San Mateo 17:17 - Triqui de San Juan Copala

¹⁷ Ga̱a ne̱ cataj Jesús a: ―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ chiꞌi̱i̱ vaa nimán soj, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj ga̱. Ni̱caj soj man xnii caꞌna̱ꞌ soj rihanj cuaj á ―taj Jesús a.

San Mateo 17:17 ပူးပေါင်းရင်းမြစ်များ

San Mateo 13:58

Ne̱ do̱j suun sa̱ꞌ noco̱o quiꞌyaj Jesús chiháán soꞌ, cheꞌé se ne cuchuma̱n rá nij síí ma̱n chiháán soꞌ ni̱ꞌyaj nij soꞌ man soꞌ a.

San Mateo 16:8

Ne̱ a̱j neꞌen Jesús da̱j uun nimán nij soꞌ, ne̱ cheꞌé dan cataj soꞌ a: ―Me cheꞌé nanó ndoꞌo rá soj se vaa taj rachrúún rihaan soj ga̱. ꞌO̱ se do̱j amán rá soj niꞌya̱j soj manj vaa ga̱a na̱nj asânj.

San Mateo 17:16

Ne̱ caꞌnaꞌ nica̱j ꞌu̱nj man soꞌ rihaan nij síí tucuꞌyón snana̱ so̱ꞌ, tza̱j ne̱ taj se quiꞌyáꞌ nahu̱un sa̱ꞌ soꞌ, quiꞌyaj nij soꞌ maꞌ ―taj snóꞌo yoꞌ a.

San Mateo 17:18

Ga̱a ne̱ caꞌneꞌ Jesús suun rihaan nana̱ chre̱e nu̱u̱ nimán xnii se vaa ta̱náj yoꞌ man xnii a. Ga̱a ne̱ curiha̱nj nana̱ chre̱e nimán xnii, caꞌanj yoꞌ, ne̱ veé ma̱an orá dan nahuun sa̱ꞌ xnii yoꞌ a.

San Mateo 6:30

Dan me se da̱nj na̱nj nij yâj ma̱n tacaan yoꞌ, tza̱j ne̱ sa̱ꞌ uxrá vaa nij yatzíj nu̱u̱ nij yâj yoꞌ, ꞌyaj Yaꞌanj, ne̱ cuanꞌ roꞌ, mán nij yâj tacaan, tza̱j ne̱ aꞌyuj ne̱ caꞌne̱ꞌ nii man nu̱ꞌ coj do̱ꞌ, yâj do̱ꞌ, ma̱n tacaan, ne̱ cara̱a nii man yoꞌ rihaan yaꞌan, ne̱ caca̱a̱ nu̱ꞌ nij yâj yoꞌ na̱nj ado̱nj. Táá a̱ soj yuvi̱i̱, ne̱ se̱ nanó rá soj maꞌ. Yaꞌanj me síí rque̱ saga̱nꞌ soj ado̱nj. Tza̱j ne̱ ne gu̱un ya̱ sa̱ꞌ rá soj se vaa Yaꞌanj me síí ra̱cuíj ya̱ man soj maan ado̱nj.

San Mateo 8:26

Dan me se maꞌa̱n Jesús cataj a: ―Me cheꞌé chuꞌviꞌ ndoꞌo nimán soj ga̱. Yoꞌ me se ataa cuchuma̱n sa̱ꞌ rá soj ni̱ꞌyaj soj manj ado̱nj ―taj Jesús rihaan nij soꞌ a. Ga̱a ne̱ canicunꞌ caya̱ soꞌ, ne̱ nucua̱j caꞌmii soꞌ rihaan na do̱ꞌ, rihaan nana̱ do̱ꞌ a. Ga̱a ne̱ cunuu dínj uxrá rihaan na laguaná yoꞌ, quiꞌyaj Jesús na̱nj ado̱nj.

