San Mateo 11:29 - Triqui de San Juan Copala

²⁹ Dan me se canoco̱ꞌ soj manj, ne̱ quiꞌya̱j soj tucuáán tu̱cuꞌyón ꞌu̱nj man soj á. ꞌO̱ se síí vaa nica̱ꞌ nimán mej, ne̱ nari̱ꞌ soj chrej nara̱a̱n rá nimán soj ado̱nj.

San Mateo 11:29 ပူးပေါင်းရင်းမြစ်များ

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Mateo 21:5

Cata̱j soj rihaan nij síí ma̱n chumanꞌ Sion a: “Ni̱ꞌyaj soj á. Síí gu̱un chij rihaan soj roꞌ, ꞌnaꞌ soꞌ rihaan soj ado̱nj. Síí nica̱ꞌ nimán me soꞌ, ne̱ quita̱j soꞌ xráá burró a. Xráá taꞌníí xcuu ꞌyaj suun quita̱j soꞌ na̱nj ado̱nj.” Da̱nj cataj nij síí nataꞌ yoꞌ a.

San Mateo 28:20

Ne̱ tu̱cuꞌyón soj rihaan nij yuvii̱ se vaa quiꞌya̱j nij yuvii̱ nu̱ꞌ suun caꞌnéꞌ ꞌu̱nj rihaan soj á. Veé dan yu̱u̱n cheꞌe̱ cache̱e̱ ꞌu̱nj ga̱ soj da̱j a̱ güii, nda̱a se navi̱j nu̱ꞌ chumii̱ nihánj na̱nj ado̱nj ―taj Jesús rihaan nij soꞌ a.

San Mateo 7:24

’Dan me se a̱ me maꞌa̱n síí uno sa̱ꞌ nana̱ nihánj nana̱ cataj xnaꞌanj ꞌu̱nj rihaan soj ne̱ ꞌyaj soꞌ nda̱a vaa taj ꞌu̱nj, ne̱ ase vaa ꞌo̱ síí cuneꞌ veꞌ tucuá rihaan yuvej vaa soꞌ ado̱nj. Síí cuneꞌ veꞌ yoꞌ me se síí acaj ndoꞌo cuentá me soꞌ ado̱nj.

San Lucas 8:35

Ga̱a ne̱ caꞌnaꞌ ni̱ꞌyaj nij yuvii̱ se vaa guun, ga̱a ne̱ caꞌnaꞌ nij soꞌ rej nicu̱nꞌ Jesús, ga̱a ne̱ queneꞌen nij soꞌ man síí curiha̱nj nana̱ chre̱e nimán a. A̱j nanuû soꞌ saga̱nꞌ soꞌ, ne̱ dínj ne soꞌ rihaan Jesús a. Ne̱ a̱j tiꞌinj se snúú soꞌ, ne̱ nuu sa̱ꞌ soꞌ a. Ga̱a ne̱ cuchuꞌviꞌ ndoꞌo nij yuvii̱ se vaa quiꞌyaj Jesús a.

San Juan 13:15

Da̱nj ina̱nj quiꞌyáj, cheꞌé rej me raj queneꞌe̱n soj manj, ne̱ xca̱j soj cuentá da̱j quiꞌya̱j maꞌa̱n soj uún ado̱nj.

San Juan 13:17

Ne̱ a̱j cuno soj nana̱ nihánj, ne̱ sese quiꞌya̱j soj nu̱ꞌ nana̱ nihánj, ne̱ ya̱ cavi̱i̱ sa̱ꞌ soj ado̱nj.

Hechos 7:37

Ne̱ maꞌa̱n Moisés yoꞌ me síí cataj rihaan nij síí israelitá a: “Vaa güii, ne̱ ꞌo̱ tuviꞌ soj roꞌ, gu̱un síí nata̱ꞌ snana̱ Yaꞌanj, quiꞌya̱j Yaꞌanj, ne̱ ase vaa ꞌyáá ꞌu̱nj roꞌ, da̱nj quiꞌya̱j soꞌ uún a”, taj Moisés rihaan nij yuvii̱ israelitá a.

