San Mateo 16:7 - Triqui de San Juan Copala

⁷ Ne̱ nuchruj ra̱a̱ ndoꞌo nij síí tucuꞌyón snana̱ Jesús cheꞌé nana̱ caꞌmii soꞌ, ne̱ cataj nij soꞌ a: ―Cheꞌé se taj rachrúún nica̱j níꞌ, ne̱ cheꞌé dan aꞌmii soꞌ cheꞌé levadura se ꞌyaj naraa nana̱ rque rachrúún na̱nj ado̱nj ―taj nij soꞌ rihaan tuviꞌ nij soꞌ a.

San Mateo 16:7 ပူးပေါင်းရင်းမြစ်များ

San Mateo 16:6

Ga̱a ne̱ cataj Jesús rihaan nij soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j se‑le̱vadura nij síí fariseo do̱ꞌ, nij síí saduceo do̱ꞌ á ―taj Jesús rihaan nij soꞌ a.

San Mateo 16:8

Ne̱ a̱j neꞌen Jesús da̱j uun nimán nij soꞌ, ne̱ cheꞌé dan cataj soꞌ a: ―Me cheꞌé nanó ndoꞌo rá soj se vaa taj rachrúún rihaan soj ga̱. ꞌO̱ se do̱j amán rá soj niꞌya̱j soj manj vaa ga̱a na̱nj asânj.

San Mateo 21:25

Dan me se me síí caꞌneꞌ suun rihaan Juan cuta̱ꞌ ne soꞌ man yuvii̱, rá soj ga̱. Yaꞌanj naꞌ. Ase nij yuvii̱ xa̱ꞌ. Cata̱j xnaꞌanj nij soj rihanj á ―taj Jesús a. Ga̱a ne̱ nuchruj ra̱a̱ ndoꞌo nij soꞌ ga̱ tuviꞌ nij soꞌ, cataj nij soꞌ a: ―Sese cata̱j níꞌ se vaa Yaꞌanj caꞌneꞌ suun rihaan Juan cuta̱ꞌ ne soꞌ man yuvii̱, ne̱ cata̱j Jesús rihaan níꞌ me cheꞌé ne cuchuma̱n rá níꞌ nana̱ caꞌmii Juan, cata̱j soꞌ a.

San Marcos 9:10

Ne̱ ꞌo̱ nuû rá nij soꞌ nana̱ yoꞌ, ne̱ xnáꞌanj ndoꞌo nij soꞌ man tuviꞌ maꞌa̱n nij soꞌ me se me raj cata̱a se vaa cavi̱ꞌ soꞌ ne̱ cunu̱u iꞌna̱ꞌ uún soꞌ a.

San Lucas 24:15

Dan me se nanó ro̱j soꞌ cuentó, ne̱ nuchruj ra̱a̱ ro̱j soꞌ da̱j quiranꞌ Jesús, ga̱a ne̱ maꞌa̱n Jesús nichrunꞌ rihaan ro̱j soꞌ, ne̱ chéé Jesús ga̱ ro̱j soꞌ a.

San Lucas 9:46

Dan me se guun cheꞌe̱ nij síí tucuꞌyón snana̱ Jesús caꞌmii cunuꞌ nij soꞌ me nij soꞌ gu̱un chij doj a.

Hechos 10:14

Ga̱a ne̱ cataj Pedró a: ―Señor, se̱ guun maꞌ. ꞌO̱ se né xcu̱u chá me yoꞌ rihaan núj si̱j israelitá maꞌ. Xcuu vaa chiꞌi̱i̱ me nij xoꞌ rihaan núj na̱nj á. ꞌO̱ se nu̱ꞌ caꞌnaꞌ a̱ doj ne cha̱ ꞌu̱nj nee̱ xcuu vaa da̱nj a̱ maꞌ ―taj Pedró a.