San Mateo 14:16 - Triqui de San Juan Copala

¹⁶ ―Taj cheꞌé caꞌa̱nj nij yuvii̱ maꞌ. Ma̱an se rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a.

San Mateo 14:16 ပူးပေါင်းရင်းမြစ်များ

San Mateo 14:15

Dan me se cachén ndoꞌo orá, ne̱ nanij güii, ne̱ cuchiꞌ nij síí tucuꞌyón snana̱ Jesús rihaan soꞌ, ne̱ cataj nij soꞌ a: ―Rcoꞌ tacaan u̱u̱n me nihánj, ne̱ cachén ndoꞌo orá na̱nj ado̱nj. Qui̱ꞌyáá so̱ꞌ se ndoꞌo, ne̱ naꞌne̱j so̱ꞌ chrej man nij yuvii̱ ri̱i̱, caꞌa̱nj nij soꞌ chumanꞌ quira̱a̱n nij soꞌ se cha̱ nij soꞌ á ―taj nij soꞌ rihaan Jesús a.

San Mateo 14:17

―Tza̱j ne̱ taj se chá rihaan núj maꞌ. Ma̱an o̱rúnꞌ ꞌu̱nꞌ rachrúún do̱ꞌ, vi̱j gue̱e̱ xcuaj do̱ꞌ, vaa rihaan núj na̱nj á ―taj nij soꞌ rihaan Jesús a.

San Lucas 3:11

Ga̱a ne̱ cataj Juan rihaan nij soꞌ a: ―Síí vaa vi̱j se‑co̱toó roꞌ, rque̱ u̱u̱n soꞌ ꞌo̱ cotoó man síí nuviꞌ se‑co̱toó á. Ne̱ síí vaa se chá rihaan roꞌ, rque̱ soꞌ do̱j se chá man síí nuviꞌ se chá rihaan á ―da̱nj cataj Juan rihaan nij soꞌ a.

San Juan 13:29

Dan me se cheꞌé se si̱j tumé saꞌanj me Judas, cheꞌé dan guun rá taꞌa̱j nij soꞌ se vaa caꞌneꞌ Jesús suun rihaan soꞌ quira̱a̱n soꞌ se vaa cachi̱in rihaan nij soꞌ cheꞌé chaꞌanj do̱ꞌ, ase rque̱ soꞌ do̱j saꞌanj rihaan nij síí nique̱ do̱ꞌ a.