San Mateo 18:24 - Triqui de San Juan Copala

²⁴ Dan me se guun cheꞌe̱ soꞌ caꞌne̱e̱ soꞌ saꞌanj vaa xcúún, ne̱ asino ya̱a̱n nica̱j nii man ꞌo̱ síí ꞌyaj xcúún niꞌndaj ya̱ míj millón pesó caꞌnaꞌ nii rihaan síí nica̱j suun rey yoꞌ a.

San Mateo 18:24 ပူးပေါင်းရင်းမြစ်များ

San Mateo 18:23

’Dan me se ase vaa quiꞌyaj ꞌo̱ síí nica̱j suun rey roꞌ, da̱nj quiꞌya̱j Yaꞌanj rej uun chij Yaꞌanj ado̱nj. Dan me se síí nica̱j suun rey yoꞌ me se ꞌo̱ güii, ne̱ guun rá soꞌ nachi̱nꞌ soꞌ saꞌanj man nij se‑mo̱zó soꞌ a.

San Mateo 18:25

Ne̱ taj yan va̱j saꞌanj nica̱j síí ꞌyaj xcúún yoꞌ narque̱ soꞌ rihaan rey a̱ maꞌ. Cheꞌé dan cataj xnaꞌanj síí nica̱j suun rey yoꞌ se vaa cane̱ꞌ mozó cane̱ꞌ nica̱ mozó cane̱ꞌ taꞌníí mozó cane̱ꞌ nu̱ꞌ siꞌyaj mozó cane̱ꞌ, ga̱a ne̱ nari̱ꞌ rey se‑saꞌa̱nj rey, taj rey a.

San Mateo 25:15

Dan me se ston ꞌo̱ soꞌ caxríj soꞌ ꞌu̱nꞌ nanj saꞌanj aga̱ꞌ tuꞌve̱e̱ uxrá a. Ston ꞌó soꞌ caxríj soꞌ vi̱j nanj saꞌanj a. Ne̱ ston ꞌó soꞌ caxríj soꞌ ꞌo̱ nanj saꞌanj a. Da̱nj quiꞌyaj soꞌ, caxríj soꞌ saꞌanj ston ꞌo̱ ꞌo̱ nij se‑mo̱zó soꞌ, ne̱ ston ꞌo̱ ꞌo̱ mozó yoꞌ caxríj soꞌ nda̱a vaa gu̱un nucua̱j mozó tinaca̱ mozó yoꞌ a. Ne̱ cavii soꞌ, caꞌanj soꞌ a.

San Mateo 25:16

’Síj caꞌanj soꞌ, ne̱ cavii síí nica̱j ꞌu̱nꞌ nanj saꞌanj caꞌanj soꞌ, ne̱ quiꞌyaj suun soꞌ, ne̱ quiꞌyaj canaán soꞌ yuꞌunꞌ nanj saꞌanj raa̱ nanj saꞌanj quiriꞌ soꞌ a.

San Mateo 25:20

Ne̱ cuchiꞌ síí quiriꞌ ꞌu̱nꞌ nanj saꞌanj rihaan ruꞌvee, ne̱ rqué soꞌ chi̱ꞌ nanj saꞌanj man se‑ruꞌve̱e̱ soꞌ, cataj soꞌ a: “ꞌU̱nꞌ nanj saꞌanj rqué so̱ꞌ manj, señor. Ne̱ ya̱j roꞌ, nuu yoꞌ chi̱ꞌ nanj saꞌanj, quiꞌyáj na̱nj á”, taj soꞌ a.

San Mateo 25:22

’Ga̱a ne̱ cuchiꞌ síí quiriꞌ vi̱j nanj saꞌanj uún, ne̱ cataj soꞌ a: “Rqué so̱ꞌ vi̱j nanj saꞌanj rihanj, señor. Ne̱ ya̱j, ne̱ nuu yoꞌ caꞌa̱nj nanj saꞌanj, quiꞌyáj na̱nj á”, taj soꞌ a.

San Mateo 25:24

’Veé dan, ne̱ cuchiꞌ síí quiriꞌ ꞌo̱ nanj saꞌanj uún rihaan se‑ruꞌve̱e̱ soꞌ, ne̱ cataj soꞌ a: “Neꞌén ꞌu̱nj se vaa si̱j sca̱ꞌ ndoꞌo nimán mé so̱ꞌ, señor. Neꞌén ꞌu̱nj se vaa ꞌó yuvii̱ unô ꞌnúú, ne̱ ma̱ꞌán so̱ꞌ me síí rii u̱u̱n naa̱ na̱nj ado̱nj. Ne̱ ꞌó yuvii̱ tixꞌnuu̱ ꞌnúú trigó, ne̱ ma̱ꞌán so̱ꞌ naranꞌ u̱u̱n man ꞌnúú trigó yoꞌ na̱nj ado̱nj.

San Lucas 13:4

’Ne̱ xa̱ꞌ xnu̱ꞌ vaꞌnu̱j (18) nij síí caviꞌ ga̱a canee veꞌ nataꞌ xca̱a̱n ya̱nj rej cuꞌna̱j Siloé xráá nij soꞌ, ga̱a ne̱ si̱j tumé doj cacunꞌ rihaan cunuda̱nj nij síí ma̱n chumanꞌ Jerusalén me nij soꞌ, rá soj ga̱a naꞌ.

San Lucas 16:5

’Ga̱a ne̱ canacúún soꞌ man nij síí quiꞌyaj xcúún rihaan se‑ruꞌve̱e̱ soꞌ, ne̱ caꞌnaꞌ ꞌo̱ ꞌo̱ nij soꞌ rihaan soꞌ a. Ga̱a ne̱ rihaan síí ta̱j ya̱a̱n rihaan ꞌó nij soꞌ cataj soꞌ a: “Me daj quiꞌyaj xcúún so̱ꞌ rihaan se‑ruꞌve̱e̱ ꞌu̱nj ga̱”, taj soꞌ, xnáꞌanj soꞌ man síí ta̱j ya̱a̱n yoꞌ a.

San Lucas 16:7

Ga̱a ne̱ xnáꞌanj soꞌ man ꞌó soꞌ, cataj soꞌ a: “Ne̱ so̱ꞌ ga̱. Me daj quiꞌyaj xcúún so̱ꞌ rihaan se‑ruꞌve̱e̱ ꞌu̱nj ga̱”, taj soꞌ, xnáꞌanj soꞌ man ꞌó soꞌ a. “ꞌO̱ cientó nanj ꞌnúú trigó a”, taj ꞌó soꞌ a. “Ni̱caj so̱ꞌ dáán so̱ꞌ yanj cuentá nihánj, ti̱ríꞌ so̱ꞌ man yoꞌ, ne̱ qui̱ꞌyáá so̱ꞌ ꞌó yanj naca̱, ne̱ caꞌa̱nj chiha̱a̱ (80) gue̱e̱ nanj cachro̱n so̱ꞌ rihaan yanj naca̱ yoꞌ á”, taj mozó yoꞌ rihaan ꞌó soꞌ a.