Ne̱ nihánj me se‑chuvi̱i chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ a. ꞌO̱ soꞌ me síí cuꞌna̱j Simón síí tucuꞌnáj nii Pedró a. Ne̱ ꞌó soꞌ me tinúú Simón, síí cuꞌna̱j Andrés a. Ne̱ ꞌó soꞌ me síí cuꞌna̱j Jacobo, ne̱ taꞌníí síí cuꞌna̱j Zebedeo me soꞌ a. Ne̱ ꞌó soꞌ me tinúú Jacobo, síí cuꞌna̱j Juan a.
San Mateo 16:18 - Triqui de San Juan Copala18 Ne̱ cuano̱ nihánj me se cata̱j xnaꞌanj ꞌu̱nj rihaan so̱ꞌ se vaa ya̱ Pedró cuꞌna̱j so̱ꞌ, cheꞌé se ase vaa yuvej na̱j tacóó veꞌ roꞌ, vaa so̱ꞌ, ne̱ síí nucua̱j ndoꞌo nimán mé so̱ꞌ ado̱nj. Cheꞌé dan, ase vaa ꞌyaj nii uneꞌ nii veꞌ xráá yuvej roꞌ, da̱nj ga̱a̱ qui̱ꞌyáj, cune̱ꞌ ꞌu̱nj man xꞌneꞌ nij síí noco̱ꞌ manj, se vaa gu̱un nucua̱j rá nij soꞌ mán so̱ꞌ na̱nj ado̱nj. Ne̱ se̱ quiꞌyaj canaán se ꞌyaj aviꞌ yuvii̱ man xꞌneꞌ nij síí noco̱ꞌ manj a̱ maꞌ. အခန်းကိုကြည့်ပါ။ |
San Mateo 16:18
42 ပူးပေါင်းရင်းမြစ်များ
’Ne̱ vaa soj si̱j ma̱n chumanꞌ Capernaum uún á. Síí sa̱ꞌ ina̱nj me maꞌa̱n soj, rá soj naꞌ. Taj maꞌ. Ta̱güéj Yaꞌanj man soj nda̱a rej ma̱n nimán nij síí caviꞌ ado̱nj. Dan me se nij síí ma̱n chumanꞌ Sodoma roꞌ, me síí chiꞌi̱i̱ nimán a. Tza̱j ne̱ sese caꞌanj ꞌu̱nj chiháán nij soꞌ quiꞌyáj nij suun sa̱ꞌ noco̱o niꞌya̱j nij soꞌ, ne̱ cuno nij soꞌ snana̱j, ne̱ guun ya̱ rá nij soꞌ se vaa tumé nij soꞌ cacunꞌ, ne̱ nuchranꞌ nimán nij soꞌ, ne̱ ne caca̱a̱ chiháán nij soꞌ tza̱j maꞌ. Ne̱ na̱j chiháán nij soꞌ nda̱a cuano̱ asuun tza̱j a.
Ne̱ sese ne cuno̱ síí tumé cacunꞌ rihaan vi̱j vaꞌnu̱j nij tinu̱j nij soj, ga̱a ne̱ caꞌa̱nj soj nata̱ꞌ soj rihaan xꞌneꞌ nij síí noco̱ꞌ man Yaꞌanj ya̱nj chiháán soj á. Ne̱ sese ne cuno̱ soꞌ rihaan xꞌneꞌ nij síí noco̱ꞌ man Yaꞌanj, ga̱a ne̱ gu̱un yaníj soj rihaan soꞌ á. Dan me se ase vaa ꞌo̱ síí yaníj do̱ꞌ, ase vaa ꞌo̱ síí tihaꞌ yuꞌunj cheꞌé impuestó do̱ꞌ, da̱nj ga̱a̱ soꞌ rihaan soj ado̱nj.
