San Mateo 15:11 - Triqui de San Juan Copala

¹¹ Né se atúj tuꞌva yuvii̱ me se ꞌyaj chiꞌi̱i̱ man yuvii̱ maꞌ. Se avii tuꞌva yuvii̱ roꞌ, ꞌyaj chiꞌi̱i̱ man yuvii̱ ado̱nj ―taj Jesús rihaan nij yuvii̱ a.

San Mateo 15:11 ပူးပေါင်းရင်းမြစ်များ

San Mateo 15:10

Ga̱a ne̱ canacúún Jesús man nij yuvii̱ ri̱i̱ caꞌna̱ꞌ nij yuvii̱ rihaan soꞌ a. Ga̱a ne̱ cataj soꞌ rihaan nij yuvii̱ a: ―Cuno̱ soj nana̱ nihánj, ne̱ xca̱j soj cuentá á.

San Mateo 15:12

Ga̱a ne̱ cuchiꞌ nij síí tucuꞌyón snana̱ Jesús rihaan Jesús, ne̱ cataj nij soꞌ a: ―Neꞌén so̱ꞌ se vaa caꞌmaan rá nij síí fariseo cheꞌé nana̱ caꞌmii so̱ꞌ rihaan nij soꞌ naꞌ ―taj nij soꞌ, xnáꞌanj nij soꞌ man Jesús a.

San Marcos 7:15

A̱ doj rasu̱u̱n atúj tuꞌva yuvii̱ se̱ caꞌvee quiꞌya̱j chiꞌi̱i̱ nimán yuvii̱ maꞌ. Tana̱nj se avii nimán yuvii̱ roꞌ, ꞌyaj chiꞌi̱i̱ nimán yuvii̱ ado̱nj.

Romanos 14:14

Cheꞌé se noco̱ꞌ ꞌu̱nj man Jesús Si̱j ꞌNi̱j Raꞌa man níꞌ, ne̱ guun ya̱ raj se vaa a̱ ꞌó rasu̱u̱n ne yuꞌva̱ꞌ ta̱ꞌaꞌ maꞌ. Tza̱j ne̱ sese vaa ꞌo̱ soꞌ uun rá se vaa cacu̱nꞌ cha̱ níꞌ ꞌo̱ rasu̱u̱n, ne̱ ya̱ uxrá cacu̱nꞌ cha̱ soꞌ a.

Romanos 14:17

ꞌO̱ se nica̱j yuꞌunj Yaꞌanj man níꞌ, ne̱ cheꞌé dan se̱ nanó rá níꞌ cheꞌé se cha̱ níꞌ do̱ꞌ, cheꞌé se coꞌo̱ níꞌ do̱ꞌ maꞌ. Tza̱j ne̱ xca̱j níꞌ cuentá cheꞌé tinúú níꞌ á. ꞌO̱ se xa̱ꞌ suun uun chij Yaꞌanj nimán níꞌ, tza̱j ne̱ né cheꞌe̱ se chá níꞌ do̱ꞌ, né cheꞌe̱ se coꞌo níꞌ do̱ꞌ, me yoꞌ maꞌ. Ma̱an se cheꞌé rej cunu̱u sa̱ꞌ nimán níꞌ ne̱ cheꞌé rej ga̱a̱ xe̱j nimán níꞌ ne̱ cheꞌé rej gu̱un niha̱ꞌ rá nimán níꞌ quiꞌya̱j Nimán Yaꞌanj me yoꞌ a.

Romanos 14:20

Dan me se quiꞌyaj suun Yaꞌanj nimán tinúú so̱ꞌ, ne̱ cheꞌé dan se̱ caꞌvej rá so̱ꞌ quiri̱ꞌ rá tinúú so̱ꞌ cheꞌé se chá maꞌ. Neꞌen níꞌ se vaa sa̱ꞌ vaa da̱j a̱ rasu̱u̱n quiꞌyaj Yaꞌanj cha̱ yuvii̱ do̱ꞌ, coꞌo̱ yuvii̱ do̱ꞌ, tza̱j ne̱ sese yuꞌva̱ꞌ cha̱ꞌ ꞌo̱ rasu̱u̱n rá ꞌo̱ soꞌ, ne̱ cacu̱nꞌ cha̱ soꞌ man yoꞌ ado̱nj.

1 Timoteo 4:3

Ne̱ tucuꞌyón nij síí ne̱ rihaan yuvii̱ se vaa ne no xcúún yuvii̱ xca̱j yuvii̱ chana̱, ne̱ cacunꞌ me yoꞌ, taj nij soꞌ a. Ne̱ tucuꞌyón nij soꞌ se vaa ne no xcúún yuvii̱ cha̱ yuvii̱ taꞌa̱j se chá uún a. Tza̱j ne̱ ꞌo̱ se nu̱ꞌ nij rasu̱u̱n ma̱n rihaan yoꞌóó me se rasu̱u̱n chá níꞌ taj níꞌ guun niꞌya̱j níꞌ rihaan Yaꞌanj me yoꞌ, rá Yaꞌanj, dan araa soꞌ rasu̱u̱n yoꞌ rihaan yoꞌóó cheꞌé nij síí amán rá nana̱ ya̱ ado̱nj.

Tito 1:15

Dan me se xa̱ꞌ yuvii̱ vaa sa̱ꞌ nimán, tza̱j ne̱ sa̱ꞌ vaa cunuda̱nj rasu̱u̱n rihaan nij soꞌ, ne̱ xa̱ꞌ yuvii̱ vaa chiꞌi̱i̱ nimán, tza̱j ne̱ da̱j a̱ rasu̱u̱n ruviꞌ niꞌya̱j nij síí chiꞌi̱i̱ síí ne amán rá niꞌya̱j man Cristó roꞌ, chiꞌi̱i̱ vaa ta̱ranꞌ rasu̱u̱n rihaan nij soꞌ na̱nj ado̱nj. Síí vaa da̱nj roꞌ, quiriꞌ raa̱ nij soꞌ do̱ꞌ, nimán nij soꞌ do̱ꞌ, ne̱ ne acaj nij soꞌ cuentá a̱ maꞌ.

Hebreos 13:9

Se̱ caꞌvej soj tiha̱ꞌ yuꞌunj nii man soj ga̱ me maꞌa̱n ꞌó tucuáán naca̱ maꞌ. ꞌO̱ se a̱j sa̱ꞌ uxrá vaa sese nari̱ꞌ nucuaj nimán soj cheꞌé se lu̱j quiꞌyaj Cristó ga̱ níꞌ ado̱nj. Tza̱j ne̱ se̱ nariꞌ nucuaj nimán soj quiꞌya̱j tucuáán cheꞌé se chá maꞌ. ꞌO̱ se se̱ cavii sa̱ꞌ nij síí noco̱ꞌ tucuáán yoꞌ maꞌ.

2 Pedro 2:18

Dan me se aꞌmii xta̱ꞌ ndoꞌo nij soꞌ nana̱ nij rmaꞌa̱n, ne̱ uno nij síí tiha̱j uun yaníj rihaan nij síí ne acaj cuentá ma̱n rihaan chumii̱ nihánj, tza̱j ne̱ nanica̱j nij soꞌ, ne̱ tanáj nij soꞌ chrej sa̱ꞌ, ne̱ ꞌyaj uún nij soꞌ se chiꞌi̱i̱ nda̱a vaa me rá maꞌa̱n nij soꞌ quiꞌya̱j nij soꞌ a.