San Mateo 18:4 - Triqui de San Juan Copala

⁴ Dan me se sese naquiꞌya̱j nica̱ꞌ ꞌo̱ soꞌ nimán soꞌ ase vaa nimán xnii leꞌe̱j nihánj, ne̱ gu̱un soꞌ síí noco̱o doj rej uun chij Yaꞌanj na̱nj ado̱nj.

San Mateo 18:4 ပူးပေါင်းရင်းမြစ်များ

San Mateo 18:1

Veé ma̱an orá dan cuchiꞌ nij síí tucuꞌyón snana̱ Jesús rihaan soꞌ, ne̱ xnáꞌanj nij soꞌ man soꞌ a: ―Me síí gu̱un síí noco̱o doj rej uun chij Yaꞌanj ga̱ ―taj nij soꞌ a.

San Mateo 18:3

ne̱ cataj soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa no̱ xcúún soj nuchra̱nꞌ nimán soj, ne̱ ase vaa xnii leꞌe̱j nihánj roꞌ, da̱nj ga̱a̱ soj á. Sese naꞌvej rá soj quiꞌya̱j soj da̱nj, ne̱ daj chiha̱a̱ míj se̱ catúj soj rej uun chij Yaꞌanj a̱ maꞌ.

San Mateo 18:5

Ne̱ me maꞌa̱n ꞌo̱ síí aráj cochro̱j ne̱ aꞌmii sa̱ꞌ ga̱ ꞌo̱ xnii leꞌe̱j nihánj cheꞌé se‑chu̱vií ꞌu̱nj, ne̱ adi̱ꞌ ma̱ꞌanj me aráj cochro̱j ne̱ aꞌmii sa̱ꞌ soꞌ ga̱ vaa na̱nj ado̱nj.

San Marcos 10:43

Tza̱j ne̱ se̱ gaa da̱nj scaꞌnúj soj quiꞌya̱j soj maꞌ. ꞌO̱ se sese me rá ꞌo̱ soj gu̱un chij soꞌ rihaan soj, ne̱ gu̱un soꞌ da̱j se vaa síí nu̱u̱ rihaan tuviꞌ,

San Marcos 9:34

Ga̱a ne̱ cunuu dínj tuꞌva nij soꞌ a. ꞌO̱ se ga̱a va̱j nij soꞌ chrej, ne̱ caꞌmii canó tuviꞌ nij soꞌ ga̱ maꞌa̱n tuviꞌ nij soꞌ me síí gu̱un chij doj vaa güii a.

San Lucas 14:11

ꞌO̱ se xa̱ꞌ síí me rá ti̱cavii sa̱ꞌ man maꞌa̱n ni̱ꞌyaj yuvii̱, tza̱j ne̱ quiri̱ꞌ soꞌ, ne̱ gu̱un naꞌa̱j soꞌ ado̱nj. Ne̱ xa̱ꞌ síí ꞌyaj nica̱ꞌ nimán, tza̱j ne̱ cavi̱i̱ sa̱ꞌ soꞌ ni̱ꞌyaj yuvii̱ ado̱nj ―taj Jesús rihaan nij síí fariseo do̱ꞌ, rihaan nij síí naquiꞌyaj cu̱u stucua̱nj Moisés do̱ꞌ a.

San Lucas 9:48

ga̱a ne̱ cataj Jesús rihaan nij soꞌ a: ―Me maꞌa̱n ꞌo̱ síí aráj cochro̱j ne̱ aꞌmii sa̱ꞌ soꞌ ga̱ ꞌo̱ xnii leꞌe̱j nihánj cheꞌé se‑chu̱vií ꞌu̱nj, ne̱ adi̱ꞌ ma̱ꞌanj me aráj cochro̱j ne̱ aꞌmii sa̱ꞌ soꞌ ga̱ vaa na̱nj ado̱nj. Dan me se síí aꞌmii sa̱ꞌ ga̱ ꞌu̱nj me se né o̱rúnꞌ ꞌu̱nj me aꞌmii sa̱ꞌ soꞌ ga̱ maꞌ. Ma̱an Yaꞌanj ya̱ síí caꞌnéé mán ꞌu̱nj me aráj cochro̱j ya̱ soꞌ ne̱ aꞌmii sa̱ꞌ ya̱ soꞌ ga̱ vaa na̱nj ado̱nj. ꞌO̱ se síí nica̱ꞌ doj rihaan ta̱ranꞌ soj roꞌ, me síí vaa se uun doj rihaan ta̱ranꞌ soj a ―taj Jesús rihaan nij síí tucuꞌyón snana̱ soꞌ a.

Santiago 4:10

Naquiꞌya̱j nica̱ꞌ soj nimán soj rihaan Síí ꞌNi̱j Raꞌa man níꞌ, ga̱a ne̱ cavi̱i̱ sa̱ꞌ soj, quiꞌya̱j soꞌ chugua̱nj.

1 Pedro 5:5

Da̱nj na̱nj soj si̱j tachru̱u̱, ne̱ cuno̱ soj rihaan nij síí chij, ne̱ ta̱ranꞌ soj me se naquiꞌya̱j nica̱ꞌ soj nimán soj rihaan tuviꞌ soj á. ꞌO̱ se nana̱ nihánj nó rihaan Danj Yaꞌanj, taj yoꞌ a: Aráán Yaꞌanj chrej rihaan nij síí xta̱ꞌ nimán se̱ cavii sa̱ꞌ nij soꞌ, tza̱j ne̱ ꞌyaj Yaꞌanj se lu̱j ga̱ nij síí nica̱ꞌ nimán a, taj nana̱ yoꞌ a.