1 Corintios 9:21

Ase vaa nij síí ne nocoꞌ stucua̱nj Moisés roꞌ, da̱nj vaa ꞌu̱nj ga̱a taj xnaꞌanj ꞌu̱nj rihaan nij soꞌ cheꞌé Cristó, cheꞌé se me raj cuno̱ nij soꞌ snana̱ Cristó ado̱nj. Dan me se ne ꞌyáá ꞌu̱nj na̱j guun se vaa me raj qui̱ꞌyáj maꞌ. Né se ne unó ꞌu̱nj stucua̱nj Yaꞌanj, tza̱j ne̱ unó ꞌu̱nj tucuáán cuchruj Cristó ado̱nj. ꞌO̱ se unó ꞌu̱nj rihaan Yaꞌanj, ne̱ unó ꞌu̱nj cunuda̱nj tucuáán cuchruj Cristó rihaan níꞌ ado̱nj.

2 Corintios 10:1

Xa̱ꞌ ꞌu̱nj si̱j cuꞌna̱j Pabló, tza̱j ne̱ me rá ꞌu̱nj ga̱a̱ ꞌu̱nj nda̱a rá se vaa maꞌa̱n Cristó ado̱nj. Dan me se naꞌvej rá ꞌu̱nj caxri̱i̱ yuva̱a̱ ꞌu̱nj man soj maꞌ. Ma̱an se veꞌé ina̱nj caꞌmi̱j ga̱ soj, raj a. Neꞌen soj se vaa vaa yuvii̱ ꞌni̱j scaꞌnúj soj taj se vaa veꞌé uxrá aꞌmii ꞌu̱nj rihaan soj ga̱a nicúnꞌ ꞌu̱nj rihaan soj, tza̱j ne̱ axríj yuva̱a̱ ꞌu̱nj man soj ga̱a nicunꞌ yaníj ꞌu̱nj a. Da̱nj tuꞌva nij yuvii̱ yoꞌ, tza̱j ne̱ cuano̱ nihánj me rqueé ꞌu̱nj man soj

2 Corintios 10:5

ne̱ tiri̱ꞌ núj nu̱ꞌ nana̱ aráán chrej rihaan yuvii̱ cuno̱ nij yuvii̱ snana̱ Yaꞌanj, ga̱a ne̱ gu̱un rá nij yuvii̱ cuno̱ nij yuvii̱ rihaan Cristó, quiꞌya̱j núj a.

Filipenses 2:5

Ase vaa rá maꞌa̱n Cristó Jesús roꞌ, da̱nj ga̱a̱ rá maꞌa̱n soj uún á.

1 Tesalonicenses 4:2

ꞌO̱ se a̱j neꞌen soj me nana̱ cataj xnaꞌanj núj rihaan soj cheꞌé Jesús Si̱j ꞌNi̱j Raꞌa man níꞌ na̱nj á.

2 Tesalonicenses 1:8

Ne̱ quiꞌya̱j soꞌ sayuun man nij yuvii̱ ne neꞌen man Yaꞌanj do̱ꞌ, man nij yuvii̱ naꞌvej rá cuno̱ nana̱ sa̱ꞌ cheꞌé Jesús Si̱j ꞌNi̱j Raꞌa man níꞌ do̱ꞌ a.

Hebreos 5:9

Dan me se guun soꞌ síí uno nu̱ꞌ snana̱ rej, ne̱ cheꞌé dan guun soꞌ síí tinanii man ta̱ranꞌ níꞌ si̱j uno rihaan soꞌ rihaan sayuun, ne̱ dan me se cavi̱i̱ sa̱ꞌ níꞌ nu̱ꞌ cavii nu̱ꞌ caꞌanj, quiꞌya̱j soꞌ ado̱nj.

1 Juan 2:6

Ne̱ síí taj se vaa ꞌo̱ nocoꞌ soꞌ man Cristó roꞌ, ase vaa quiꞌyaj Jesús, da̱nj ina̱nj nó xcúún soꞌ quiꞌya̱j maꞌa̱n soꞌ uún ado̱nj.