San Mateo 16:12 - Triqui de San Juan Copala

¹² Ga̱a ne̱ xcaj nij soꞌ cuentá se vaa né cheꞌe̱ na̱nj levadura se ꞌyaj naraa nana̱ rque rachrúún me cataj xnaꞌanj Jesús rihaan nij soꞌ se vaa tu̱mé nij soꞌ man nij soꞌ a. Ma̱an cheꞌe̱ se ne caꞌve̱j rá Jesús tiha̱ꞌ yuꞌunj nij síí fariseo do̱ꞌ, nij síí saduceo do̱ꞌ, man nij soꞌ ga̱ stucua̱nj nij soꞌ roꞌ, cheꞌé dan caꞌmii Jesús nana̱ vaa da̱nj rihaan nij síí noco̱ꞌ man soꞌ na̱nj ado̱nj.

San Mateo 16:12 ပူးပေါင်းရင်းမြစ်များ

San Mateo 16:11

Da̱j me cheꞌé ne̱ ne cuno̱ soj ga̱. Né cheꞌe̱ na̱nj rachrúún caꞌmij rihaan soj maꞌ. Ma̱an se tu̱mé soj man soj se̱ gaa na̱nj quira̱nꞌ soj sayuun quiꞌya̱j se‑le̱vadura nij síí fariseo do̱ꞌ, nij síí saduceo do̱ꞌ ado̱nj ―taj Jesús rihaan nij soꞌ a.

San Mateo 3:7

Ga̱a queneꞌen Juan se vaa caꞌnaꞌ ndoꞌo nij síí fariseo do̱ꞌ, nij síí saduceo do̱ꞌ, me rá nij soꞌ cuta̱ꞌ ne Juan man nij soꞌ, ga̱a ne̱ caꞌmii natáj soꞌ rihaan nij soꞌ, cataj soꞌ a: ―Ase vaa xcuáá yuva̱a̱ vaa soj á. Me síí cataj xnaꞌanj rihaan soj cuna̱nj soj, ne̱ nani̱i̱ soj rihaan sayuun quiꞌya̱j Yaꞌanj ga̱.

San Mateo 5:20

’ꞌO̱ se cata̱j xnaꞌanj ꞌu̱nj rihaan soj se vaa sese nij síí naquiꞌyaj cu̱u stucua̱nj Moisés ga̱ nij síí fariseo me se ꞌyaj sa̱ꞌ nij soꞌ rihaan yuvii̱, rá nij soꞌ, tza̱j ne̱ sese se̱ quiꞌyaj sa̱ꞌ soj doj rihaan nij yuvii̱ nda̱a vaa ꞌyaj nij síí naquiꞌyaj cu̱u stucua̱nj Moisés ga̱ nij síí fariseo, ga̱a ne̱ daj chiha̱a̱ míj se̱ cayáán soj ga̱ Yaꞌanj asa̱ꞌ guun chij Yaꞌanj a̱ maan ado̱nj.

Hechos 23:8

ꞌO̱ se nij síí saduceo roꞌ, taj se vaa se̱ caꞌvee cunu̱u iꞌna̱ꞌ uún nij síí caviꞌ maꞌ. Ne̱ se‑mo̱zó Yaꞌanj do̱ꞌ, nimán yuvii̱ do̱ꞌ, taj va̱j maꞌ, taj nij síí saduceo yoꞌ a. Tza̱j ne̱ nij síí fariseo roꞌ, taj se vaa ya̱ ya̱ cunu̱u iꞌna̱ꞌ uún nij síí caviꞌ vaa güii, ne̱ vaa se‑mo̱zó Yaꞌanj, ne̱ vaa nimán yuvii̱, taj nij soꞌ a.

1 Corintios 5:6

Ne chiha̱nꞌ uxrá vaa ga̱a aꞌmii xta̱ꞌ soj maꞌ. Neꞌen soj se vaa do̱j tzínꞌ levadura ꞌyaj naraa nana̱ rque noco̱o ndoꞌo cunj ado̱nj. Ne̱ ase vaa levadura rihaan cunj yoꞌ roꞌ, da̱nj vaa o̱rúnꞌ síí ꞌyaj cacunꞌ rihaan soj, ne̱ dan me se quiri̱ꞌ queꞌe̱e̱ soj, quiꞌya̱j o̱rúnꞌ síí tumé cacunꞌ ꞌni̱j scaꞌnúj soj ado̱nj.