San Mateo 15:19 - Triqui de San Juan Copala

¹⁹ ꞌO̱ se nihánj me se chiꞌi̱i̱ avii nimán yuvii̱ a: yan quiꞌya̱j se nij do̱ꞌ, yan ticavi̱ꞌ man tuviꞌ do̱ꞌ, yan coto̱j ga̱ ꞌó yuvii̱ sese né ni̱ca̱ soꞌ me do̱ꞌ, yan coto̱j síí ya̱a̱n ga̱ ꞌo̱ chana̱ ya̱a̱n do̱ꞌ, yan quiꞌya̱j itu̱u̱ siꞌyaj tuviꞌ do̱ꞌ, yan caꞌmi̱i̱ ne̱ cheꞌé tuviꞌ do̱ꞌ, yan nachri̱ꞌ ni̱ꞌyaj man tuviꞌ do̱ꞌ, me nu̱ꞌ se avii nimán yuvii̱ ado̱nj.

San Mateo 15:19 ပူးပေါင်းရင်းမြစ်များ

San Mateo 15:20

Ne̱ nu̱ꞌ yoꞌ me se vaa ꞌyaj chiꞌi̱i̱ man yuvii̱ na̱nj ado̱nj. Tza̱j ne̱ cheꞌé nu̱ꞌ se chá yuvii̱ me se caꞌve̱e se ne naꞌyaꞌ yuvii̱ ga̱a chá yuvii̱, tza̱j ne̱ se̱ quiꞌyaj chiꞌi̱i̱ yoꞌ man yuvii̱ maꞌ ―taj Jesús rihaan nij síí tucuꞌyón snana̱ soꞌ a.

San Mateo 5:28

Tza̱j ne̱ cata̱j xnaꞌanj ꞌu̱nj rihaan soj se vaa na̱j guun síí niꞌya̱j niꞌya̱j man ꞌó chana̱ cheꞌé se uun ndoꞌo rá soꞌ coto̱j soꞌ ga̱ noꞌ roꞌ, ase vaa nimán síí otoj ga̱ ꞌó chana̱ né nica̱ me roꞌ, taꞌngaꞌ da̱nj vaa nimán síí niꞌya̱j ndoꞌo man ꞌó chana̱ yoꞌ na̱nj ado̱nj. Ne̱ tumé ya̱ soꞌ cacunꞌ ado̱nj.

San Mateo 9:4

Ne̱ queneꞌen Jesús da̱j nuchruj ra̱a̱ nij soꞌ, ne̱ cheꞌé dan cataj soꞌ a: ―Me cheꞌé avii ndoꞌo nana̱ chiꞌi̱i̱ nimán soj ga̱.

Hechos 8:22

Vaa cheꞌé ca̱nica̱j nimán so̱ꞌ ta̱náj so̱ꞌ tucuáán chiꞌi̱i̱ noco̱ꞌ so̱ꞌ nihánj, ga̱a ne̱ cachi̱nj ni̱ꞌyáá so̱ꞌ rihaan Yaꞌanj Si̱j ꞌNi̱j Raꞌa man níꞌ sese xraj ne̱ caꞌve̱j rá soꞌ tinavi̱j soꞌ cacunꞌ tumé so̱ꞌ nda̱a vaa guun rá so̱ꞌ á.

Romanos 7:18

Neꞌenj se vaa taj se ꞌyáꞌ quiꞌya̱j nee̱ manj se sa̱ꞌ maꞌ. Dan me se me raj qui̱ꞌyáj se sa̱ꞌ, tza̱j ne̱ naꞌvee quiꞌya̱j nee̱ manj se sa̱ꞌ maꞌ. Ne̱ se chiꞌi̱i̱ naꞌvej raj qui̱ꞌyáj roꞌ, ꞌyáj, ꞌyaj nee̱ manj ado̱nj.