San Mateo 13:27 - Triqui de San Juan Copala

²⁷ Cheꞌé dan cuchiꞌ nij se‑mo̱zó síí toꞌo̱j yoꞌ rihaan síí toꞌo̱j, ne̱ cataj xnaꞌanj nij soꞌ rihaan soꞌ, cataj nij soꞌ a: “Ya̱ ina̱nj ꞌnúú trigó sa̱ꞌ tixꞌnuú so̱ꞌ naꞌ. Me rej cavii coj chiꞌi̱i̱ nihánj ga̱”, taj nij mozó rihaan síí toꞌo̱j yoꞌ a.

San Mateo 13:27 ပူးပေါင်းရင်းမြစ်များ

San Mateo 13:25

Dan me se quisíj tixꞌnuu̱ soꞌ ꞌnúú trigó yoꞌ, ne̱ rej nii̱ orá otoj yuvii̱ catúj ꞌo̱ síí ta̱j riꞌyunj man soꞌ toꞌóó soꞌ, ne̱ tixꞌnuu̱ síí chiꞌi̱i̱ yoꞌ caân coj chiꞌi̱i̱ rihaan yoꞌóó na̱j ꞌnúú trigó yoꞌ, ne̱ veé dan me se caꞌanj uún soꞌ a.

San Mateo 13:26

Dan me se xraꞌ ꞌnúú trigó xraꞌ coj xraꞌ, ga̱a ne̱ cayón caa raa̱ ꞌnúú trigó do̱ꞌ, raa̱ coj do̱ꞌ, ne̱ xcaj nij se‑mo̱zó síí toꞌo̱j yoꞌ cuentá se vaa né ꞌnu̱j trigó me nu̱ꞌ naa̱ a. Ma̱an se ma̱n uxrá coj rque naa̱ yoꞌ na̱nj ado̱nj.

San Mateo 13:28

Ga̱a ne̱ cataj soꞌ rihaan nij se‑mo̱zó soꞌ a: “Síí ta̱j riꞌyunj manj me síí tixꞌnuu̱ caân coj chiꞌi̱i̱ rihaan toꞌój ado̱nj”, taj soꞌ rihaan nij se‑mo̱zó soꞌ a. Ga̱a ne̱ cataj nij se‑mo̱zó soꞌ a: “Me rá so̱ꞌ riha̱a̱ núj coj chiꞌi̱i̱ ne̱ naquiꞌya̱j chre̱ꞌ núj coj chiꞌi̱i̱ naꞌ”, taj nij mozó rihaan ruꞌvee yoꞌ a.

San Mateo 20:1

’Ase vaa quiꞌyaj ꞌo̱ síí toꞌo̱j rej ma̱n ndoꞌo coj chruj uvá roꞌ, da̱nj vaa uun chij Yaꞌanj ado̱nj. Dan me se síí toꞌo̱j yoꞌ roꞌ, rej taxre̱j curiha̱nj soꞌ nano̱ꞌ soꞌ síí quiꞌya̱j suun rihaan toꞌóó soꞌ rej ma̱n coj chruj uvá yoꞌ a.

Romanos 16:17

Chrej nucua̱j me narque̱j rihaan soj nihánj, tinu̱j, nocoj. Dan me se vaa yuvii̱ me rá quixra̱ꞌ taꞌa̱j soj ga̱ tinúú soj cheꞌé tucuáán a̱j nariꞌ soj, ne̱ gu̱un naꞌa̱j soj cheꞌé stucua̱nj Yaꞌanj, quiꞌya̱j nij soꞌ, ne̱ cheꞌé dan gu̱un yaníj soj rihaan yuvii̱ ꞌyaj da̱nj á.

1 Corintios 16:10

Tza̱j ne̱ sese cuchi̱ꞌ síí cuꞌna̱j Timoteo rihaan soj, ne̱ veꞌé caꞌmi̱i̱ soj ga̱ soꞌ, ga̱a ne̱ gu̱un niha̱ꞌ rá soꞌ ga̱ soj á. ꞌO̱ se ase vaa ꞌyáá ꞌu̱nj se‑su̱u̱n Síí ꞌNi̱j Raꞌa man níꞌ, taꞌngaꞌ da̱nj vaa ꞌyaj maꞌa̱n soꞌ ado̱nj.

2 Corintios 6:1

Dan me se ꞌyaj núj suun caꞌneꞌ Yaꞌanj rihaan núj, ne̱ cheꞌé dan rquee̱ núj man soj se vaa se̱ quiriꞌíj yaníj soj se lu̱j quiꞌyaj Yaꞌanj cheꞌé soj maꞌ.

2 Corintios 6:4

ꞌO̱ se me rá núj ni̱ꞌyaj nii man núj ne̱ cata̱j nii se vaa ya̱ ya̱ si̱j ꞌyaj se‑su̱u̱n Yaꞌanj me núj, ne̱ cheꞌé dan nda̱ꞌ se ranꞌ núj sayuun, tza̱j ne̱ vaa ina̱j nimán núj na̱nj ado̱nj. Dan me se ranꞌ núj sayuun, ne̱ achiin rasu̱u̱n man núj, ne̱ chuꞌviꞌ nimán núj, ne̱ oꞌ nii cuartá xráá núj, ne̱ axríj nii tagaꞌ man núj, ne̱ nuu chre̱ꞌ nii quiꞌya̱j nii sayuun man núj a. Ne̱ ꞌyaj suun ndoꞌo núj cheꞌé yan quiꞌya̱j canaán núj cha̱ núj, ne̱ vaa güii narii ndoꞌo núj nej, ne̱ vaa güii, ne̱ ne vaa yaꞌnúj rihaan núj cha̱ núj, tza̱j ne̱ vaa ina̱j nimán núj, ne̱ ne aꞌneꞌ rá núj a̱ maꞌ.

Santiago 4:4

Ne̱ ase vaa chana̱ otoj ga̱ ꞌó snóꞌo roꞌ, da̱nj vaa soj, ne̱ ne nocoꞌ ya̱ nimán soj man Yaꞌanj a̱ maꞌ. Xca̱j soj cuentá se vaa síí me rá cavi̱i̱ sa̱ꞌ ina̱nj rihaan chumii̱ nihánj roꞌ, soꞌ me síí ta̱j riꞌyunj man Yaꞌanj ado̱nj. Ya̱ uxrá á.