San Mateo 18:26 - Triqui de San Juan Copala

²⁶ Ga̱a ne̱ canicunꞌ ru̱j mozó yoꞌ rihaan síí nica̱j suun rey yoꞌ, ne̱ cachíín niꞌya̱j uxrá soꞌ, cataj soꞌ a: “Cara̱a̱ xꞌnaa uxrá so̱ꞌ do̱j, ne̱ vaa güii narque̱j cunuda̱nj saꞌanj mán so̱ꞌ, señor”, taj se‑mo̱zó soꞌ rihaan soꞌ a.

San Mateo 18:26 ပူးပေါင်းရင်းမြစ်များ

San Mateo 18:29

Ga̱a ne̱ cayáán ru̱j ꞌó mozó yoꞌ rihaan tuviꞌ soꞌ síí nachinꞌ xcúún yoꞌ, ga̱a ne̱ cataj soꞌ a: “Cara̱a̱ xꞌnaa so̱ꞌ, ne̱ vaa güii, ne̱ narque̱j saꞌanj mán so̱ꞌ chugua̱nj”, taj mozó yoꞌ rihaan tuviꞌ soꞌ a.

San Mateo 2:11

Ga̱a ne̱ catúj nij soꞌ rá veꞌ rej canicunꞌ yatiꞌ xta̱ꞌ, ga̱a ne̱ queneꞌen nij soꞌ man neꞌej ga̱ nii neꞌej chana̱ cuꞌna̱j Mariá, ga̱a ne̱ quinij ru̱j nda̱a cayáán cuyu̱u̱ nij soꞌ, ne̱ caráj gue̱e̱ nij soꞌ rihaan neꞌej yoꞌ a. Veé dan, ga̱a ne̱ caꞌnúj nij soꞌ se‑chru̱nj nij soꞌ, ga̱a ne̱ rqué ndoꞌo nij soꞌ rasu̱u̱n sa̱ꞌ tuꞌve̱e̱ ndoꞌo rihaan neꞌej yoꞌ a. Dan me se agaꞌ oró míí do̱ꞌ, squíí cuꞌna̱j “incienso” do̱ꞌ, squíí cuꞌna̱j “mirra” do̱ꞌ, rqué u̱u̱n nij soꞌ rihaan neꞌej yoꞌ a.

San Mateo 8:2

Dan me se cuchiꞌ ꞌo̱ síí ranꞌ luj riꞌyuj rihaan Jesús, ne̱ cayáán ru̱j soꞌ rihaan Jesús, ne̱ cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Lucas 7:43

―Cara̱nꞌ doj rá síí navij noco̱o doj xcúún xráá ni̱ꞌyaj soꞌ man ruꞌvee, cheꞌé se noco̱o doj se lu̱j quiꞌyaj ruꞌvee cheꞌé soꞌ, raj a ―taj Simón a. ―Veé da̱nj vaa ya̱ á ―taj Jesús rihaan soꞌ a.

Romanos 10:3

Ne xca̱j nij soꞌ cuentá cheꞌé se vaa a̱j quiꞌyaj Yaꞌanj cheꞌé nij soꞌ, ne̱ ne xca̱j nij soꞌ cuentá se vaa caꞌve̱e cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj maꞌ. Ma̱an se nanoꞌ maꞌa̱n nij soꞌ chrej cunu̱u sa̱ꞌ maꞌa̱n nij soꞌ rihaan Yaꞌanj, ne̱ cheꞌé dan ataa quiꞌya̱j nij soꞌ nda̱a vaa me rá Yaꞌanj quiꞌya̱j nij soꞌ, ne̱ cheꞌé dan ataa cunu̱u sa̱ꞌ nij soꞌ ado̱nj.