San Mateo 20:20 - Triqui de San Juan Copala

²⁰ Ga̱a ne̱ cuchiꞌ nii ro̱j síí cuꞌna̱j Jacobo ga̱ Juan rihaan Jesús, ne̱ taꞌníí síí cuꞌna̱j Zebedeo me uún ro̱j soꞌ a. Dan me se cuchiꞌ nij taꞌni̱j noꞌ rihaan Jesús, ga̱a ne̱ canicunꞌ ru̱j noꞌ rihaan Jesús, ne̱ cataj noꞌ se vaa vaa se cachi̱nj niꞌya̱j noꞌ rihaan soꞌ, rá noꞌ a.

San Mateo 20:20 ပူးပေါင်းရင်းမြစ်များ

San Mateo 10:2

Ne̱ nihánj me se‑chuvi̱i chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ a. ꞌO̱ soꞌ me síí cuꞌna̱j Simón síí tucuꞌnáj nii Pedró a. Ne̱ ꞌó soꞌ me tinúú Simón, síí cuꞌna̱j Andrés a. Ne̱ ꞌó soꞌ me síí cuꞌna̱j Jacobo, ne̱ taꞌníí síí cuꞌna̱j Zebedeo me soꞌ a. Ne̱ ꞌó soꞌ me tinúú Jacobo, síí cuꞌna̱j Juan a.

San Mateo 14:33

Ga̱a ne̱ caráj gue̱e̱ nij síí ma̱n rque rihoo rihaan Jesús, ne̱ cataj nij soꞌ a: ―Ya̱ ya̱ Taꞌni̱j Yaꞌanj mé so̱ꞌ ado̱nj ―taj nij soꞌ a.

San Mateo 15:25

Ga̱a ne̱ cuchiꞌ chana̱ yoꞌ rihaan Jesús, ne̱ caꞌanj ca̱yáán ru̱j noꞌ rihaan Jesús, ne̱ cataj noꞌ a: ―Señor, ra̱cuíj so̱ꞌ manj rugua̱nj ―taj noꞌ a.

San Mateo 2:11

Ga̱a ne̱ catúj nij soꞌ rá veꞌ rej canicunꞌ yatiꞌ xta̱ꞌ, ga̱a ne̱ queneꞌen nij soꞌ man neꞌej ga̱ nii neꞌej chana̱ cuꞌna̱j Mariá, ga̱a ne̱ quinij ru̱j nda̱a cayáán cuyu̱u̱ nij soꞌ, ne̱ caráj gue̱e̱ nij soꞌ rihaan neꞌej yoꞌ a. Veé dan, ga̱a ne̱ caꞌnúj nij soꞌ se‑chru̱nj nij soꞌ, ga̱a ne̱ rqué ndoꞌo nij soꞌ rasu̱u̱n sa̱ꞌ tuꞌve̱e̱ ndoꞌo rihaan neꞌej yoꞌ a. Dan me se agaꞌ oró míí do̱ꞌ, squíí cuꞌna̱j “incienso” do̱ꞌ, squíí cuꞌna̱j “mirra” do̱ꞌ, rqué u̱u̱n nij soꞌ rihaan neꞌej yoꞌ a.

San Mateo 27:56

ꞌO̱ noꞌ me chana̱ cuꞌna̱j Mariá Magdalena, ne̱ ꞌó noꞌ me chana̱ cuꞌna̱j Mariá nii ro̱j síí cuꞌna̱j Jacobo ga̱ José a. Ne̱ ꞌó noꞌ me nii ro̱j taꞌníí síí cuꞌna̱j Zebedeo a.

San Mateo 28:17

Ga̱a ne̱ queneꞌen nij soꞌ man Jesús, ne̱ caráj gue̱e̱ nij soꞌ rihaan soꞌ, tza̱j ne̱ ne gu̱un ya̱ rá taꞌa̱j nij soꞌ se vaa ya̱ ya̱ Jesús me soꞌ a̱ maꞌ.

San Mateo 4:21

Veé dan, ne̱ cachéé nij soꞌ doj, ne̱ queneꞌen Jesús man yavíj ro̱j tinu̱j ro̱j soꞌ a. ꞌO̱ soꞌ me síí cuꞌna̱j Jacobo, ne̱ tinúú soꞌ me síí cuꞌna̱j Juan, ne̱ taꞌníí síí cuꞌna̱j Zebedeo me ro̱j tinu̱j ro̱j soꞌ a. Dan me se nu̱u̱ ro̱j soꞌ rque rihoo chéé rihaan na ga̱ rej ro̱j soꞌ síí cuꞌna̱j Zebedeo, ne̱ naquiꞌyaj sa̱ꞌ nij soꞌ nanj rii xcuaj, ne̱ canacúún Jesús man ro̱j tinu̱j ro̱j soꞌ canoco̱ꞌ ro̱j soꞌ man Jesús a.

San Mateo 8:2

Dan me se cuchiꞌ ꞌo̱ síí ranꞌ luj riꞌyuj rihaan Jesús, ne̱ cayáán ru̱j soꞌ rihaan Jesús, ne̱ cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Marcos 15:40

Ne̱ ga̱nꞌ doj nicunꞌ queꞌe̱e̱ chana̱, niꞌya̱j nij chana̱ man Jesús a. ꞌO̱ noꞌ me Mariá Magdalena, ne̱ ꞌó noꞌ me Mariá nii síí cuꞌna̱j Jacobo síí cuni̱j ga̱ José a. Ne̱ ꞌó noꞌ me chana̱ cuꞌna̱j Salomé a.