San Mateo 17:10 - Triqui de San Juan Copala

¹⁰ Ga̱a ne̱ xnáꞌanj nij síí tucuꞌyón snana̱ soꞌ man soꞌ, cataj nij soꞌ a: ―Me cheꞌé taj nij síí naquiꞌyaj cu̱u stucua̱nj Moisés se vaa asino caꞌna̱ꞌ síí cuꞌna̱j Elías síí nataꞌ snana̱ Yaꞌanj ga̱a naá, ga̱a ne̱ caꞌve̱e caꞌne̱ꞌ Yaꞌanj cacunꞌ cheꞌé yuvii̱ ga̱ ―taj nij síí tucuꞌyón snana̱ Jesús, xnáꞌanj nij soꞌ man Jesús a.

San Mateo 17:10 ပူးပေါင်းရင်းမြစ်များ

San Mateo 11:14

Dan me se a̱j neꞌen soj se vaa síí cuꞌna̱j Elías síí nataꞌ snana̱ Yaꞌanj rihaan yuvii̱ ga̱a naá roꞌ, caꞌna̱ꞌ uún soꞌ rihaan chumii̱ nihánj, taj Danj Yaꞌanj a. Dan me se sese me rá soj gu̱un ya̱ rá soj cuno̱ soj nana̱ nihánj, ne̱ cata̱j xnaꞌanj ꞌu̱nj rihaan soj se vaa Juan me síí ata̱ se‑su̱u̱n Elías síí cayáán ga̱a naá yoꞌ na̱nj ado̱nj.

San Mateo 16:14

―Vaa síí taj se vaa síí cuꞌna̱j Juan Síí Cutaꞌ Ne man yuvii̱ do̱ꞌ, Elías síí nataꞌ snana̱ Yaꞌanj ga̱a naá do̱ꞌ, Jeremías do̱ꞌ, ꞌó síí nataꞌ snana̱ Yaꞌanj ga̱a naá do̱ꞌ, mé so̱ꞌ na̱nj ado̱nj ―taj nij soꞌ rihaan Jesús a.

San Mateo 17:11

Ga̱a ne̱ cataj Jesús a: ―Ya̱ aꞌmii nij síí naquiꞌyaj cu̱u stucua̱nj Moisés, taj nij soꞌ se vaa asino caꞌna̱ꞌ Elías, ga̱a ne̱ naquiꞌya̱j sa̱ꞌ soꞌ nu̱ꞌ rasu̱u̱n ado̱nj.

San Marcos 9:11

Ga̱a ne̱ xnáꞌanj nij soꞌ man Jesús a: ―Me cheꞌé taj nij síí naquiꞌyaj cu̱u stucua̱nj Moisés se vaa asino caꞌna̱ꞌ uún Elías síí nataꞌ snana̱ Yaꞌanj ga̱a naá ga̱ ―taj nij soꞌ a.

San Juan 1:21

Ga̱a ne̱ xnáꞌanj uún nij soꞌ man soꞌ, cataj nij soꞌ a: ―Se taj, ne̱ me síí mé so̱ꞌ ga̱. Síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ. Né soꞌ mé ꞌu̱nj maꞌ ―taj Juan a. ―Neꞌen núj se vaa vaa güii caꞌna̱ꞌ ꞌo̱ síí nata̱ꞌ snana̱ Yaꞌanj, ne̱ soꞌ mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ ―taj Juan a.

San Juan 1:25

ne̱ cataj nij soꞌ rihaan Juan a: ―Dan me se né Si̱j Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ maꞌ. Né si̱j cuꞌna̱j Elías mé so̱ꞌ maꞌ. Né si̱j nataꞌ snana̱ Yaꞌanj yoꞌ mé so̱ꞌ maꞌ. Cheꞌé dan ne nó xcúún so̱ꞌ cuta̱ꞌ ne so̱ꞌ man yuvii̱ maꞌ ―taj nij síí fariseo yoꞌ rihaan Juan a.