San Mateo 16:14 - Triqui de San Juan Copala

¹⁴ ―Vaa síí taj se vaa síí cuꞌna̱j Juan Síí Cutaꞌ Ne man yuvii̱ do̱ꞌ, Elías síí nataꞌ snana̱ Yaꞌanj ga̱a naá do̱ꞌ, Jeremías do̱ꞌ, ꞌó síí nataꞌ snana̱ Yaꞌanj ga̱a naá do̱ꞌ, mé so̱ꞌ na̱nj ado̱nj ―taj nij soꞌ rihaan Jesús a.

San Mateo 16:14 ပူးပေါင်းရင်းမြစ်များ

San Mateo 14:2

Ga̱a ne̱ cataj soꞌ rihaan nij se‑mo̱zó soꞌ a: ―Síí cuꞌna̱j Jesús roꞌ, ya̱ síí cuꞌna̱j Juan Síí Cutaꞌ Ne man yuvii̱ me soꞌ chugua̱nj. Dan me se cunuu iꞌna̱ꞌ ya̱ uún Juan, rá ꞌu̱nj a. Ese Juan me síí guun nucua̱j quiꞌyaj nij suun sa̱ꞌ noco̱o yoꞌ na̱nj ado̱nj ―taj Herodes rihaan nij se‑mo̱zó soꞌ a.

San Mateo 16:15

―Ne̱ maꞌa̱n soj me se me síí mé ꞌu̱nj, rá maꞌa̱n soj ga̱ ―taj Jesús, xnáꞌanj soꞌ man nij síí tucuꞌyón snana̱ soꞌ a.

San Mateo 17:10

Ga̱a ne̱ xnáꞌanj nij síí tucuꞌyón snana̱ soꞌ man soꞌ, cataj nij soꞌ a: ―Me cheꞌé taj nij síí naquiꞌyaj cu̱u stucua̱nj Moisés se vaa asino caꞌna̱ꞌ síí cuꞌna̱j Elías síí nataꞌ snana̱ Yaꞌanj ga̱a naá, ga̱a ne̱ caꞌve̱e caꞌne̱ꞌ Yaꞌanj cacunꞌ cheꞌé yuvii̱ ga̱ ―taj nij síí tucuꞌyón snana̱ Jesús, xnáꞌanj nij soꞌ man Jesús a.

San Mateo 3:1

Dan me se ga̱a veé da̱nj vaa yáán Jesús chumanꞌ Nazaret, ne̱ cavii síí cuꞌna̱j Juan Síí Cutaꞌ Ne man yuvii̱ tacaan estadó Judea, ne̱ caꞌmii natáj ndoꞌo soꞌ,

San Marcos 6:15

Ne̱ ꞌó taꞌa̱j nij yuvii̱ me se cataj se vaa síí cuꞌna̱j Elías síí nataꞌ snana̱ Yaꞌanj ga̱a naá me Jesús, ne̱ ꞌó taꞌa̱j nij yuvii̱ uún cataj se vaa ase vaa ꞌó nij síí nataꞌ snana̱ Yaꞌanj ga̱a naá me Jesús a.

San Marcos 8:28

Ga̱a ne̱ cataj nij soꞌ a: ―Vaa síí taj se vaa Juan Síí Cutaꞌ Ne man yuvii̱ mé so̱ꞌ ado̱nj. Ne̱ vaa síí taj uún se vaa Elías síí nataꞌ snana̱ Yaꞌanj ga̱a naá me so̱ꞌ chugua̱nj. Ne̱ vaa síí taj uún se vaa ꞌó síí nataꞌ snana̱ Yaꞌanj ga̱a naá me so̱ꞌ a ―cataj nij soꞌ a.

San Lucas 9:8

ne̱ ꞌó taꞌa̱j yuvii̱ cataj se vaa curuviꞌ uún síí cuꞌna̱j Elías síí cayáán ga̱a naá, ne̱ ꞌó taꞌa̱j yuvii̱ cataj se vaa cunuu iꞌna̱ꞌ uún ꞌo̱ síí nataꞌ snana̱ Yaꞌanj ga̱a naá a.

San Juan 1:21

Ga̱a ne̱ xnáꞌanj uún nij soꞌ man soꞌ, cataj nij soꞌ a: ―Se taj, ne̱ me síí mé so̱ꞌ ga̱. Síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ. Né soꞌ mé ꞌu̱nj maꞌ ―taj Juan a. ―Neꞌen núj se vaa vaa güii caꞌna̱ꞌ ꞌo̱ síí nata̱ꞌ snana̱ Yaꞌanj, ne̱ soꞌ mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ ―taj Juan a.

San Juan 7:12

Ne̱ ri̱i̱ ndoꞌo yuvii̱ man chaꞌanj ne̱ nanó yuve̱ ndoꞌo nij yuvii̱ cuentó cheꞌé Jesús a. Dan me se taꞌa̱j nij yuvii̱ cataj a: ―Síí sa̱ꞌ me soꞌ á ―taj taꞌa̱j nij yuvii̱ a. Tza̱j ne̱ ꞌó taꞌa̱j nij yuvii̱ cataj a: ―Taj maꞌ. Síí tihaꞌ yuꞌunj man nij yuvii̱ me soꞌ na̱nj ado̱nj ―taj ꞌó taꞌa̱j nij yuvii̱ yoꞌ a.

San Juan 9:17

Cheꞌé dan cataj uún nij soꞌ rihaan síí naxraꞌ rihaan yoꞌ a: ―Da̱j uun rá ma̱ꞌán so̱ꞌ cheꞌé síí quiꞌyaj naxraꞌ rihaan so̱ꞌ ga̱ ―taj nij síí fariseo, xnáꞌanj nij soꞌ man síí naxraꞌ rihaan yoꞌ a. Ne̱ cataj soꞌ a: ―Si̱j nataꞌ snana̱ Yaꞌanj me soꞌ, rá yá ꞌu̱nj ado̱nj ―taj síí naxraꞌ rihaan yoꞌ cheꞌé Jesús a.