ꞌO̱ güii cachén Jesús tuꞌva na laguaná cuꞌna̱j na Galilea, ne̱ queneꞌen soꞌ man ro̱j tinu̱j ro̱j soꞌ a. ꞌO̱ soꞌ me síí cuꞌna̱j Simón, ne̱ Pedró me ꞌó se‑chuvi̱i soꞌ a. Ne̱ tinúú soꞌ me síí cuꞌna̱j Andrés a. Dan me se ga̱a queneꞌen Jesús man ro̱j soꞌ, ne̱ nicu̱nꞌ ro̱j soꞌ tuꞌva na laguaná, ne̱ tiguíj ro̱j soꞌ nanj rque na, ne̱ dan me se síí rii xcuaj me ro̱j soꞌ a.
Ne̱ caꞌanj nica̱j soꞌ man tinúú soꞌ rihaan Jesús, ga̱a ne̱ niꞌya̱j uxrá Jesús man Simón, ne̱ cataj soꞌ a: ―Síí cuꞌna̱j Simón mé so̱ꞌ, ne̱ taꞌníí síí cuꞌna̱j Jonás mé so̱ꞌ á. Tza̱j ne̱ rej rihaan níꞌ me se Cefas cuꞌna̱j so̱ꞌ á ―taj Jesús rihaan soꞌ a. Ne̱ nana̱ Cefas me raj cata̱a Pedró ꞌó xnaꞌánj a.
’Dan me se ase vaa tumé yuvii̱ man daán yuvii̱ matzinj roꞌ, da̱nj quiꞌya̱j soj, tu̱mé soj man maꞌa̱n soj do̱ꞌ, man xꞌneꞌ nij síí noco̱ꞌ man Cristó do̱ꞌ á. Dan me se Nimán Yaꞌanj me síí cuneꞌ man soj gu̱un soj síí tu̱mé sa̱ꞌ rihaan Yaꞌanj man xꞌneꞌ yoꞌ, xꞌneꞌ quiránj Jesús ga̱ ton cavii man maꞌa̱n soꞌ ado̱nj.
Ne̱ síí cuꞌna̱j Saulo yoꞌ roꞌ, cuna̱j quiranꞌ Esteban rá soꞌ a. Ne̱ güii dan me se guun cheꞌe̱ nii quiꞌyaj ndoꞌo nii sayuun man xꞌneꞌ nij síí noco̱ꞌ man Jesús síí ma̱n chumanꞌ Jerusalén a. Dan me se cunánj nij soꞌ chumanꞌ Jerusalén, ne̱ chaꞌnuu̱ nij soꞌ nu̱ꞌ estadó Judea do̱ꞌ, estadó cuꞌna̱j Samaria do̱ꞌ a. Tza̱j ne̱ o̱rúnꞌ maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ roꞌ, me nij síí ꞌo̱ quináj chumanꞌ Jerusalén a.
Ne̱ queneꞌen Jacobo do̱ꞌ, Cefas do̱ꞌ, Juan do̱ꞌ, se vaa quiꞌyaj ndoꞌo Yaꞌanj se lu̱j cheꞌé ꞌu̱nj do̱ꞌ, cheꞌé Bernabé do̱ꞌ, se vaa guun nu̱cuáá ꞌu̱nj nata̱ꞌ ꞌu̱nj nana̱ sa̱ꞌ cheꞌé Cristó rihaan yuvii̱, quiꞌyaj Yaꞌanj, ne̱ guun ya̱ nu̱ꞌ rá nij soꞌ se vaa Yaꞌanj me síí caꞌneꞌ suun rihaan núj a. Dan me se síí uun chij rihaan nij síí noco̱ꞌ man Cristó ma̱n Jerusalén me nij soꞌ, tza̱j ne̱ guun ya̱ rá nij soꞌ se vaa tuviꞌ maꞌa̱n nij soꞌ me núj, ne̱ ꞌo̱ cuya̱a̱n vaa suun vaa rihaan núj ga̱ suun vaa rihaan nij soꞌ, rá nij soꞌ a. Dan me se nata̱ꞌ nij soꞌ nana̱ sa̱ꞌ cheꞌé Cristó rihaan nij yuvii̱ israelitá, ne̱ da̱nj na̱nj núj uún, ne̱ nata̱ꞌ núj rihaan nij síí yaníj, cataj nij soꞌ a.
