San Mateo 17:25 - Triqui de San Juan Copala

²⁵ ―Oꞌ soꞌ impuestó ado̱nj ―taj Pedró rihaan nij soꞌ a. Ga̱a ne̱ catúj Pedró rá veꞌ, ne̱ me rá Pedró xna̱ꞌanj Pedró cheꞌé impuestó yoꞌ, tza̱j ne̱ asino Jesús xnáꞌanj man Pedró, cataj soꞌ a: ―Simón, da̱j uun rá so̱ꞌ ga̱. Nij síí nica̱j suun rey uun chij rihaan yuvii̱ ma̱n rihaan chumii̱ nihánj me se me síí aꞌnéj nij soꞌ impuestó rihaan ga̱. Rihaan maꞌa̱n taꞌníí nij soꞌ naꞌ. Ase rihaan ꞌó yuvii̱ xa̱ꞌ ―taj Jesús, xnáꞌanj soꞌ man Pedró a.

San Mateo 17:25 ပူးပေါင်းရင်းမြစ်များ

San Mateo 17:26

―Rihaan ꞌó yuvii̱ ado̱nj ―taj Pedró rihaan Jesús a. Ga̱a ne̱ cataj Jesús a: ―Cheꞌé dan taj cheꞌé go̱ꞌ taꞌníí síí nica̱j suun impuestó maꞌ.

San Mateo 22:17

Cheꞌé dan cata̱j xnaꞌanj so̱ꞌ rihaan núj da̱j quiꞌya̱j yuvii̱, rá so̱ꞌ á: No̱ xcúún yuvii̱ go̱ꞌ yuvii̱ impuestó rihaan síí nica̱j suun emperador cuꞌna̱j César naꞌ. Ase se̱ goꞌ yuvii̱ xa̱ꞌ ―taj nij soꞌ, xnáꞌanj nij soꞌ man Jesús a.

San Mateo 22:19

Ti̱haa̱n soj rihanj da̱j vaa saꞌanj oꞌ nii cheꞌé impuestó á ―taj Jesús rihaan nij síí me rá tiha̱ꞌ yuꞌunj yoꞌ a. Ga̱a ne̱ nanoꞌ nij soꞌ saꞌanj aga̱ꞌ oꞌ yuvii̱ cheꞌé impuestó, ne̱ tihaa̱n nij soꞌ saꞌanj aga̱ꞌ yoꞌ rihaan Jesús a.

San Mateo 22:21

Ga̱a ne̱ cataj nij yuvii̱ yoꞌ a: ―César a ―taj nij soꞌ a. Ga̱a ne̱ cataj Jesús a: ―Cheꞌé dan go̱ꞌ soj siꞌyaj síí nica̱j suun cuꞌna̱j César rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a.

San Mateo 3:15

Ga̱a ne̱ cataj Jesús rihaan soꞌ a: ―Caꞌve̱j so̱ꞌ cuta̱ꞌ ne so̱ꞌ manj á. Da̱nj quiꞌya̱j ro̱ꞌ, cheꞌé se no̱ xcúún ro̱ꞌ quiꞌya̱j ro̱ꞌ nu̱ꞌ se vaa me rá Yaꞌanj quiꞌya̱j níꞌ ado̱nj ―taj Jesús rihaan Juan a. Ga̱a ne̱ caꞌvej rá Juan, ne̱ cutaꞌ ne soꞌ man Jesús a.

San Lucas 20:22

Dan me se nó xcúún níꞌ go̱ꞌ níꞌ impuestó rihaan síí nica̱j suun emperador cuꞌna̱j César naꞌ. Ase se̱ goꞌ níꞌ xa̱ꞌ ―taj nij síí tihaꞌ yuꞌunj, xnáꞌanj nij soꞌ man Jesús a.