San Mateo 15:27 - Triqui de San Juan Copala

²⁷ Ga̱a ne̱ cataj noꞌ a: ―Veé da̱nj vaa gue̱e̱, Señor. Tza̱j ne̱ nij chuvee roꞌ, chá nij xoꞌ tachruu̱ ayuu tuꞌva se‑xqui̱ꞌ nij xoꞌ na̱nj ado̱nj ―taj chana̱ yoꞌ rihaan Jesús a.

San Mateo 15:27 ပူးပေါင်းရင်းမြစ်များ

San Mateo 15:26

Ga̱a ne̱ cataj soꞌ a: ―Dan me se neꞌén so̱ꞌ se vaa se̱ caꞌvee ta̱ꞌaa níꞌ coꞌoo ma̱n rihaan nij xnii ne̱ go̱ꞌ níꞌ cha̱ nij chuvee maꞌ ―taj Jesús rihaan chana̱ yoꞌ a.

San Mateo 15:28

Ga̱a ne̱ cataj Jesús a: ―Amán uxrá rá so̱ꞌ niꞌya̱j so̱ꞌ manj, nocoj. Cheꞌé dan qui̱ꞌyáj se vaa achíín so̱ꞌ rihanj na̱nj á ―taj Jesús rihaan noꞌ a. Ne̱ veé ma̱an orá dan nahuun sa̱ꞌ taꞌníí chana̱ yoꞌ a.

San Mateo 5:45

Ga̱a ne̱ quiꞌya̱j soj ase ꞌyaj Rej soj Yaꞌanj si̱j nicu̱nꞌ xta̱ꞌ ado̱nj. ꞌO̱ se Yaꞌanj ꞌyaj síj güii, ne̱ oꞌ naán rihaan toꞌóó nij síí chiꞌi̱i̱ do̱ꞌ, rihaan toꞌóó nij síí sa̱ꞌ do̱ꞌ, ꞌyaj Yaꞌanj, ne̱ amanꞌ rihaan toꞌóó nij síí ꞌyaj sa̱ꞌ do̱ꞌ, rihaan toꞌóó nij síí ꞌyaj chiꞌi̱i̱ do̱ꞌ, ꞌyaj uún Yaꞌanj ado̱nj.

San Mateo 8:8

Ga̱a ne̱ cataj uún tanuu capitán yoꞌ a: ―Señor, né si̱j sa̱ꞌ mé ꞌu̱nj maꞌ. Ne nó xcúún ꞌu̱nj catu̱u̱ so̱ꞌ rá veꞌ tucuaj qui̱ꞌyáj a̱ maꞌ. Ma̱an se caꞌne̱ꞌ u̱u̱n so̱ꞌ suun se vaa nahu̱un se‑mo̱zó ꞌu̱nj, ga̱a ne̱ nahu̱un maꞌa̱n soꞌ ado̱nj.

San Marcos 7:28

Ga̱a ne̱ cataj noꞌ a: ―Veé da̱nj vaa gue̱e̱, Señor. Tza̱j ne̱ nij chuvee nicu̱nꞌ rque chruun mesá roꞌ, chá nij xoꞌ tachruu̱ ayuu tuꞌva nij xnii na̱nj á ―taj chana̱ yoꞌ a.

San Lucas 16:21

ne̱ guun rá Lázaro cha̱ soꞌ se quinij rihaan yoꞌóó rej chá ruꞌvee yoꞌ, tza̱j ne̱ ma̱an chuvee caꞌnaꞌ chavé luj ma̱n soꞌ a.

San Lucas 18:13

’Ne̱ ga̱nꞌ do̱j tzínꞌ nicunꞌ síí aꞌnéj impuestó man yuvii̱ yoꞌ, ne̱ ne caꞌve̱j rá soꞌ na̱xcaj soꞌ rihaan soꞌ ni̱ꞌyaj soꞌ rej nicu̱nꞌ Yaꞌanj a. Tza̱j ne̱ goꞌ soꞌ se‑cuxru̱ꞌ soꞌ rucua̱a̱ maꞌa̱n soꞌ, ne̱ cataj soꞌ a: “Cunu̱u ꞌe̱e̱ rá so̱ꞌ ni̱ꞌyaj so̱ꞌ manj, Ata̱j Yaꞌanj. ꞌO̱ se si̱j tumé cacunꞌ mej ado̱nj”, taj soꞌ rihaan Yaꞌanj a.

Romanos 10:12

ꞌO̱ se ꞌo̱ cuya̱a̱n vaa nij yuvii̱ israelitá do̱ꞌ, nij yuvii̱ yaníj do̱ꞌ, cheꞌé se maꞌa̱n Síí ꞌNi̱j Raꞌa man níꞌ me se ꞌnij raꞌa soꞌ man cunuda̱nj nij soꞌ, ne̱ uxrá ra̱cuíj soꞌ man cunuda̱nj yuvii̱ achíín niꞌya̱j rihaan soꞌ a.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

Romanos 3:29

Taꞌanj ina̱nj nij síí israelitá me Yaꞌanj naꞌ. Né Taꞌa̱nj nij síí yaníj me uún soꞌ naꞌ. Ya̱ uxrá Taꞌanj nij síí yaníj me uún soꞌ chugua̱nj.

Romanos 3:4

A̱ ꞌó xcoꞌ se̱ caꞌvee maꞌ. Cata̱j níꞌ se vaa síí aꞌmii ina̱nj nana ya̱ me Yaꞌanj, ne̱ síí aꞌmii nana̱ ne̱ me cunuda̱nj yuvii̱ á. Nana̱ no̱ rihaan Da̱nj Yaꞌanj taj a: Queneꞌe̱n yuvii̱ se vaa se sa̱ꞌ inanj me nana aꞌmii so̱ꞌ do̱ꞌ, se vaa nica̱ aꞌnéꞌ so̱ꞌ cacunꞌ do̱ꞌ a. Da̱nj taj Danj Yaꞌanj cheꞌé maꞌa̱n Yaꞌanj ado̱nj.

Efesios 3:8

Nda̱ꞌ se síí nica̱ꞌ doj rihaan ta̱ranꞌ nij síí noco̱ꞌ man Yaꞌanj mej, tza̱j ne̱ quiꞌyaj Yaꞌanj se lu̱j yoꞌ rihanj, ne̱ caꞌneꞌ soꞌ suun rihanj nata̱j nana̱ sa̱ꞌ rihaan nij soj si̱j yaníj se vaa niꞌndaj uxrá ya̱ se sa̱ꞌ vaa quiꞌyaj Cristó cheꞌé níꞌ ado̱nj.