San Mateo 14:9 - Triqui de San Juan Copala

⁹ Ga̱a ne̱ quinanó ndoꞌo rá Herodes yoꞌ ga̱a cuno soꞌ nana̱ yoꞌ a. Quinanó rá soꞌ se vaa cuno cunuda̱nj nij síí caꞌnaꞌ nana̱ caꞌmii soꞌ se vaa rque̱ soꞌ me maꞌa̱n rasu̱u̱n rihaan chana̱ ya̱a̱n yoꞌ a. Tza̱j ne̱ cataj ya̱ soꞌ se vaa ni̱caj ya̱ chana̱ ya̱a̱n se vaa cachíín noꞌ rihaan soꞌ na̱nj ado̱nj.

San Mateo 14:9 ပူးပေါင်းရင်းမြစ်များ

San Mateo 14:1

Dan me se cachén do̱j güii, ga̱a ne̱ cuchiꞌ nana̱ rihaan síí nica̱j suun cuꞌna̱j Herodes cheꞌé nu̱ꞌ se vaa quiꞌyaj Jesús a.

San Mateo 14:10

Ne̱ caꞌneꞌ soꞌ suun rihaan tanuu caꞌa̱nj tanuu tagaꞌ caꞌne̱ꞌ tanuu cúú yave̱ Juan a. Ne̱ da̱nj quiꞌyaj nij tanuu a.

San Mateo 14:5

Cheꞌé se vaa cataj Juan rihaan soꞌ roꞌ, cheꞌé dan guun ndoꞌo rá Herodes cavi̱ꞌ Juan a. Tza̱j ne̱ cuchuꞌviꞌ soꞌ se vaa caꞌma̱an rá nij yuvii̱ a. ꞌO̱ se síí nataꞌ snana̱ Yaꞌanj me Juan, rá nij yuvii̱ a.

San Mateo 14:8

Dan me se cataj xnaꞌanj chana̱ cuꞌna̱j Herodías rihaan taꞌníí noꞌ da̱j cata̱j noꞌ rihaan Herodes, ga̱a ne̱ canicunꞌ chana̱ ya̱a̱n yoꞌ rihaan Herodes, quiꞌyaj nii noꞌ a. Ne̱ cataj chana̱ ya̱a̱n yoꞌ a: ―Caꞌne̱j so̱ꞌ cúú yave̱ síí cuꞌna̱j Juan rque agaꞌ rcoꞌo̱o, ne̱ rque̱ so̱ꞌ manj nihánj á ―taj chana̱ ya̱a̱n yoꞌ rihaan Herodes, quiꞌyaj nii noꞌ a.

San Marcos 6:14

Dan me se cuchiꞌ nana̱ rihaan rey Herodes cheꞌé nu̱ꞌ se vaa quiꞌyaj Jesús, cheꞌé se nu̱ꞌ cachra̱ꞌ chaꞌnuu̱ ndoꞌo nana̱ cheꞌé Jesús a. ꞌO̱ se cataj taꞌa̱j nij yuvii̱ a: ―Jesús me Juan Síí Cutaꞌ Ne man yuvii̱ se vaa cunuu iꞌna̱ꞌ ya̱ uún soꞌ, ne̱ cheꞌé dan uun nucua̱j soꞌ ꞌyaj soꞌ suun sa̱ꞌ noco̱o yoꞌ na̱nj ado̱nj ―taj taꞌa̱j nij yuvii̱ a.

San Marcos 6:20

ꞌO̱ se cuchuꞌviꞌ Herodes niꞌya̱j soꞌ man Juan, cheꞌé se queneꞌen Herodes se vaa síí nica̱ rá síí sa̱ꞌ nimán rihaan Yaꞌanj me Juan, ne̱ cheꞌé dan caráán Herodes rihaan se chiꞌi̱i̱ cheꞌé Juan a. Dan me se ga̱a cuno Herodes snana̱ Juan, ne̱ nitunj ndoꞌo nimán soꞌ, tza̱j ne̱ guun niha̱ꞌ rá soꞌ caꞌmi̱i̱ Juan rihaan soꞌ a.

San Marcos 6:26

Ga̱a ne̱ nanó ndoꞌo rá síí nica̱j suun rey se vaa cachíín noꞌ man soꞌ, tza̱j ne̱ cheꞌé se a̱j cutaꞌ soꞌ raa̱ Yaꞌanj ne̱ a̱j cuno ta̱ranꞌ nij síí ya̱nj rihaan mesá ga̱ soꞌ, ne̱ cheꞌé dan ne caꞌve̱j rá soꞌ tari̱ꞌ soꞌ snana̱ soꞌ se vaa se̱ quiꞌyaj soꞌ nda̱a vaa taj chana̱ ya̱a̱n yoꞌ rihaan soꞌ a.

San Lucas 13:32

Ga̱a ne̱ cataj Jesús rihaan nij soꞌ a: ―Ase vaa chunee avii ndoꞌo raa̱ quiꞌya̱j sayuun vaa Herodes, ne̱ caꞌa̱nj soj, ne̱ cata̱j soj rihaan soꞌ se vaa ꞌu̱nj me se rii ꞌu̱nj nana̱ chre̱e nimán nij yuvii̱, ne̱ naquiꞌyaj sa̱ꞌ ꞌu̱nj man nij síí ranꞌ, ne̱ ꞌo̱ güii cuanꞌ ne̱ ꞌo̱ güii aꞌyuj ne̱ rque vaꞌnu̱j gue̱e̱ güii qui̱ꞌyáá ꞌu̱nj se‑su̱nj, ne̱ veé da̱nj quisi̱j se‑su̱nj, qui̱ꞌyáj na̱nj ado̱nj.