̱nj.

1 Pedro 4:10

Dan me se quiꞌyaj Yaꞌanj se lu̱j ga̱ ꞌo̱ ꞌo̱ níꞌ, rqué Yaꞌanj suun rihaan ꞌo̱ ꞌo̱ níꞌ quiꞌya̱j níꞌ cheꞌé tinúú níꞌ, ne̱ ino̱ doj vaa suun ꞌyaj ꞌo̱ ꞌo̱ níꞌ cheꞌé tinúú níꞌ, ne̱ cheꞌé dan no̱ xcúún soj ra̱cuíj soj man tinúú soj, nda̱a vaa uun nucua̱j soj chugua̱nj.