Tza̱j ne̱ da̱j a̱ nij síí uun chij rej xta̱ꞌ do̱ꞌ, da̱j a̱ nij síí nica̱j suun rej xta̱ꞌ do̱ꞌ roꞌ, me rá Yaꞌanj xca̱j nij soꞌ cuentá cuano̱ se vaa ina̱nj nana̱ cu̱u sa̱ꞌ ndoꞌo avii raa̱ Yaꞌanj, ne̱ queneꞌe̱n nij soꞌ man xꞌneꞌ ta̱ranꞌ níꞌ si̱j noco̱ꞌ man Cristó, ne̱ xca̱j nij soꞌ cuentá se vaa avii ndoꞌo raa̱ Yaꞌanj ado̱nj.
Ne̱ soꞌ me síí uun chij ndoꞌo rihaan níꞌ á. Dan me se ase vaa rii taꞌngaꞌ cúú yave̱ yuvii̱ rihaan maꞌa̱n yuvii̱ roꞌ, da̱nj vaa rii taꞌngaꞌ Cristó rihaan cunuda̱nj níꞌ xꞌneꞌ yuvii̱ noco̱ꞌ man soꞌ chugua̱nj. Asino soꞌ me síí cunuu iꞌna̱ꞌ uún ga̱a caviꞌ soꞌ, ne̱ da̱nj ina̱nj ga̱a̱ cunu̱u iꞌna̱ꞌ uún níꞌ, quiꞌya̱j soꞌ, ga̱a ne̱ gu̱un soꞌ síí ra̱a̱ doj rihaan cunuda̱nj níꞌ ado̱nj.
Tza̱j ne̱ sese se̱ cuchiꞌ raꞌya̱nj ꞌu̱nj, ne̱ taj se ꞌyaj maꞌ. A̱j neꞌén so̱ꞌ da̱j quiꞌya̱j soj si̱j noco̱ꞌ man Yaꞌanj ga̱a yáán soj ga̱ tinúú soj ado̱nj. ꞌO̱ se tucuá Yaꞌanj me xꞌneꞌ cunuda̱nj soj síí noco̱ꞌ man Yaꞌanj si̱j vaa iꞌna̱ꞌ ya̱ na̱nj á. Cheꞌé maꞌa̱n soj me se acaj yuvii̱ cuentá se vaa ya̱ vaa snana̱ Yaꞌanj ne̱ maꞌa̱n soj me síí nica̱j nana̱ ya̱ ado̱nj.
Dan me se gu̱un níꞌ si̱j chiha̱nj rej sa̱ꞌ ndoꞌo rej gu̱un chij níꞌ ga̱ Yaꞌanj, ne̱ daj chiha̱a̱ míj se̱ quinaa̱n chumanꞌ yoꞌ a̱ maꞌ. Cheꞌé dan guun niꞌya̱j uxrá níꞌ rihaan Yaꞌanj, ne̱ cheꞌé dan ꞌo̱ quiꞌya̱j níꞌ se‑su̱u̱n Yaꞌanj, ne̱ cara̱nꞌ rá Yaꞌanj, quiꞌya̱j níꞌ á. Ne̱ cara̱a̱ gue̱e̱ uxrá níꞌ rihaan Yaꞌanj na̱nj á.
Ga̱a ne̱ dan me se caꞌyánj se‑mo̱zó Yaꞌanj mozó chi̱j chruun aꞌyánj, ga̱a ne̱ nucua̱j ndoꞌo caꞌmii síí ma̱n rej xta̱ꞌ, cataj nij soꞌ a: Nihánj me a̱j uun chij Yaꞌanj Si̱j ꞌNi̱j Raꞌa man níꞌ do̱ꞌ, Síí Caꞌnéé Soꞌ Ti̱nanii man Yuvii̱ rihaan Sayuun do̱ꞌ, rihaan chumii̱ nihánj, ne̱ dan me se ꞌo̱ gu̱un chij Yaꞌanj nu̱ꞌ cavii nu̱ꞌ caꞌanj na̱nj ado̱nj, taj nij síí ma̱n rej xta̱ꞌ a.
ကြော်ငြာတွေ