San Mateo 17:11 - Triqui de San Juan Copala

¹¹ Ga̱a ne̱ cataj Jesús a: ―Ya̱ aꞌmii nij síí naquiꞌyaj cu̱u stucua̱nj Moisés, taj nij soꞌ se vaa asino caꞌna̱ꞌ Elías, ga̱a ne̱ naquiꞌya̱j sa̱ꞌ soꞌ nu̱ꞌ rasu̱u̱n ado̱nj.

San Mateo 17:11 ပူးပေါင်းရင်းမြစ်များ

San Mateo 17:10

Ga̱a ne̱ xnáꞌanj nij síí tucuꞌyón snana̱ soꞌ man soꞌ, cataj nij soꞌ a: ―Me cheꞌé taj nij síí naquiꞌyaj cu̱u stucua̱nj Moisés se vaa asino caꞌna̱ꞌ síí cuꞌna̱j Elías síí nataꞌ snana̱ Yaꞌanj ga̱a naá, ga̱a ne̱ caꞌve̱e caꞌne̱ꞌ Yaꞌanj cacunꞌ cheꞌé yuvii̱ ga̱ ―taj nij síí tucuꞌyón snana̱ Jesús, xnáꞌanj nij soꞌ man Jesús a.

San Mateo 17:12

Tza̱j ne̱ cuano̱ nihánj me se cata̱j xnaꞌanj ꞌu̱nj rihaan soj se vaa a̱j caꞌnaꞌ Elías, tza̱j ne̱ ne xca̱j nij yuvii̱ cuentá me si̱j me soꞌ maꞌ. Ma̱an se quiꞌyaj ya̱ nij yuvii̱ nda̱a vaa me rá maꞌa̱n nij yuvii̱ man soꞌ na̱nj ado̱nj. Ne̱ veé da̱nj qui̱ránꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ quiꞌya̱j nij yuvii̱ yoꞌ ado̱nj ―taj Jesús a.

Hechos 1:6

Ne̱ dan me se cunuu chre̱ꞌ nij síí cuneꞌ Jesús rihaan soꞌ, ne̱ xnáꞌanj nij soꞌ man Jesús a: ―Señor, ya̱j me se gu̱un chij uún níꞌ si̱j israelitá rihaan chiháán níꞌ, qui̱ꞌyáá so̱ꞌ naꞌ ―taj nij soꞌ rihaan Jesús a.

Hechos 3:21

Cuano̱ nihánj me se vaa cheꞌé ca̱yáán soꞌ rej xta̱ꞌ nda̱a se quisi̱j güii naquiꞌya̱j sa̱ꞌ Yaꞌanj nu̱ꞌ nij rasu̱u̱n nda̱a rá se vaa nij rasu̱u̱n asi̱j naá ndoꞌo nda̱a vaa cataj xnaꞌanj nij síí sa̱ꞌ síí nataꞌ snana̱ Yaꞌanj ga̱a naá a.