San Mateo 20:4 - Triqui de San Juan Copala

⁴ Ga̱a ne̱ cataj soꞌ rihaan nij soꞌ a: “Caꞌa̱nj soj quiꞌya̱j suun soj rihaan toꞌój, ne̱ na̱ruꞌvee ꞌu̱nj rihaan soj cheꞌé nu̱ꞌ suun quiꞌya̱j suun soj ado̱nj”, taj soꞌ rihaan nij mozó a. Dan me se caꞌanj nij snóꞌo yoꞌ quiꞌyaj suun nij soꞌ uún toꞌóó síí toꞌo̱j yoꞌ a.

San Mateo 20:4 ပူးပေါင်းရင်းမြစ်များ

San Mateo 20:3

’Ga̱a ne̱ agaꞌ u̱u̱n curiha̱nj uún síí toꞌo̱j yoꞌ, caꞌanj soꞌ rihaan yuꞌvee, ga̱a ne̱ queneꞌen soꞌ doj snóꞌo nicu̱nꞌ maꞌa̱n u̱u̱n rihaan yuꞌvee, ne̱ taj va̱j suun rihaan nij soꞌ a.

San Mateo 20:5

’Ga̱a ne̱ caxu̱j do̱ꞌ, agaꞌ vaꞌnu̱j do̱ꞌ, curiha̱nj uún síí toꞌo̱j yoꞌ, ne̱ nariꞌ soꞌ doj síí quiꞌya̱j suun rihaan toꞌóó soꞌ, ne̱ caꞌnéé soꞌ man nij soꞌ quiꞌya̱j suun nij soꞌ rihaan toꞌóó soꞌ uún a.

San Mateo 9:9

Ga̱a ne̱ cavii Jesús rej yoꞌ, ne̱ queneꞌen soꞌ man ꞌo̱ síí ya̱nj rihaan mesá rej aꞌnéj nii impuestó man yuvii̱ a. Mateo cuꞌna̱j soꞌ a. Dan me se cataj Jesús rihaan soꞌ a: ―Ca̱nocóꞌ so̱ꞌ manj, caꞌa̱nj níꞌ á ―taj Jesús rihaan soꞌ a. Ga̱a ne̱ naxuma̱a̱n soꞌ, ne̱ canocoꞌ soꞌ man Jesús, caꞌanj soꞌ a.

1 Corintios 6:11

Dan me se da̱nj ina̱nj quiꞌyaj taꞌa̱j soj ga̱a rque̱, tza̱j ne̱ ya̱j me se xꞌnéj cacunꞌ ta̱j xráá soj, ne̱ cunuu sa̱ꞌ nimán soj, ne̱ cunuu nica̱ nimán soj rihaan Yaꞌanj, cheꞌé se‑chuvi̱i Jesús Si̱j ꞌNi̱j Raꞌa man níꞌ do̱ꞌ, cheꞌé Nimán Yaꞌanj si̱j noco̱ꞌ níꞌ man do̱ꞌ, cuano̱ ado̱nj.

Colosenses 4:1

Dan me se veꞌé quiꞌya̱j soj si̱j ruꞌvee rihaan se‑mo̱zó soj á. Se̱ tihaꞌ yuꞌunj soj si̱j ruꞌvee man se‑mo̱zó soj maꞌ. Xca̱j soj si̱j ruꞌvee cuentá se vaa ase vaa mozó rihaan soj roꞌ, da̱nj vaa maꞌa̱n soj rihaan Yaꞌanj uún ado̱nj.

Tito 3:8

Ya̱ uxrá vaa nu̱ꞌ nana̱ nihánj ado̱nj. Ne̱ me rá ꞌu̱nj sca̱ꞌ caꞌmi̱i̱ so̱ꞌ nu̱ꞌ nana̱ nihánj rihaan nij yuvii̱ amán rá niꞌya̱j man Yaꞌanj, cheꞌé rej xca̱j nij soꞌ cuentá se vaa no̱ xcúún nij soꞌ quiꞌya̱j nij soꞌ suun sa̱ꞌ ina̱nj á. Sese da̱nj quiꞌya̱j nij soꞌ, ne̱ si̱j vaa sa̱ꞌ me nij soꞌ, ne̱ cavi̱i̱ sa̱ꞌ doj yuvii̱, quiꞌya̱j nij soꞌ ado̱nj.

1 Pedro 1:13

Cheꞌé dan ꞌo̱ caꞌne̱j nimán soj quiꞌya̱j soj nda̱a vaa me rá Yaꞌanj na̱nj á. Ga̱a̱ chij rá soj ga̱ tuviꞌ soj, ne̱ ꞌo̱ ga̱a̱ nucua̱j rá soj man Yaꞌanj se vaa quiꞌya̱j ndoꞌo soꞌ se lu̱j cheꞌé soj asa̱ꞌ curuviꞌ uún Jesucristó á.