San Mateo 13:47 - Triqui de San Juan Copala

⁴⁷ ’Ne̱ ase vaa nanj taꞌaa xcuaj roꞌ, da̱nj vaa uun chij Yaꞌanj a. Dan me se tiguíj yuvii̱ nanj rque na, ne̱ da̱j a̱ xcuaj atúj rque nanj yoꞌ a.

San Mateo 13:47 ပူးပေါင်းရင်းမြစ်များ

San Mateo 13:44

’Ase vaa ꞌo̱ chrúún saꞌanj ꞌni̱j yuve̱ rque yoꞌóó roꞌ, da̱nj vaa uun chij Yaꞌanj ado̱nj. Dan me se nariꞌ ꞌo̱ snóꞌo man chrúún saꞌanj yoꞌ, ga̱a ne̱ naráán uún soꞌ yoꞌóó xráá yoꞌ, ne̱ guun niha̱ꞌ uxrá rá soꞌ cheꞌé chrúún saꞌanj nariꞌ soꞌ, ne̱ caꞌanj soꞌ cutuꞌvéj soꞌ nu̱ꞌ siꞌyaj soꞌ, ne̱ nica̱j soꞌ saꞌanj, caꞌanj soꞌ, quiránj soꞌ nu̱ꞌ yoꞌóó ꞌni̱j chrúún saꞌanj yoꞌ na̱nj ado̱nj.

San Mateo 13:46

Dan me se nariꞌ síí naránj natuꞌvéj yoꞌ ꞌo̱ chruj perlá tuꞌve̱e̱ uxrá, ga̱a ne̱ caꞌanj soꞌ cutuꞌvéj soꞌ cunuda̱nj siꞌyaj soꞌ, ne̱ nica̱j soꞌ saꞌanj, quiránj soꞌ man chruj perlá tuꞌve̱e̱ uxrá yoꞌ na̱nj ado̱nj.

San Mateo 13:48

Nda̱a síj ga̱a caraa nanj yoꞌ, ga̱a ne̱ cuxuun nij yuvii̱ man nanj yoꞌ nda̱a tuꞌva na, ga̱a ne̱ caꞌanj ca̱yáán nij soꞌ rihaan yoꞌóó, ne̱ narii nij soꞌ xcuaj sa̱ꞌ, ne̱ narii nij soꞌ xcuaj nij uún a. Ga̱a ne̱ xcuaj sa̱ꞌ roꞌ, caraa nij soꞌ rá scaa a. Tza̱j ne̱ xcuaj nij roꞌ, quiriꞌíj u̱u̱n nij soꞌ man yoꞌ na̱nj ado̱nj.

San Mateo 4:19

Ne̱ cataj Jesús rihaan ro̱j soꞌ a: ―Canoco̱ꞌ ro̱j so̱j manj á. ꞌO̱ se síí naquiꞌyaj chre̱ꞌ xcuaj me ro̱j so̱j, tza̱j ne̱ rej riha̱a̱n níꞌ me se gu̱un ro̱j so̱j síí naquiꞌyaj chre̱ꞌ yuvii̱, qui̱ꞌyáj, ne̱ canoco̱ꞌ nij yuvii̱ manj a ―taj Jesús rihaan ro̱j tinu̱j ro̱j soꞌ a.

San Marcos 1:17

Ga̱a ne̱ cataj Jesús rihaan ro̱j soꞌ a: ―Canoco̱ꞌ ro̱j so̱j manj á. ꞌO̱ se síí naquiꞌyaj chre̱ꞌ xcuaj me ro̱j so̱j, tza̱j ne̱ rej riha̱a̱n níꞌ me se gu̱un ro̱j so̱j síí naquiꞌyaj chre̱ꞌ yuvii̱, qui̱ꞌyáj, ne̱ canoco̱ꞌ nij yuvii̱ manj a ―taj Jesús a.

San Lucas 5:10

Ne̱ caꞌanj rá síí cuꞌna̱j Jacobo do̱ꞌ, Juan do̱ꞌ, cheꞌé xcuaj a. Ne̱ tuvi̱ꞌ Simón me ro̱j soꞌ, ne̱ taꞌníí síí cuꞌna̱j Zebedeo me ro̱j soꞌ a. Ne̱ dan me se cataj Jesús rihaan Simón a: ―Se̱ cuchuꞌvíꞌ so̱ꞌ maꞌ. ꞌO̱ se síí naquiꞌyaj chre̱ꞌ xcuaj mé so̱ꞌ, tza̱j ne̱ rej rihaan níꞌ me se guún so̱ꞌ síí naquiꞌya̱j chre̱ꞌ yuvii̱ canoco̱ꞌ yuvii̱ manj na̱nj á ―taj Jesús rihaan Simón a.

