San Mateo 20:23 - Triqui de San Juan Copala

²³ Ga̱a ne̱ cataj Jesús a: ―Ya̱ ya̱ quira̱nꞌ ro̱j so̱j sayuun ga̱j na̱nj ado̱nj. Tza̱j ne̱ né ꞌu̱nj me síí nari̱i̱ me síí ca̱yáán xꞌnúú ꞌu̱nj rej nuva̱ꞌ ꞌu̱nj do̱ꞌ, rej ni̱chruún ꞌu̱nj do̱ꞌ maꞌ. O̱rúnꞌ Réj síí nicu̱nꞌ xta̱ꞌ cata̱j xnaꞌanj me síí quiri̱i̱ taꞌngaꞌ ga̱j na̱nj ado̱nj ―taj Jesús a.

San Mateo 20:23 ပူးပေါင်းရင်းမြစ်များ

San Mateo 13:11

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaa̱n Yaꞌanj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Dan me se nana̱ ne neꞌen cunuda̱nj yuvii̱ me nana̱ tihaa̱n Yaꞌanj rihaan soj ado̱nj.

San Mateo 20:24

Ga̱a cuno ꞌó chi̱ꞌ nij síí tucuꞌyón snana̱ Jesús se vaa caꞌmii ro̱j tinu̱j ro̱j soꞌ rihaan Jesús, ne̱ caꞌmaan rá nij soꞌ niꞌya̱j nij soꞌ man ro̱j soꞌ a.

San Mateo 25:34

’Ne̱ guún ꞌu̱nj síí nica̱j suun rey, quiri̱i̱ taꞌngáꞌ ꞌu̱nj rihaan nij soꞌ, ne̱ dan me se caꞌmi̱i̱ ꞌu̱nj rihaan nij síí nicu̱nꞌ rej nuva̱ꞌ ꞌu̱nj, cata̱j ꞌu̱nj a: “Caꞌna̱ꞌ soj si̱j ꞌyaj Réé ꞌu̱nj se lu̱j rihaan á. Ni̱caj soj rej sa̱ꞌ ndoꞌo ca̱yáán soj rej quiꞌyaj chuvi̱i Réé ꞌu̱nj asi̱j güii quiꞌyaj soꞌ chumii̱ á.

San Marcos 10:40

Tza̱j ne̱ ne nó xcúnj cata̱j xnaꞌanj ꞌu̱nj me síí ca̱yáán xꞌnúú ꞌu̱nj rej nuva̱ꞌ ꞌu̱nj do̱ꞌ, rej ni̱chrunj do̱ꞌ maꞌ. O̱rúnꞌ Yaꞌanj me síí cata̱j xnaꞌanj me síí quiri̱i̱ taꞌngaꞌ ga̱j vaa güii na̱nj ado̱nj ―taj Jesús a.

Hechos 12:2

Ne̱ raa̱ neê espadá ticaviꞌ tanuu man síí cuꞌna̱j Jacobo tinúú síí cuꞌna̱j Juan, quiꞌyaj Herodes a.

Romanos 8:17

Cheꞌé dan vaa güii rque̱ ndoꞌo Yaꞌanj se sa̱ꞌ rihaan níꞌ ga̱ Cristó, ne̱ ꞌo̱ cuya̱a̱n ga̱a̱ se sa̱ꞌ rihaan Cristó ga̱ níꞌ a. Veé dan me cheꞌé se ranꞌ níꞌ sayuun nda̱a vaa quiranꞌ Cristó roꞌ, cheꞌé dan cavi̱i̱ sa̱ꞌ níꞌ ga̱ soꞌ, ne̱ niꞌndaj ya̱ veꞌé ga̱a̱ níꞌ ga̱ soꞌ vaa güii ado̱nj.

1 Corintios 2:9

Tza̱j ne̱ Danj Yaꞌanj taj a: A̱ ꞌó yuvii̱ ne queneꞌe̱n do̱ꞌ, a̱ ꞌó yuvii̱ ne cuno̱ do̱ꞌ, a̱ ꞌó yuvii̱ ne cavi̱i̱ nimán do̱ꞌ, se vaa quiꞌyaj Yaꞌanj cheꞌé níꞌ si̱j aráj cochro̱j rihaan Yaꞌanj a. Da̱nj taj Danj Yaꞌanj á.

2 Corintios 1:7

Dan me se ꞌo̱ nucua̱j ya̱ rá núj niꞌya̱j núj man soj cheꞌé se vaa ranꞌ soj na̱nj á. ꞌO̱ se nda̱ꞌ rá se vaa ꞌnaꞌ sayuun xráá soj roꞌ, veé da̱nj vaa aꞌnéé Yaꞌanj se nucua̱j nimán soj uún chugua̱nj. Ase vaa ranꞌ núj sayuun roꞌ, da̱nj vaa ranꞌ gue̱e̱ soj sayuun, ne̱ ase vaa nariꞌ nucuaj rá núj ꞌyaj Yaꞌanj roꞌ, da̱nj vaa nariꞌ nucuaj rá soj ꞌyaj uún Yaꞌanj a.

Colosenses 1:24

A̱j quiránꞌ ꞌu̱nj sayuun cheꞌé nij soj, ne̱ nihánj me guun niha̱ꞌ raj cheꞌé sayuun ránꞌ ꞌu̱nj á. Dan me se ase vaa sayuun quiranꞌ Cristó cheꞌé nij síí noco̱ꞌ man soꞌ roꞌ, da̱nj vaa sayuun ranꞌ ma̱ꞌán ꞌu̱nj cheꞌé xꞌneꞌ yuvii̱ noco̱ꞌ man soꞌ a.

Hebreos 11:16

ꞌO̱ se guun ndoꞌo rá nij soꞌ ca̱yáán nij soꞌ chumanꞌ sa̱ꞌ doj chumanꞌ na̱j rej xta̱ꞌ na̱nj á. Ne̱ cheꞌé dan ne naꞌa̱j Yaꞌanj ga̱a taj nij yuvii̱ yoꞌ se vaa Taꞌanj nij soꞌ me Yaꞌanj, cheꞌé se a̱j quiꞌyaj Yaꞌanj ꞌo̱ chumanꞌ noco̱o ca̱yáán nij soꞌ maꞌ.

Apocalipsis 1:9

ꞌU̱nj si̱j cuꞌna̱j Juan roꞌ, tinúú soj mé ꞌu̱nj, ne̱ cheꞌé se nuu rcuꞌa̱a̱n níꞌ ga̱ Jesús roꞌ, síí ranꞌ sayuun ga̱ soj mé ꞌu̱nj, ne̱ síí uun chij Yaꞌanj rihaan mej ga̱ soj, ne̱ síí nucua̱j nimán rihaan sayuun mej ga̱ soj ado̱nj. Dan me se yáán ꞌu̱nj yoꞌóó ta̱j rihaan na yaꞌa̱nj yoꞌóó cuꞌna̱j Patmos, ne̱ yoꞌ me rej caꞌnéé nii manj cheꞌé se si̱j nataꞌ snana̱ Yaꞌanj mej ne̱ si̱j taj xnaꞌanj nana̱ cheꞌé Jesús mej a.