San Marcos 16:14

Cachén do̱j, ga̱a ne̱ yáán xa̱a̱n nij síí tucuꞌyón snana̱ Jesús rihaan mesá, ne̱ curuviꞌ maꞌa̱n Jesús rihaan nij soꞌ, ne̱ caxríj yuva̱a̱ soꞌ man nij soꞌ se vaa guun nichra̱j rá nij soꞌ ne̱ ne cuchuma̱n rá nij soꞌ snana̱ nij síí queneꞌen se vaa a̱j cunuu iꞌna̱ꞌ uún soꞌ a.

San Marcos 9:19

Ga̱a ne̱ cataj Jesús rihaan nij yuvii̱ a: ―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj ga̱. Ni̱caj soj man xnii caꞌna̱ꞌ soj rihanj cuaj á ―taj Jesús a.

San Lucas 24:25

Ga̱a ne̱ maꞌa̱n Jesús cataj rihaan ro̱j soꞌ a: ―Dan me se síí ne acaj cuentá me ro̱j so̱j, ne̱ síí ne niha̱ꞌ rá cuchuma̱n rá nu̱ꞌ snana̱ nij síí nataꞌ snana̱ Yaꞌanj ga̱a naá me ro̱j so̱j na̱nj á.

San Lucas 9:41

Ga̱a ne̱ cataj Jesús a: ―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ chiꞌi̱i̱ vaa nimán soj, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj, ga̱a ne̱ caꞌve̱e quiꞌya̱j canaán soj ga̱. Ni̱caj so̱ꞌ man taꞌníí so̱ꞌ caꞌna̱ꞌ so̱ꞌ rihanj cuaj á ―taj Jesús a.

San Juan 20:27

Ga̱a ne̱ cataj soꞌ rihaan Tomás a: ―Tu̱cuaꞌanj so̱ꞌ raꞌá so̱ꞌ nihánj, ga̱a ne̱ xca̱j so̱ꞌ cuentá da̱j vaa raꞌaj, ne̱ cuta̱ꞌ so̱ꞌ raꞌá so̱ꞌ xꞌnúú ꞌu̱nj nihánj rej catúj chruun lanzá, ga̱a ne̱ gu̱un ya̱ ya̱ rá so̱ꞌ se vaa cunuu iꞌna̱ꞌ uún ꞌu̱nj á. Cuchuma̱n rá so̱ꞌ, ni̱ꞌyaj so̱ꞌ manj á ―taj soꞌ rihaan Tomás a.

Hechos 13:18

Ga̱a ne̱ nda̱ꞌ se tucuáá ndoꞌo nij soꞌ rihaan Yaꞌanj, tza̱j ne̱ ꞌo̱ racuíj Yaꞌanj man nij soꞌ ga̱a va̱j nij soꞌ rej tacaan naco̱o̱ rque vi̱j chiha̱a̱ (40) yoꞌ ta̱ꞌ asuun a.

Hechos 2:40

Ga̱a ne̱ nataꞌ soꞌ queꞌe̱e̱ doj nana̱ rihaan nij soꞌ, ga̱a ne̱ nagoꞌ soꞌ chrej nucua̱j man nij soꞌ, cataj soꞌ a: ―Cu̱riha̱nj soj scaꞌnúj nij síí ma̱n cuano̱ nij síí noco̱ꞌ chrej chiꞌi̱i̱, ga̱a ne̱ nani̱i̱ soj rihaan sayuun na̱nj á ―taj Pedró rihaan nij yuvii̱ israelitá a.

2 Corintios 11:1

Me rá ꞌu̱nj caꞌve̱j rá soj caꞌmi̱i̱ snu̱j ꞌu̱nj do̱j rihaan soj a. ꞌO̱ se da̱nj ꞌyaj soj do̱j, tza̱j ne̱ ꞌo̱ se cara̱a̱ xꞌnaa soj doj rugua̱nj. Dan me se ꞌo̱ da̱nj quiꞌya̱j soj na̱nj á.