San Juan 15:2

Ne̱ a̱ me maꞌa̱n ꞌo̱ raꞌa chruun yoꞌ ne rii chruj uvá, ne̱ aꞌnéj soꞌ man raꞌa yoꞌ na̱nj ado̱nj. Tza̱j ne̱ raꞌa chruun ma̱n chruj uvá raa̱ me se veꞌé aꞌneꞌ soꞌ man yoꞌ, ga̱a ne̱ cuma̱n doj chruj uvá raa̱ yoꞌ na̱nj ado̱nj.

San Juan 15:6

Sese se̱ caꞌvej rá ꞌo̱ soꞌ ꞌo̱ cu̱nuû rá nimán soꞌ manj, ne̱ quiriꞌi̱j nii man soꞌ, nda̱a vaa ꞌyaj nii man raꞌa chruun yoꞌ a. Ne̱ canaco̱o̱ yoꞌ, ne̱ naquiꞌya̱j chre̱ꞌ nii man nij raꞌa chruun yoꞌ, ne̱ quiriꞌi̱j nii man nij yoꞌ rihaan yaꞌan na̱nj ado̱nj. Dan me se caca̱a̱ nu̱ꞌ nij síí vaa da̱nj na̱nj ado̱nj.

Hechos 20:30

Ne̱ nda̱a tuviꞌ maꞌa̱n ya̱ soj me síí gu̱un cheꞌe̱ tuguáj nij soꞌ nana̱ ya̱, cheꞌé se gu̱un rá nij soꞌ canoco̱ꞌ nij síí tucuꞌyón snana̱ Jesucristó man maꞌa̱n nij soꞌ a.

1 Corintios 11:19

ꞌO̱ se cuna̱j uxrá vaa cuxraꞌ taꞌa̱j soj man maꞌa̱n soj a̱ xe̱e̱. Ne̱ ya̱j me se xca̱j níꞌ cuentá ni̱ꞌyaj níꞌ me tuviꞌ soj me síí noco̱ꞌ ya̱ man Cristó raj ado̱nj.

2 Corintios 11:26

Dan me se a̱j cachéé ndoꞌoj nu̱ꞌ nij chrej, ne̱ vaa ndoꞌo sayuun quiránꞌ ꞌu̱nj rihaan chráá do̱ꞌ, cheꞌé síí itu̱u̱ do̱ꞌ, cheꞌé nij síí israelitá ne nocoꞌ man Cristó do̱ꞌ, cheꞌé nij síí yaníj do̱ꞌ, rej chumanꞌ ma̱n ndoꞌo yuvii̱ do̱ꞌ, rej tacaan naco̱o̱ do̱ꞌ, rihaan na yaꞌa̱nj do̱ꞌ, cheꞌé nij síí tihaꞌ yuꞌunj manj se vaa tinúj me nij soꞌ do̱ꞌ a.

Gálatas 2:4

Tza̱j ne̱ do̱j nij síí tihaꞌ yuꞌunj taj se vaa tinúú níꞌ me nij soꞌ, tza̱j ne̱ taj maꞌ. Dan me se catúj yuve̱ nij soꞌ rej nuu chre̱ꞌ núj cheꞌé rej xca̱j nij soꞌ cuentá da̱j ꞌyaj núj a. ꞌO̱ se vaa yaꞌnúj rihaan níꞌ canoco̱ꞌ níꞌ man Cristó Jesús, ne̱ taj cheꞌé canoco̱ꞌ níꞌ nu̱ꞌ stucua̱nj Moisés nda̱a vaa guun rá nij síí tihaꞌ yuꞌunj quiꞌya̱j níꞌ a̱ maꞌ.

Apocalipsis 3:1

Ga̱a ne̱ cataj uún soꞌ rihanj a: ―Nana̱ nihánj me nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Sardis a: “Dan me se nihánj me nana̱ aꞌmii ꞌu̱nj si̱j nica̱j Nimán Yaꞌanj do̱ꞌ, chi̱j nij yatiꞌ do̱ꞌ, rihaan soj si̱j ma̱n chumanꞌ Sardis, ne̱ Nimán Yaꞌanj roꞌ, vaa gue̱e̱ soꞌ, ne̱ chi̱j ya̱ se nucua̱j nica̱j soꞌ a. Neꞌén ꞌu̱nj da̱j ꞌyaj nij soj, ne̱ dan me se síí vaa iꞌna̱ꞌ ya̱ nimán me soj, rá yuvii̱, tza̱j ne̱ ase vaa síí caviꞌ nimán vaa soj rihanj na̱nj ado̱nj.