San Mateo 14:20 - Triqui de San Juan Copala

²⁰ Ga̱a ne̱ chá ta̱ranꞌ nij yuvii̱, ne̱ caraa rque cunuda̱nj nij soꞌ, ne̱ nda̱a quináj ndoꞌo se chá a. Ga̱a ne̱ naquiꞌyaj chre̱ꞌ nii man se quináj tuꞌva nij yuvii̱, ne̱ caraa ꞌó chuvi̱j ya̱ scaa a.

San Mateo 14:20 ပူးပေါင်းရင်းမြစ်များ

San Mateo 14:21

Ne̱ nij snóꞌo rqué Jesús rachrúún me se ꞌu̱nꞌ míj snóꞌo me nij soꞌ, ne̱ ne quiꞌya̱j contá nii man chana̱ ga̱ xnii maꞌ.

San Mateo 15:33

Ne̱ cataj nij síí tucuꞌyón snana̱ soꞌ rihaan soꞌ a: ―ꞌO̱ se rcoꞌ tacaan u̱u̱n me nihánj, ne̱ me rej quiri̱ꞌ níꞌ rachrúún cha̱ cunuda̱nj nij yuvii̱ nihánj ga̱ ―taj nij soꞌ a.

San Mateo 5:6

’Cavi̱i̱ sa̱ꞌ ta̱ranꞌ nij síí me ndoꞌo rá cunu̱u sa̱ꞌ nimán ado̱nj. ꞌO̱ se cunu̱u sa̱ꞌ maꞌa̱n nij soꞌ vaa güii, quiꞌya̱j Yaꞌanj ado̱nj.

San Lucas 1:53

Nij síí naꞌaan rque roꞌ, rqué Yaꞌanj chá nij soꞌ, ne̱ nij ruꞌvee roꞌ, cunuu nique̱ nij soꞌ, quiꞌyaj Yaꞌanj a.

San Lucas 9:17

Ga̱a ne̱ chá ta̱ranꞌ nij yuvii̱, ne̱ caraa rque nij soꞌ ne̱ nda̱a quináj ndoꞌo se chá a. Ga̱a ne̱ naquiꞌyaj chre̱ꞌ nij soꞌ nu̱ꞌ se quináj tuꞌva yuvii̱, ne̱ caraa nij soꞌ ꞌó cunu̱ꞌ chuvi̱j scaa a.

San Juan 6:7

Dan me se cataj Felipé rihaan Jesús a: ―A̱ saꞌanj vaa tuꞌvee yuvii̱ ꞌyaj suun tu̱nj yavii se̱ quisíj quiri̱ꞌ nij soꞌ do̱j rachrúún cha̱ nij soꞌ a̱ maꞌ ―taj soꞌ a.