San Mateo 12:12 - Triqui de San Juan Copala

¹² Ne̱ vaa se uun uxrá doj yuvii̱ rihaan matzinj yoꞌ ado̱nj. Cheꞌé dan caꞌve̱e ra̱cuíj yuvii̱ man tuviꞌ yuvii̱ güii naránj rá yuvii̱ á ―taj Jesús rihaan nij síí fariseo yoꞌ a.

San Mateo 12:12 ပူးပေါင်းရင်းမြစ်များ

San Mateo 10:31

ne̱ cheꞌé dan se̱ cuchuꞌviꞌ soj cheꞌé sayuun quiꞌya̱j yuvii̱ man soj maꞌ. ꞌO̱ se uxrá doj vaa yuꞌvee nó soj rihaan xtâj chri̱nꞌ yoꞌ, ꞌyaj Yaꞌanj ado̱nj.

San Mateo 6:26

’Xca̱j soj cuentá da̱j ꞌyaj nij xtâj va̱j xta̱ꞌ, ne̱ ne unô nij xoꞌ ꞌnúú, ne̱ ne rii nij xoꞌ naa̱, ne̱ ne araa nij xoꞌ ꞌnúú rá cuchruu̱, tza̱j ne̱ Rej soj síí nicu̱nꞌ xta̱ꞌ roꞌ, aꞌvee rqué se chá nij xoꞌ na̱nj á. Ne̱ táá a̱ soj, ne̱ sa̱ꞌ doj vaa soj rihaan xtâj neꞌen Yaꞌanj na̱nj ado̱nj.

San Marcos 3:4

Ga̱a ne̱ xnáꞌanj Jesús man nij síí fariseo yoꞌ a: ―No̱ xcúún níꞌ ra̱cuíj níꞌ man tuviꞌ níꞌ güii naránj rá níꞌ naꞌ, ase no̱ xcúún níꞌ quiꞌya̱j chiꞌi̱i̱ níꞌ man tuviꞌ níꞌ xa̱ꞌ. No̱ xcúún níꞌ ti̱nanii níꞌ man tuviꞌ níꞌ rihaan sayuun güii naránj rá naꞌ, ase ni̱ꞌyaj u̱u̱n níꞌ cavi̱ꞌ soꞌ xa̱ꞌ ―taj Jesús rihaan nij soꞌ a. Tza̱j ne̱ dínj tuꞌva nij soꞌ a.

San Lucas 12:24

’Xca̱j soj cuentá da̱j ꞌyaj nij xcaa, ne̱ ne unô nij xoꞌ ꞌnúú, ne̱ ne rii nij xoꞌ naa̱, ne̱ taj se‑cuchru̱u̱ nij xoꞌ, tza̱j ne̱ Yaꞌanj roꞌ, rqué se chá nij xoꞌ ado̱nj. Ne̱ ya̱ sa̱ꞌ doj vaa soj rihaan xcaa niꞌya̱j Yaꞌanj ado̱nj.

San Lucas 14:1

Dan me se ꞌo̱ güii naránj rá nij yuvii̱ israelitá me se catúj Jesús rá veꞌ tucuá ꞌo̱ síí uun chij rihaan nij síí fariseo cha̱ soꞌ, ne̱ nij síí fariseo roꞌ, tumé uxrá man soꞌ da̱j quiꞌya̱j soꞌ a.

San Lucas 6:9

Ga̱a ne̱ cataj Jesús rihaan nij síí uun chiꞌi̱i̱ rá a: ―Cuano̱ nihánj me se xna̱ꞌanj ꞌu̱nj man soj cheꞌé güii naránj rá na̱nj á. No̱ xcúún níꞌ ra̱cuíj níꞌ tuviꞌ níꞌ naꞌ. Ase no̱ xcúún níꞌ quiꞌya̱j chiꞌi̱i̱ níꞌ man tuviꞌ níꞌ xa̱ꞌ. Da̱j quiꞌya̱j níꞌ rá soj ga̱. Ne nó xcúún níꞌ ti̱nanii níꞌ man tuviꞌ níꞌ rihaan sayuun ga̱a güii naránj rá ga̱a a̱ naꞌ. Ni̱ꞌyaj u̱u̱n níꞌ cavi̱ꞌ soꞌ ga̱a a̱ naꞌ ―taj Jesús rihaan nij soꞌ a.