San Mateo 18:22 - Triqui de San Juan Copala

²² Ga̱a ne̱ cataj Jesús rihaan soꞌ a: ―Ne neꞌen uxrá so̱ꞌ maꞌ. ꞌO̱ se na̱j guun cacunꞌ quiꞌyaj tinúú so̱ꞌ, ne̱ daj chiha̱a̱ míj se̱ caꞌneꞌ rá so̱ꞌ ga̱ suun aráj xꞌnaa rihaan tinúú so̱ꞌ maꞌ.

San Mateo 18:22 ပူးပေါင်းရင်းမြစ်များ

San Mateo 18:23

’Dan me se ase vaa quiꞌyaj ꞌo̱ síí nica̱j suun rey roꞌ, da̱nj quiꞌya̱j Yaꞌanj rej uun chij Yaꞌanj ado̱nj. Dan me se síí nica̱j suun rey yoꞌ me se ꞌo̱ güii, ne̱ guun rá soꞌ nachi̱nꞌ soꞌ saꞌanj man nij se‑mo̱zó soꞌ a.

San Marcos 11:25

Ne̱ ga̱a nicunꞌ soj achíín niꞌya̱j soj rihaan Yaꞌanj, ne̱ sese vaa cacunꞌ quiꞌyaj ꞌo̱ soꞌ rihaan soj, ne̱ cara̱a̱ xꞌnaa soj cheꞌé cacunꞌ tumé tuviꞌ soj, ga̱a ne̱ caꞌve̱e tinavi̱j Rej soj síí nicu̱nꞌ xta̱ꞌ cacunꞌ tumé maꞌa̱n soj ado̱nj.

Romanos 12:21

Se̱ guun quiꞌya̱j canaán se chiꞌi̱i̱ rihaan soj maꞌ. Ma̱an se ina̱nj se sa̱ꞌ quiꞌya̱j soj, ne̱ quiꞌya̱j canaán soj rihaan se chiꞌi̱i̱ ado̱nj.

Efesios 4:26

Nda̱ꞌ se aꞌmaan ndoꞌo rá soj, tza̱j ne̱ se̱ quiꞌyaj soj cacunꞌ maꞌ. Ne̱ raꞌya̱nj naꞌma̱a̱n rá uún soj cuaj na̱nj á. Se̱ caꞌvej rá soj ꞌo̱ ga̱a̱ yuva̱a̱ nimán soj cunu̱ꞌ güii maꞌ.

Efesios 4:31

Caꞌne̱ꞌ rá soj ga̱ suun nachriꞌ niꞌya̱j tinúú á. Caꞌne̱ꞌ rá soj ga̱ suun axríj yuva̱a̱ man tinúú á. Caꞌne̱ꞌ rá soj ga̱ suun aꞌmaan rá á. Se̱ caguáj soj doj rihaan tinúú soj maꞌ. Se̱ caꞌmii soj doj nana̱ nij cheꞌé tinúú soj maꞌ. Quiriꞌi̱j soj cunuda̱nj chrej chiꞌi̱i̱ á.

Colosenses 3:13

Sese quiꞌyaj chiꞌi̱i̱ tuviꞌ soj rihaan soj, ne̱ cara̱a̱ xꞌnaa ꞌo̱ ꞌo̱ soj rihaan tuviꞌ soj á. Da̱nj quiꞌyaj Síí ꞌNi̱j Raꞌa man níꞌ cheꞌé soj, tinavij soꞌ cacunꞌ tumé soj, ne̱ cheꞌé dan cara̱a̱ xꞌnaa soj rihaan tuviꞌ soj ado̱nj.

1 Timoteo 2:8

Dan me se me rej maꞌa̱n nuu chre̱ꞌ soj si̱j noco̱ꞌ man Cristó, ne̱ me rá ꞌu̱nj cachi̱nj niꞌya̱j nij snóꞌo rihaan Yaꞌanj, ne̱ naxca̱j raꞌa nij soꞌ rej xta̱ꞌ cachi̱nj niꞌya̱j nij soꞌ rihaan Yaꞌanj, ne̱ ꞌo̱ gu̱un rá nij soꞌ se vaa veꞌé canoco̱ꞌ nij soꞌ man Yaꞌanj, ne̱ se̱ caꞌmaan rá nij soꞌ do̱ꞌ, se̱ canó tuviꞌ nij soꞌ do̱ꞌ, se̱ caꞌmii cunuꞌ nij soꞌ do̱ꞌ, ꞌo̱ se sa̱ꞌ ina̱nj cachi̱nj niꞌya̱j nij soꞌ na̱nj ado̱nj.