San Mateo 12:14 - Triqui de San Juan Copala

¹⁴ Dan me se curiha̱nj nij síí fariseo rá veꞌ yoꞌ, ne̱ caꞌanj nij soꞌ rej yaníj, ne̱ nuchruj ra̱a̱ ta̱ranꞌ nij soꞌ da̱j ga̱a̱ quiꞌya̱j nij soꞌ ne̱ cavi̱ꞌ Jesús a.

San Mateo 12:14 ပူးပေါင်းရင်းမြစ်များ

San Mateo 26:4

Ne̱ ꞌo̱ guun rá cunuda̱nj nij soꞌ se vaa tiha̱ꞌ yuꞌunj nij soꞌ man Jesús, ne̱ ta̱ꞌaa nij soꞌ man Jesús, ne̱ cavi̱ꞌ Jesús, quiꞌya̱j nij soꞌ, rá nij soꞌ a.

San Mateo 27:1

Rej ranga̱ꞌ nuchruj ra̱a̱ ta̱ranꞌ nij xrej ata̱ suun noco̱o do̱ꞌ, nij síí uun chij rihaan nij yuvii̱ israelitá do̱ꞌ, da̱j quiꞌya̱j nij soꞌ, ne̱ cavi̱ꞌ Jesús a.

San Marcos 14:1

Dan me se rque vi̱j güii ca̱nuû Chaꞌanj Pascuá chaꞌanj chá nij yuvii̱ israelitá rachrúún ne atúj levadura, ne̱ dan me se ꞌo̱ guun rá nij xrej ata̱ suun noco̱o ga̱ nij síí naquiꞌyaj cu̱u stucua̱nj Moisés se vaa tiha̱ꞌ yuꞌunj nij soꞌ man Jesús, ne̱ ta̱ꞌaa yuve̱ nij soꞌ man Jesús, ne̱ cavi̱ꞌ Jesús, quiꞌya̱j nij soꞌ, rá nij soꞌ a.

San Marcos 3:6

Ga̱a nu̱ꞌ curiha̱nj nij síí fariseo yoꞌ, ne̱ cunuu chre̱ꞌ nij soꞌ ga̱ nij síí noco̱ꞌ man síí cuꞌna̱j Herodes, ne̱ nuchruj ra̱a̱ ta̱ranꞌ nij soꞌ da̱j ga̱a̱ quiꞌya̱j nij soꞌ ne̱ cavi̱ꞌ Jesús a.

San Lucas 22:2

Ne̱ nanoꞌ nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, da̱j quiꞌya̱j nij soꞌ ne̱ cavi̱ꞌ yuve̱ Jesús a. ꞌO̱ se naꞌvej rá nij soꞌ ta̱ꞌaa riha̱a̱n nij soꞌ man Jesús cheꞌé se chuꞌviꞌ nij soꞌ niꞌya̱j nij soꞌ man nij yuvii̱ uno snana̱ soꞌ a.

San Lucas 6:11

Tza̱j ne̱ cuyanj rá nij síí naquiꞌyaj cu̱u stucua̱nj Moisés ga̱ nij síí fariseo, ne̱ caꞌmii nij soꞌ ga̱ tuviꞌ nij soꞌ da̱j ga̱a̱ quiꞌya̱j chiꞌi̱i̱ nij soꞌ man Jesús a.

San Juan 10:31

Ga̱a ne̱ taꞌaa uún nij síí uun chij rihaan nij yuvii̱ israelitá yahij go̱ꞌ nij soꞌ man Jesús a.

San Juan 10:39

Cheꞌé dan guun rá uún nij soꞌ ta̱ꞌaa nij soꞌ man Jesús, tza̱j ne̱ nanii soꞌ rihaan nij soꞌ a.

San Juan 11:53

Dan me se ma̱an güii dan me se guun cheꞌe̱ nij síí fariseo do̱ꞌ, nij xrej ata̱ suun noco̱o do̱ꞌ, nuchruj ra̱a̱ nij soꞌ da̱j quiꞌya̱j nij soꞌ, ga̱a ne̱ cavi̱ꞌ Jesús a.

San Juan 11:57

Ne̱ xa̱ꞌ nij xrej ata̱ suun noco̱o do̱ꞌ, nij síí fariseo do̱ꞌ, tza̱j ne̱ caꞌneꞌ nij soꞌ suun se vaa sese queneꞌe̱n nij yuvii̱ me rej va̱j Jesús, ga̱a ne̱ cata̱j xnaꞌanj nij yuvii̱ rihaan maꞌa̱n nij soꞌ a. ꞌO̱ se guun rá nij soꞌ ta̱ꞌaa nij soꞌ man Jesús ado̱nj.

San Juan 5:18

Cheꞌé dan doj a̱ nanoꞌ nij soꞌ da̱j quiꞌya̱j nij soꞌ, ga̱a ne̱ caꞌve̱e cavi̱ꞌ Jesús a. ꞌO̱ se né cheꞌe̱ ina̱nj se ne ꞌyaj Jesús tucuáán noco̱ꞌ nij soꞌ cheꞌé güii naránj rá nij soꞌ me guun rá nij soꞌ cavi̱ꞌ Jesús maꞌ. ꞌO̱ se cheꞌé se cataj soꞌ se vaa Rej maꞌa̱n soꞌ me Yaꞌanj, cheꞌé dan guun doj rá nij soꞌ cavi̱ꞌ Jesús na̱nj ado̱nj. Dan me se ase vaa Yaꞌanj vaa maꞌa̱n soꞌ, taj soꞌ a.

San Juan 7:30

Cheꞌé dan nanoꞌ nij soꞌ da̱j quiꞌya̱j nij soꞌ ne̱ ta̱ꞌaa nij soꞌ man Jesús, tza̱j ne̱ a̱ ꞌó nij soꞌ ne ta̱ꞌaa man soꞌ a̱ maꞌ. ꞌO̱ se ataa quisi̱j güii caꞌve̱e quiꞌya̱j nij soꞌ da̱nj man soꞌ a.

San Juan 7:32

Dan me se ga̱a cuno nij síí fariseo se vaa caꞌmii yuve̱ nij yuvii̱ nana̱ dan cheꞌé Jesús, ga̱a ne̱ caꞌnéé nij xrej ata̱ suun noco̱o caꞌnéé nij síí fariseo man tanuu tumé nuvií noco̱o caꞌa̱nj nij tanuu ta̱ꞌaa nij tanuu man Jesús a.

San Juan 7:44

Ne̱ guun rá taꞌa̱j nij soꞌ ta̱ꞌaa nij soꞌ man Jesús, tza̱j ne̱ taj va̱j síí taꞌaa man soꞌ a̱ maꞌ.

San Juan 8:59

Cheꞌé dan taꞌaa nij soꞌ yahij, ne̱ go̱ꞌ nij soꞌ man Jesús, rá nij soꞌ a. Tza̱j ne̱ curiha̱nj yuve̱ soꞌ rej ya̱nj nuvií noco̱o, ne̱ caꞌanj soꞌ a. Dan me se ma̱an tanu̱u̱ scaꞌnúj nij soꞌ cachén Jesús, caꞌanj soꞌ a.